bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 31
Job 31
Lahu Bible Edited © Thailand Bible Society and Bible Society of Myanmar, 2010, 2020.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 32 →
1
Yaˇ miˇ haˉ hta‸ peh‸ ve tzuhˆ ve nyi ma hkʼaw ngaˬ teˇ pawˆ ka‸ maˇ kʼaw‸ nyi tuˬ, ngaˬ ka ti‸ te taˍ peuˬ ve yoˬ.
2
Kanˇ paˆ uiˍ ve Gʼuiˬsha ngaˬ hui hta‸ hkʼaˬ hkʼe te laˇ ve le. Chaw yaˇ te ve kanˉ teˇ hpaˍ hta‸Yawˇ hkʼaˬ hkʼe kʼaw‸ te hkʼaw‸ piˇ ve le.
3
Te ya‸ ve chaw awˬ hkʼoˆ lo, dawˇ haˍ tuˬ leh luˬ ve sheˆ ve awˬ ceuˬ Yawˇ gaˬ la piˇ ve yoˬ.
4
Ngaˬ te ve kanˉ hkʼa peu-eˬ ve hta‸ Gʼuiˬsha shiˍ chehˇ ve yoˬ. Ngaˬ toˇ kʼai ve hkui piˍ teˇ piˍ le le ve hta‸ Yawˇ mawˬ chehˇ ve yoˬ.
5
Haiˬ ve kanˉ hta‸ ngaˬ teˇ pawˆ ka‸ maˇ te jaw. Shu hta‸ teˇ pawˆ ka‸ maˇ heˍ caˇ jaw, teh‸ ngaˬ hkanˍ gʼa ve yoˬ.
6
Gʼuiˬsha ngaˬ hta‸ hteˇ ve cawˇ ve yaˍ cuˍ hkʼaw keu tsuh nyi piˇ lawˬ-o‸. Ngaˬ hteˇ ve cawˇ ve chaw hpeh‸ ve hta‸ Yawˇ gʼa mawˬ tuˬ yoˬ.
7
Ngaˬ lehˬ cawˇ ve ya‸ kʼaw hta‸ baˬ taˉ ve, maˇ heˆ kʼo haiˬ ve kanˉ hta‸ te gaˇ ve, leh ngaˬve la‸ sheh hta‸ venˇbaˆ ngawˉ taˍ ve kʼo,
8
ngaˬ ve awˬ shiˍ awˬ nu teˇ hpaˍ luˬ kʼai sheˆ kʼai piˇ-oˆ. Maˇ heˆ kʼo, ngaˬ ti taˍ ve caˇ tuˬ teˇ hpaˍ hta‸ shu caˇ piˇ-oˆ.
9
Ngaˬ lehˬ awˬ paˇ awˬ kui lo chehˇ ve shu miˇ ma hta‸ hkʼawˇ faˍ leh, yawˇ ve yehˬmiˉhpe‸ paˇ lo law taˍ ve kʼo,
10
ngaˬ miˇ ma lehˬ shu miˇ ma hpeh‸ la piˇ-oˆ.
11
Chi hkʼe haiˬ ve kanˉ hta‸ te ve chaw lehˬ suh keunˍ ve yoˬ.
12
Venˇbaˆ oˇ ve lehˬ, ngaˬ hkʼa cawˬ ve mawˇ jeˬ hkʼa peu-eˬ ve hta‸ to‸ baˬ ve moˬ naˆ ho‸ aˬ miˍ leh, luˬ ve sheˆ ve aˬ miˍ hkʼe hpeh‸ tuˬ yoˬ.
13
Ngaˬ ve awˬ ceˬ teˇ gʼaˇ ngaˬ hta‸ ca hkʼanˇ maˍ la ve kʼo, ngaˬ yawˇ kʼoˆ ve tawˇ hta‸ na yuˬ leh hkʼa deh‸ ga piˇ ve yoˬ.
14
Ngaˬ oˇ hkʼe maˇ te piˇ ve kʼo, hkʼaˬ hkʼe te ngaˬ Gʼuiˬsha hta‸ tawˍ da‸ hpeh‸ tuˬ le. Gʼuiˬsha ngaˬ hta‸ suhˉ jehˬ tuˬ laˬ ve teˇ yanˇ, ngaˬ hkʼaˬ hkʼe gʼa kʼoˆ tuˬ ve le.
15
Ngaˬ hta‸ te hpanˍ laˇ ve Gʼuiˬsha lehˬ, ngaˬ ve awˬ ceˬ paˍ hta‸ htawˇ te hpanˍ taˍ ve yoˬ.
16
Haˍ gʼawˇ ve chaw hta‸ ga piˇ tuˬ ngaˬ teˇ pawˆ ka‸ maˇ jaw kʼai jaw. Mehˇchawˇma teˇ hpaˍ hta‸ htawˇ, dawˇ haˍ dawˇ tuiˬ kuiˬ lo ngaˬ maˇ chehˇ tcuh jaw.
17
Ngaˬ caˇ chehˇ dawˬ chehˇ ve teˇ yanˇ, yaˇcuˬshi teˇ hpaˍ hta‸ ngaˬ maˇ meu‸ maˇ kaˆ jehˇ tcuh jaw.
18
Ngaˬ a sha‸ te‸ chehˇ ve teˇ co, yawˇ hui hta‸ ngaˬ ha‸ shaˉ piˇ chehˇ ve yoˬ.
19
Haˍ gʼawˇ jaˇ leh veu‸ kʼaˇ vuiˬ veu‸ tuˬ hpu maˇ cawˬ ve chaw hta‸ ngaˬ gʼa mawˬ ve teˇ yanˇ,
20
ngaˬ yawˇ hta‸ yawˬ mvuh te taˍ ve veu‸ kʼaˇ yuˬ feuˉ piˇ ve yoˬ. Yawˬ mvuh oˇ ve lehˬ, ngaˬ ve yawˬ teˇ hpaˍ hta‸ nuˆ yuˬ taˍ ve yoˬ. Oˇ htaˇ, yawˇ ve nyi ma awˬ tawˬ hkʼa gaˬ ngaˬ hta‸ chiˇ mvuh laˇ ve yoˬ.
21
Shaˉnanˉ hkʼaw gaˬ kʼo, ngaˬ gʼaˇ tuˬ yoˬ teh‸ shiˍ leh, yaˇ cu shi teˇ gʼaˇ gʼaˇ hta‸ ngaˬ gʼa heˍ caˇ taˉ peuˬ ve kʼo,
22
ngaˬ ve la‸ sheh lehˬ tawˆ cheˆ ve hta‸ gʼa hkanˍ piˇ-oˆ. Ngaˬ ve la‸ hpeh kʼaˉ hta‸ taˇ kʼaw‸ tcuhˉ naw‸ chehˇ piˇ-oˆ.
23
Gʼuiˬsha ciˍ yanˍ laˇ ve hta‸ kawˆ ve pa taw, chi hkʼe ve kanˉ hta‸ ngaˬ teˇ pawˆ ka‸ maˇ te.
24
Hpu shi mawˇ jeˬ teˇ hpaˍ hta‸ ngaˬ teˇ pawˆ ka‸ gʼaˇ maˇ va jaw.
25
Ngaˬ ve mawˇ jeˬ teˇ hpaˍ hta‸ pa taw, ngaˬ nyi ma uiˍ ve mvuh ve ka‸ maˇ te.
26
Awˬ gʼeuˆ ba jaˇ ve mvuhˇ nyi hta‸ maˇ kʼoˆ, nyi sha jaˇ ve ha pa hta‸ maˇ kʼoˆ, ngaˬ teˇ pawˆ ka‸ oˉ kʼoˍ maˇ pui jaw.
27
Yawˇ hui hta‸ yawˆ yan piˇ tuˬ ka‸ ngaˬ maˇ te jaw. Yawˇ hui hta‸ taˍ uiˍ taˍ mvuh ve hkʼaw, ngaˬ ve la‸ sheh hta‸ ka‸ ngaˬ maˇ boˆ nu jaw.
28
Chi hkʼe ve venˇbaˆ te ve chaw lehˬ suh keunˍ ve yoˬ. Oˇ hkʼe te ve lehˬ, kanˇ paˆ uiˍ ve Gʼuiˬsha hta‸ chiˇ baˬ ve teˇ ceuˬ hpeh‸ ve yoˬ.
29
Ngaˬ ve canˇ paˍ teˇ hpaˍ gʼa tu‸ gʼa hkanˍ ve teˇ yanˇ, ngaˬ ha lehˬ chehˇ ve maˇ heˆ. Maˇ heˆ kʼo, yawˇ hui luˬ ve sheˆ ve hta‸ gʼa hpuˇ ve teˇ yanˇ, ngaˬ nyi hkʼaˇ suh chehˇ ve maˇ heˆ.
30
Yawˇ hui suh-e tuˬ ve awˬ pon ngaˬ bon maˇ lawˬ. Oˇ hkʼe te ve lehˬ,venˇbaˆ hpeh‸ ve yoˬ.
31
Ngaˬ lehˬ maˇ shiˍ da‸ jaw ve hkehˉ chaw teˇ hpaˍ hta‸ hkʼaˬhtaˆ ka‸ ha‸ yuˬ piˇ chehˇ ve hta‸, ngaˬ geh kanˉ te chehˇ ve chaw hkʼa peu-eˬ shiˍ taˍ ve yoˬ.
32
Ya‸ kʼaw te toˇ paˍ teˇ hpaˍ hta‸ ngaˬ ve yehˬ hkʼaw kuˬ yuˬ leh, yawˇ hui hta‸ teˇ pawˆ ka‸ ya‸ kʼaw hpuiˇ lo maˇ haˉ tcuh jaw.
33
Awˬ nu ve chaw teˇ hpaˍ lehˬ, a shu yawˇ ve venˇbaˆ teˇ hpaˍ hta‸ faˉ taˍ ve yoˬ. Ya‸ hkʼaˇ, ngaˬ lehˬ ngaˬ ve venˇbaˆ teˇ hpaˍ hta‸ teˇ pawˆ ka‸ maˇ faˉ taˍ jaw.
34
Chaw yaˇ teˇ hpaˍ kʼoˆ laˇ tuˬ ve tawˇ hta‸ ngaˬ maˇ kawˆ. Yawˇ hui deˇ laˇ tuˬ ve hta‸ kawˆ ve pa taw, ngaˬ ta‸ iˉ gawˬ lehˍ chehˇ taˍ ve, maˇ heˆ kʼo aˉ hkʼaw lo ceh ti hkʼawˆ chehˇ taˍ ve ngaˬ teˇ pawˆ ka‸ maˇ te jaw.
35
Ngaˬ kʼoˆ chehˇ ve tawˇ hta‸ chaw teˇ gʼaˇ ka‸ maˇ na ve laˇ. Ngaˬ kʼoˆ ve tawˇ teˇ hkawˇ le le cawˇ ve yoˬ, teh‸ ngaˬ hkanˍ hpeh‸ ve yoˬ. Kanˇ paˆ uiˍ ve Gʼuiˬsha ngaˬ hta‸ kʼaw‸ yaw hkʼaw‸ laˇ piˇ-oˆ. Ngaˬ geh tawˇ ca gʼawˬ da‸ la ve chaw hui yaw ve tawˇ teˇ hpaˍ hta‸ ngaˬ mawˬ hpeh‸ tuˬ, hkʼa deh‸ bvuh‸ keu taˍ laˇ ve hkʼe kʼo,
36
oˇ ve teˇ hpaˍ hta‸ ngaˬ ve la‸ hpeh kʼaˉ hkʼoˆ lo veu‸ deh taˍ leh, shi uˉ tcuhˍ hkʼe ngaˬ ve oˉ kʼoˍ hta‸ hkʼawˆ taˍ tuˬ yoˬ.
37
Ngaˬ te taˍ peuˬ ve kanˉ hkʼa peu-eˬ Gʼuiˬsha hta‸ hto maˍ piˇ leh, Yawˇ mehˆ gʼuˇ suhˍ lo ngaˬ ve oˉ kʼoˍ hta‸ mvuh chaweh chiˇ taˍ tuˬ yoˬ.
38
Chi beu‸ ngaˬ te caˇ chehˇ ve ti mi lehˬ, shu geh hkʼaw‸ yuˬ taˍ ve ti mi hpeh‸ leh
39
oˇ kaˬ lo tawˆ ve awˬ shiˍ awˬ nu teˇ hpaˍ hta‸ ngaˬ yuˬ caˇ leh, ti mi oˇ ve hta‸ te ve chaw hui hta‸ ngaˬ meu‸ jehˇ tcuh taˍ ve kʼo,
40
caˬ shiˍ leh cho‸ shiˍ awˬ tan mvuh‸ leh aˉ chuˇ buiˇ teˇ hpaˍ ceh tiˉ yeˬ tawˆ la piˇ-oˆ. (Yawˇbaˆ yaw ve tawˇ teˇ hpaˍ peuˬ ve yoˬ.)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42