bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 15
Job 15
Lahu Bible Edited © Thailand Bible Society and Bible Society of Myanmar, 2010, 2020.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
1
Tcuhˉ kuiˬ maˇ cawˬ ve tawˇ yoˬ. Yawˇbaˆ-oˬ, tcuhˉ kuiˬ maˇ cawˬ ve tawˇ yoˬ.
3
Cuˇ yiˍ cawˬ paˍ hkʼaˬ ve teˇ gʼaˇ maˇ kʼoˆ, nawˬ hkʼe maˇ kʼoˆ taˬ. A shu yawˇ awˬ to awˬ pon tcuhˉ kuiˬ maˇ cawˬ ve tawˇ chi hkʼe ve hta‸ maˇ yaw taˬ.
4
Nawˬ te gaˇ ve hkʼe te ve kʼo, chaw teˇ gʼaˇ ka‸ Gʼuiˬsha hta‸ kawˆ tuˬ ve maˇ heˆ. Chaw teˇ gʼaˇ ka‸ Yawˇ geh bon lawˬ tuˬ ve maˇ heˆ.
5
Nawˬ yaw ve tawˇ hta‸ ceh na ve ka‸, nawˬ haiˬ ve kanˉ te taˍ peuˬ ve hta‸ shiˍ hpeh‸ ve yoˬ. Nawˬ lehˬ cuˇ yiˍ cawˬ ve tawˇ hta‸ yehˇ leh, haiˬ ve kanˉ oˇ ve teˇ hpaˍ hta‸ faˉ taˍ tuˬ coˇ caˇ chehˇ ve yoˬ.
6
Ngaˬ nawˬ hta‸ ven baˆ taˍ tuˬ maˇ loˍ. Nawˬ yaw ve tawˇ teˇ hpaˍ nawˬ hta‸ venˇbaˆ taˍ laˇ chehˇ ve yoˬ.
7
Nawˬ lehˬ, miˬguiˬ hkʼoˆ lo awˉ lawˉ peuˇ paw la ve chaw hpeh‸ ve yoˬ teh‸ dawˇ ve laˇ. Gʼuiˬsha hkʼaw pui teˇ hpaˍ hta‸ te hpanˍ htaˇ nawˬ ka‸ oˇ kaˬ lo chehˇ taˍ ve laˇ.
8
Gʼuiˬsha gu taˍ ve kanˉ hkʼaˇ teˇ hpaˍ hta‸ nawˬ gʼa kaˇ taˍ ve laˇ. Chaw yaˇ ve cuˇ yiˍ teˇ hpaˍ nawˬ hta‸ tiˉ caˉ da‸ chehˇ ve laˇ.
9
Nawˬ shiˍ leh ngaˬ hui maˇ shiˍ ve awˬ ceuˬ teˇ ceuˬ ka‸ maˇ cawˬ.
10
Ngaˬ hui lehˬ, nawˬ pa maˇ paw la sheˍ htaˇ ka‸ chehˇ taˍ ve uˉ hpu paˇ hpu ve chaw mawˇ teˇ hpaˍ geh cuˇ yiˍ henˇ taˍ ve yoˬ.
11
Gʼuiˬsha nawˬ hta‸ dawˇ sha tuˬ piˇ laˇ chehˇ ve yoˬ. Aˬ hto‸ ma pa taw, nawˬ maˇ ha‸ yuˬ sheˍ ve le. Ngaˬ hui yawˇ awˬ tan tawˇ nuˇ lehˍ yaw laˇ chehˇ ve yoˬ.
12
Ya‸ hkʼaˇ, nawˬ nyi ma maˇ sha leh, nyi ma zuhˆ ve hkʼaw ngaˬ hui hta‸ nyi laˇ chehˇ ve yoˬ.
13
Nawˬ lehˬ, Gʼuiˬsha hta‸ nyi ma zuhˆ leh venˇbaˆ taˍ hkawˇ yaw chehˇ ve yoˬ.
14
Chaw yaˇ lehˬ, awˬ teh awˬ na da‸ kehˬ hpeh‸-aw laˇ. Chaw yaˇ lehˬ, Gʼuiˬsha hta‸ cawˇ da‸ tuˬ te hpeh‸-aw laˇ.
15
Gʼuiˬsha lehˬ yawˇ ve mvuhˇ naw tcuh yaˇ teˇ hpaˍ hta‸ ka‸ maˇ yonˍ. Yawˇ hui ka‸ yawˇ mehˆ gʼuˇ suhˍ lo da‸ kehˬ ve maˇ heˆ.
16
Chaw yaˇ lehˬ, haiˬ ve awˬ ceuˬ hta‸ iˉ kaˆ hkʼa shuˍ shawˍ taˍ leh dawˬ keu ve yoˬ. Yoˬ, chaw yaˇ lehˬ cha‸ chiˆ leh te‸ chiˉ awˬ hpfuhˇ maˇ cawˬ.
17
Yawˇbaˆ-oˬ, ngaˬ shiˍ ve teˇ hpaˍ hta‸ na taˍ sheˍ.
18
Cuˇ yiˍ cawˬ ve chaw teˇ hpaˍlehˬ, yawˇ hui ve awˬ pa teˇ hpaˍ geh gʼa henˇ taˍ ve hteˇ ve cawˇ ve tawˇ teˇ hpaˍ, ngaˬ hta‸ kʼoˆ maˍ laˇ taˍ ve yoˬ. Yawˇ hui te‸ chiˉ maˇ faˉ taˍ.
19
Yawˇ hui ve mvuhˇmiˬ hkʼaw shu mvuhˇmiˬ ve chaw maˇ cawˬ. Yawˇ hui hta‸ ya‸ kʼaw sheh ya‸ piˇ paˍ teˇ gʼaˇ ka‸ maˇ cawˬ.
20
Shu hta‸ fawˉ mehˍ ve haiˬ ve chaw lehˬ, yawˇ a sha‸ te‸ chehˇ ve teˇ co-e, tu‸ ve hkanˍ ve hta‸ gʼa hkanˍ chehˇ tuˬ ve yoˬ.
21
Kawˆ tuˬ uiˍ ve tawˇ teˇ hpaˍ yawˇ ve naˍ paw hkʼaw kuˬ keu piˇ leh, yawˇ gawˬ lehˍ gʼa chehˇ ve yoˬ, teh‸ dawˇ chehˇ ve awˬ yanˇ hkʼaw, yawˇ lehˬ chaw hkʼawˇ dawˆ ve hta‸ gʼa hkanˍ ve yoˬ.
22
Yawˇ lehˬ naˆ ho‸ kuiˬ hkʼaw gʼa ponˬ tuˬ dawˇ law kuiˬ maˇ cawˬ. Awˬ lawn kʼo, yawˇ hta‸ tiˇ pehˍ piˇ tuˬ teˇ kaˬ kaˬ lo aˉhtaw law taˍ ve yoˬ.
23
Naˬ beuˬ ngaˆ teˇ hpaˍ lehˬ, yawˇ ve awˬ shaˍ hta‸ caˇ tuˬ law chehˇ ve yoˬ. Awˬ gʼuˇ suhˍ hpawˇ yawˇ ve ya‸ kʼaw naˆ ho‸ lehˍ hpeh‸ chehˇ ve hta‸ yawˇ shiˍ taˍ ve yoˬ.
24
Luˬ ve sheˆ ve teˇ ceuˬ lehˬ, awˬ gʼaˇ uiˍ ve jawˇmawˇ hkʼa shuˍ yawˇ hta‸ te luˬ piˇ tuˬ law chehˇ taˍ ve yoˬ.
25
Chi ve lehˬ, kanˇ paˆ uiˍ ve Gʼuiˬsha hta‸ kʼaw‸ hpfuhˆ leh, yawˇ hta‸ la‸ tsuhˆ pui te maˍ piˇ ve chaw teˇ gʼaˇ gʼa hpuˇ tuˬ ve awˬ ceuˬ hpeh‸ ve yoˬ.
26
Chaw oˇ ve lehˬ, nyi ma uiˍ leh kʼaw‸ hpfuhˆ puiˉ ve yoˬ.
27
Yawˇ lehˬ htanˬ tuˬ hta‸ yuˬ leh Gʼuiˬsha hta‸ ca bawˆ tuˬ gʼuiˇ kʼai ve yoˬ.
28
Chaw oˇ ve lehˬ, venˇ teˇ hpaˍ hta‸ bawˆ yuˬ leh, shu baˬ taˉ ve yehˬ teˇ hpaˍ hta‸ hiˉ yuˬ ve yoˬ. Ya‸ hkʼaˇ, ma‸ hpeh‸ la leh venˇ oˇ ve teˇ hpaˍ leh yehˬ oˇ ve teˇ hpaˍ luˬ kʼai sheˆ kʼai tuˬ yoˬ.
29
Yawˇ lehˬ, maw maw gʼa paw sha chehˇ tuˬ ve maˇ heˆ. Yawˇ ve aˉ gʼuiˬ ha htawˇ mehˉ kʼai tuˬ yoˬ. Yawˇ geh te‸ chiˉ mawˇ cawˬ taˉ tuˬ ve maˇ heˆ.
30
Yawˇ lehˬ naˆ ho‸ kuiˬ hkʼaw ponˬ tawˆ-e gaˬ tuˬ ve maˇ heˆ. Yawˇ lehˬ awˬ kʼaˉ teˇ hpaˍ hta‸ aˬ miˍ to‸ baˬ leh awˬ veˆ teˇ hpaˍ hta‸ mvuhˇ haw meuˆ baˬ piˇ ve suhˆ cehˬ hkʼa shuˍ hpeh‸ tuˬ yoˬ.
31
Yawˇ lehˬ kʼaˍ jaˇ leh haiˬ ve awˬ ceuˬ hta‸ gʼaˇ va chehˇ ve kʼo, haiˬ ve awˬ ceuˬ lehˬ yawˇ gʼa tuˬ ve la‸ shawnˍ hpeh‸ tuˬ yoˬ.
32
Yawˇ ve awˬ yanˇ maˇ gaˬ sheˍ htaˇ ka‸ nawˍ kʼai tuˬ yoˬ. Yawˇ lehˬ suhˆ kʼaˉ hkʼe nawˍ kʼai leh, teˇ pawˆ ka‸ nawˉ lehˍ kʼaw‸ hpeh‸ la tuˬ ve maˇ heˆ.
33
Yawˇ lehˬ awˬ shiˍ maˇ meh sheˍ htaˇ ka‸ ce ve a pehˉ meuˇ te hkʼe hpeh‸ leh, awˬ veˆ piˬ ce kʼai ve shaˍlonˍ cehˬ hkʼe hpeh‸ tuˬ yoˬ.
34
Gʼuiˬsha maˇ cawˬ ve chaw teˇ hpaˍ lehˬ, awˬ ceuˬ awˬ hkʼaˇ cawˬ taˉ tuˬ ve maˇ heˆ. Shu geh la‸ shawnˍ yuˬ leh te taˍ ve yehˬ teˇ hpaˍ hta‸ aˬ miˍ to‸ baˬ tuˬ yoˬ.
35
Chaw chi teˇ hpaˍ lehˬ, dawˇ haˍ tuˬ ve kanˉ hkʼaˇ gu leh haiˬ ve kanˉ hta‸ te ve yoˬ. Yawˇ hui ve nyi ma hkʼaw hkʼaˬ htaˆ ka‸ heˍ caˇ gaˇ ve nyi ma cawˬ ve yoˬ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42