bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 9
Job 9
Lahu Bible Edited © Thailand Bible Society and Bible Society of Myanmar, 2010, 2020.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 10 →
1
Yoˬ, awˬ ceuˬ oˇ ve hkʼa peu-eˬ hta‸ ponˬ laˬ htaˇ ngaˬ gʼa kaˇ jaw taˍ peuˬve yoˬ. Ya‸ hkʼaˇ, chaw teˇ gʼaˇ Gʼuiˬsha hta‸ tawˇ te da‸ leh hkʼaˬ hkʼe te gʼaˇ hpeh‸ tuˬ le.
3
Chaw teˇ gʼaˇ hkʼaˬ hkʼe te yawˇ hta‸ tawˇ gʼawˬ da‸ hpeh‸ tuˬ le. Yawˇ lehˬ, chaw teˇ gʼaˇ ka‸ kʼaw‸ yaw hkʼaw‸ maˇ gʼa ve na nyi hkawˇ teˇ hiˉ hkawˇ na nyi laˇ hpeh‸ ve yoˬ.
4
Gʼuiˬsha lehˬ cuˇ yiˍ uiˍ jaˇ leh kanˇ paˆ uiˍ jaˇ ve yoˬ. Chaw teˇ gʼaˇ ka‸ Yawˇ hta‸ tawˍ da‸ maˇ hpeh‸.
5
Yawˇ lehˬ shaˍ ti‸ maˇ piˇ leh, hkʼaw teˇ hpaˍ hta‸ jiˆ kʼai piˇ leh nyi ma zuhˆ ve hkʼaw yawˇ hui hta‸ te luˬ te sheˆ piˇ ve yoˬ.
6
Gʼuiˬsha lehˬ, miˬ hiˆ la piˇ leh, miˬguiˬ hta‸ hiˆ hiˆ naˇ naˇ hpeh‸ la piˇ ve yoˬ. Miˬguiˬ hta‸ kanˬ chiˇ taˍ ve yehˬ hkuiˉ daw teˇ hpaˍ hta‸ htawˇ hiˆ hiˆ naˇ naˇ hpeh‸ la piˇ ve yoˬ.
7
Yawˇ lehˬ mvuhˇ nyi maˇ tawˆ la tuˬ te puiˉ leh, mvuhˇ hpeu‸ htaˇ meu‸ keu shiˍ teˇ hpaˍ awˬ gʼeuˆ maˇ gʼa ba tuˬ te puiˉ ve yoˬ.
8
Gʼuiˬsha mvuhˇ naw ma hta‸ te hpanˍ htaˇ, chaw teˇ gʼaˇ ka‸ Yawˇ hta‸ ga piˇ taˍ ve maˇ heˆ. Laˇ tsuhˇ gʼuiˬ hkʼaw ve to nuˇ to shaˆ lonˉ hta‸ naˆ nehˆ piˇ htaˇ htawˇ, chaw teˇ gʼaˇ ka‸ Yawˇ hta‸ ga piˇ taˍ ve maˇ heˆ.
9
Gʼuiˬsha lehˬ, meu‸ keu shiˍ teˇ hpaˍ hta‸ mvuhˇ hpe lo teh taˍ ve yoˬ. Aˍsaˆ, Hkaˍtiˇlaˆ, Hkiˇmaˆ leh awˬ hawˉ hpawˇ lo ve meu‸ keu shiˍ chi teˇ hpaˍ hta‸ Yawˇ teh taˍ ve yoˬ.
10
Yawˇ te taˍ ve uiˍ jaˇ ve kanˉ teˇ hpaˍ hta‸ ngaˬ hui ca shiˍ maˇ peuˬ taˬ. Yawˇ ve anˇ tuˬ teˇ hpaˍ htawˇ awˬ leh meuˇ maˇ cawˬ.
11
Gʼuiˬsha hpanˍ kʼai ve yoˬ. Ya‸ hkʼaˇ, ngaˬ Yawˇ hta‸ nyi maˇ mawˬ.
12
Yawˇ heuˆ gaˇ ve awˬ ceuˬ hta‸ Yawˇ yuˬ kʼai ve yoˬ. Chaw teˇ gʼaˇ ka‸ Yawˇ hta‸ tawˍ taˍ maˇ gʼa. Nawˬ aˬ hto‸ ma te chehˇ ve le, teh‸ chaw teˇ gʼaˇ ka‸ Yawˇ hta‸ na nyi maˇ haˆ.
13
Gʼuiˬsha nyi ma zuhˆ ve teˇ ceuˬ hkʼa htaˆ ka‸ cawˬ taˍ ve yoˬ. Yawˇ hta‸ tawˍ da‸ tuˬ Raˍhaˆ teh‸ kʼoˆ ve laˇ tsuhˇ gʼuiˬ hkʼaw chehˇ ve to nuˇ to shaˆ lonˉ hta‸ ga piˇ ve Yawˇ ve canˇ paˍ teˇ hpaˍ hta‸ Yawˇ nyiˉ ceh‸ piˇ ve yoˬ.
14
Chi hta‸ pa taw, Gʼuiˬsha hta‸ kʼaw‸ yaw hkʼaw‸ piˇ tuˬ ve tawˇ ngaˬ hkʼaˬ hkʼe te ca gʼa hpeh‸ tuˬ le.
15
Ngaˬ lehˬ te‸ chiˉ venˇbaˆ maˇ cawˬ ve htawˇ, ngaˬ te hpeh‸ te gʼa ve kanˉ lehˬ, ngaˬ hta‸ ha kʼaˉ laˇ tuˬ, ngaˬ ve suhˉ jehˬ shehˍ hpaˇ Gʼuiˬsha hta‸ lawˬ hkawˉ piˇ ve ceh yoˬ.
16
Oˇ hkʼe ceh te gʼa leh, Yawˇ ngaˬ hta‸ tawˇ yaw tcuh laˇ ve kʼo ka‸, Yawˇ ngaˬ ve tawˇ hta‸ na yuˬ laˇ tuˬ yoˬ, teh‸ ngaˬ a ciˉ ka‸ maˇ yonˍ.
17
Te‸ chiˉ awˬ lawn maˇ cawˬ ve ka‸, Yawˇ mvuhˇ haw mvuhˇ yeˬ lonˉ peu laˇ leh, ngaˬ hta‸ naˬ tuˬ hkʼaw tuˬ te laˇ gʼa ve yoˬ.
18
Ngaˬ shaˉ gʼawˬ hpeh‸ tuˬYawˇ maˇ te laˇ. Ngaˬ hta‸ dawˇ haˍ dawˇ tui‸ piˇ lawˬ ve yoˬ.
19
Ngaˬ hehnˇ chaweh gʼa te tuˬ laˇ. Gʼuiˬsha hta‸ hehnˇ chaweh gʼa te piˇ tuˬ laˇ. Ngaˬ Yawˇ hta‸ shaˉ nanˉ lo gʼa shiˍ kʼai tuˬ laˇ. A shu yawˇ htaˬ kʼai tuˬ te piˇ gʼa le.
20
Ngaˬ lehˬ te‸ chiˉ ya‸ kuiˬ maˇ cawˬ leh, ka ti‸ yeˬ chehˇ ve yoˬ. Ya‸ hkʼaˇ, ngaˬ yaw ve tawˇ lehˬ, venˇbaˆ cawˬ ve hkʼe hpeh‸ ve yoˬ. Ngaˬ kʼoˆ chehˇ ve tawˇ teˇ hpaˍ htawˇ, ngaˬ hta‸ venˇbaˆ taˍ laˇ chehˇ ve hkʼe hpeh‸ ve yoˬ.
21
Ngaˬ lehˬ te‸ chiˉ ya‸ kuiˬ maˇ cawˬ. Ya‸ hkʼaˇ, ngaˬ te‸ chiˉ maˇ dawˇ nyi-o. A sha‸ te‸ chehˇ ve hta‸ nyi ma luˬ jaˇ peuˬ.
22
Hkʼaˬ hkʼe hpeh‸ ka‸ yaˬ piˇ-oˆ. Ya‸ kuiˬ maˇ cawˬ ka‸, Gʼuiˬsha lehˬ ngaˬ hui hta‸ te luˬ te sheˆ laˇ tuˬ yoˬ.
23
Te‸ chiˉ ya‸ kuiˬ maˇ cawˬ ve chaw la‸ haˉ suh-e ve teˇ yanˇ, Gʼuiˬsha gʼuiˬ yawˬ ve yoˬ.
24
Gʼuiˬsha lehˬ, miˬguiˬ chi haiˬ ve chaw hta‸ piˇ taˍ ve yoˬ. Yawˇ lehˬ suhˉ jehˬ shehˍ hpaˇ hkʼa peu-eˬ ve hta‸ mehˆ cuˉ piˇ lawˬ ve yoˬ. Gʼuiˬsha oˇ hkʼe maˇ te piˇ taˍ ve kʼo, a shu te piˇ taˍ ve le.
25
Ngaˬ ve awˬ nyi awˬ haˉ teˇ hpaˍ ponˬ kʼai chehˇ ve yoˬ. Teˇ nyi ka‸ da‸ ve maˇ cawˬ.
26
Ngaˬ ve a sha‸ lehˬ geh jaˇ ve haw lo‸ kʼoˍ hkʼa shuˍ ponˬ kʼai chehˇ ve yoˬ. Pa taiˇ hta‸ tsuh‸ yuˬ tuˬ ya‸ la chehˇ ve aˉ ceˬ hkʼa shuˍ gehˬ jaˇ ve yoˬ.
27
Ngaˬ gʼuiˬ suh-ehˍ te leh, ngaˬ naˬ chehˇ ve hta‸ leunˇ kʼai tuˬ coˇ caˇ nyi ve teˇ yanˇ, ngaˬ ve tu‸ hkanˍ tuˬ teˇ hpaˍ ngaˬ awˬ hkʼoˆ kʼaw‸ hpoˆ gaˬ la ve yoˬ.
28
Gʼuiˬsha ngaˬ hta‸ venˇbaˆ taˍ laˇ chehˇ ve hta‸ ngaˬ shiˍ ve yoˬ.
29
Ngaˬ venˇbaˆ cawˬ ve hta‸ gʼa shiˍ peuˬ ve kʼo, aˬ hto‸ ma pa taw ngaˬ gʼa coˇ caˇ tuˬ sheˍ ve le.
30
Sha pehˍ hkʼaˬ ve teˇ ceuˬ maˇ kʼoˆ, ngaˬ ve venˇbaˆ hta‸ tsuhˇ baˬ laˇ gʼa tuˬ ve maˇ heˆ.
31
Gʼuiˬsha lehˬ ngaˬ hta‸ maˇ da‸ ve mawˇ geh teˇ geh miˬ kʼoˍ hkʼaw baˬ keu laˇ ve yoˬ. Ngaˬ ve veu‸ kʼaˇ teˇ hpaˍ ka‸ ngaˬ hta‸ kʼaw‸ ya‸ taw chehˇ ve yoˬ.
32
Gʼuiˬsha lehˬ chaw yaˇ hpeh‸ ve hkʼe kʼo, ngaˬ Yawˇ hta‸ kʼaw‸ yaw hkʼaw‸ piˇ hpeh‸ ve yoˬ. Ngaˬ huiˉ maˬ ya‸ da‸ ve hta‸ suhˉ jehˬ laˇ tuˬ, shaˉ nanˉ lo kʼai hpeh‸ ve yoˬ.
33
Ya‸ hkʼaˇ, Gʼuiˬsha ngaˬ huiˉ maˬ awˬ kaˍ lo suhˉ jehˬ laˇ tuˬ ve chaw teˇ gʼaˇ ka‸ maˇ cawˬ.
34
Gʼuiˬsha-oˬ, ngaˬ hta‸ taˇ kʼaw‸ ciˍ yanˍ laˇ-oˆ. Nawˬ ve kawˆ tuˬ teˇ hpaˍ hta‸ yuˬ baˬ-o‸.
35
Ngaˬ lehˬ kawˆ tuˬ ve maˇ heˆ. Ngaˬ tawˇ yaw tuˬ yoˬ. Awˬ lawn kʼo, ngaˬ ve nyi ma hta‸ ngaˬ shiˍ taˍ ve yoˬ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42