bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 34
Job 34
Lahu Bible Edited © Thailand Bible Society and Bible Society of Myanmar, 2010, 2020.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 35 →
1
Nawˬ hui lehˬ cuˇ yiˍ cawˬ leh la‸ lehnˉ jaˇ ve yoˬ. Chi beu‸ ngaˬ kʼoˆ chehˇ ve tawˇ hta‸ na sheˍ.
3
Nawˬ hui caˇ tuˬ hta‸ caˇ nyi ve teˇ yanˇ, caˇ tuˬ oˇ ve mehˬ maˇ mehˬ ve hta‸ nawˬ hui shiˍ ve yoˬ. Ya‸ hkʼaˇ, tawˇ yaw hkawˇ hta‸ gʼa kaˇ ve teˇ yanˇ, tawˇ oˇ ve cuˇ yiˍ cawˬ ve tawˇ hpeh‸ maˇ hpeh‸ ve hta‸ nawˬ hui maˇ shiˍ.
4
Chi ve hta‸ ngaˬ hui hkʼaˇ ngaˬ hui gʼa dawˇ shiˍ ve yoˬ.
5
Yawˇbaˆ lehˬ yawˇ awˬ to hta‸ yawˇ te‸ chiˉ ya‸ kuiˬ maˇ cawˬ ve chaw teh‸ shawˍ taˍ leh, Gʼuiˬsha yawˇ hta‸ hteˇ ve cawˇ ve awˬ ceuˬ maˇ piˇ laˇ, teh‸ kʼoˆ chehˇ ve yoˬ.
6
Ngaˬ lehˬ hteˇ cawˇ ve chaw hpeh‸ htawˇ, ngaˬ hta‸ chaw heˍ paˍ teh‸ shawˍ laˇ ve yoˬ. Ngaˬ venˇbaˆ maˇ cawˬ ve htawˇ, ngaˬ hta‸ hkaˆ ce bawˆ tcuhˉ laˇ ve yoˬ, teh‸ Yawˇbaˆ kʼoˆ chehˇ ve yoˬ.
7
Yawˇbaˆ hkʼe ve chaw teˇ gʼaˇ gʼaˇ hta‸ nawˬ hui mawˬ jaw laˇ. Yawˇ lehˬ teˇ pawˆ ka‸ Gʼuiˬsha hta‸ yawˆ yan hkawˇ maˇ yaw.
8
Yawˇ lehˬ haiˬve chaw teˇ hpaˍ hta‸ awˬ chawˇ te gaˇ leh, venˇbaˆ yaˇ hui geh te toˇ chehˇ ve yoˬ.
9
Gʼuiˬsha ve a loˍ awˬ hkʼaˇ suh gʼa‸ te ve lehˬ, te‸ chiˉ awˬ bon maˇ cawˬ, teh‸ yawˇ kʼoˆ ve yoˬ.
10
Shiˍ puiˉ ve chaw teˇ hpaˍ-oˬ, ngaˬ ve tawˇ hta‸ na sheˍ. Kanˇ paˆ uiˍ ve Gʼuiˬsha lehˬ, maˇ da‸ ve kanˉ hta‸ te tuˬ laˇ.
11
Yawˇ lehˬ chaw yaˇ teˇ hpaˍ te taˍ ve hta‸ keunˍ da‸ ve hkʼe kʼaw‸ te hkʼaw‸ piˇ leh, yawˇ hui hta‸ keunˍ ve hkʼe te piˇ chehˇ ve yoˬ.
12
Kanˇ paˆ uiˍ ve Gʼuiˬsha lehˬ haiˬ ve kanˉ hta‸ maˇ te. Yawˇ lehˬ chaw teˇ gʼaˇ hta‸ ka‸ maˇ hteˇ maˇ cawˇ ve maˇ te piˇ.
13
Gʼuiˬsha lehˬ, yawˇ ve kanˇ paˆ chaw teˇ gʼaˇ gʼaˇ geh gʼa taˍ ve laˇ. Miˬguiˬ chi hta‸ ha‸ shaˉ tuˬ, chaw teˇ gʼaˇ gʼaˇ yawˇ hta‸ leuˆ teh piˇ taˍ ve laˇ.
14
Gʼuiˬsha lehˬ te‸ ve a sha‸ hta‸ kʼaw‸ yuˬ hkʼaw‸ ve kʼo,
15
te‸ chehˇ ve chaw hkʼa peu-eˬ gʼa suh-e leh, je‸ kʼaw‸ hpeh‸ la tuˬ yoˬ.
16
Nawˬ hui cuˇ yiˍ cawˬ ve kʼo, ngaˬ kʼoˆ chehˇ ve tawˇ hta‸ na sheˍ.
17
Nawˬ hui lehˬ hteˇ jaˇ cawˇ jaˇ ve Gʼuiˬsha hta‸venˇbaˆ taˍ chehˇ ve laˇ. Yawˇ lehˬ hteˇ ve cawˇ ve awˬ ceuˬ hta‸ canˇ ve yoˬ, teh‸ nawˬ hui dawˇ ve laˇ.
18
Jawˇmawˇ leh uˉ peunˍ shehˍ hpaˇ teˇ hpaˍ te‸ chiˉ tcuhˉ kuiˬ maˇ cawˬ leh hai ˬ ve kʼo, Gʼuiˬsha yawˇ hui hta‸ venˇbaˆ taˍ piˇ ve yoˬ.
19
Yawˇ lehˬ uˉ peunˍ shehˍ hpaˇ teˇ hpaˍ hpawˇ lo chehˇ ve maˇ heˆ. Haˍ gʼawˇ yaˇ a‸ kehˉ paw sha ve chaw hta‸ Yawˇ nyi ma cawˇ ve maˇ heˆ. Awˬ lawn kʼo, Yawˇ lehˬ chaw teˇ gʼaˇ le le hta‸ te hpanˍ taˍ ve yoˬ.
20
Chaw yaˇ lehˬ, mvuhˇ hpeu‸ htaˇ la‸ haˉ suh-e puiˉ ve yoˬ. Gʼuiˬsha lehˬ, chaw yaˇ hta‸ dawˆ paiˍ piˇ leh, yawˇ hui luˬ kʼai sheˆ kʼai ve yoˬ. Yawˇ lehˬ te‸ chiˉ awˬ gʼaˇ awˬ shaˉ hta‸ maˇ yuˬ tawˆ ve htawˇ, awˬ gʼaˇ uiˍ ve chaw hta‸ tiˇ pehˍ piˇ gʼa ve yoˬ.
21
Yawˇ lehˬ chaw yaˇ te toˇ ve hkui piˍ teˇ piˍ le le hta‸ gʼa‸ nyi chehˇ ve yoˬ.
22
Venˇbaˆ yaˇ teˇ gʼaˇ hta‸ Gʼuiˬsha mehˆ gʼuˇ suhˍ faˉ taˍ piˇ gʼa ve naˆ ho‸ jaˇ ve awˬ ceuˬ teˇ ceuˬ ka‸ maˇ cawˬ.
23
Chaw yaˇ hta‸ suhˉ jehˬ piˇ tuˬ, Gʼuiˬsha lehˬ awˬ yanˇ teˇ yanˇ hta‸ fuiˍ teh taˍ tuˬ maˇ loˍ.
24
Yawˇ lehˬ awˬ hoˉ awˬ naˬ teˇ hpaˍ hta‸ yuˬ baˬ leh, awˬ suhˉ kʼaw‸ leuˆ keu piˇ tuˬ awˬ pon, kʼai leh ca chaˬ nyi tuˬ maˇ loˍ.
25
Awˬ lawn kʼo, yawˇ hui hkʼa te chehˇ ve kanˉ hkʼa peu-eˬ ve hta‸ yawˇ shiˍ chehˇ ve yoˬ. Yawˇ yawˇ hui hta‸ yuˬ baˬ leh, mvuhˇ hpeu‸ htaˇ nyiˉ ceh‸ piˇ ve yoˬ.
26
Chaw hkʼa peu-eˬ mawˬ hpeh‸ ve chehˇ kuiˬ lo, Yawˇ venˇbaˆ yaˇ teˇ hpaˍ hta‸ ciˍ yanˍ piˇ ve yoˬ.
27
Awˬ lawn kʼo, yawˇ hui lehˬ Yawˇ hkʼaˇ suh maˇ kʼaw‸ gʼa‸ kʼai leh, Yawˇ ve awˬliˇtawˇhkawˇ teˇ hpaˍ hta‸ chiˇ baˬ ve pa taw yoˬ.
28
Yawˇ hui lehˬ, haˍ gʼawˇ ve chaw hui Gʼuiˬsha hta‸ kuˬ tuˬ nyiˉ te piˇ leh, yawˇ hui kuˬ ve awˬ hkawˇ hta‸ Yawˇ gʼa kaˇ peuˬ ve yoˬ.
29
Gʼuiˬsha lehˬ te‸ chiˉ maˇ te piˇ leh hkʼe leˇ chehˇ taˍ ve htawˇ, chaw teˇ gʼaˇ ka‸ Gʼuiˬsha hta‸ venˇbaˆ ca maˇ gʼa. Yawˇ ve mehˆ hpfuhˇ hta‸ Yawˇ faˉ taˍ ve kʼo, chaw yaˇ teˇ hpaˍ te‸ chiˉ te gʼa tuˬ ve maˇ heˆ.
30
Gʼuiˬsha maˇ cawˬ ve chaw teˇ hpaˍ uˉ peunˍ chehˇ ve hta‸ tawˍ taˍ tuˬ, chaw ceuˬ teˇ hpaˍ te‸ chiˉ te maˇ gʼa.
31
Yawˇbaˆ-oˬ, nawˬ ve venˇbaˆ Gʼuiˬsha hta‸ hpeu‸ maˍ piˇ leh, venˇbaˆ maˇ gʼa kʼaw‸ te tuˬ ka ti‸ te taˍ peuˬ laˇ.
32
Nawˬ ve venˇbaˆ hta‸ hpeu‸ maˍ laˇ tuˬ, nawˬ Gʼuiˬsha hta‸ lawˬ hkawˉ leh, haiˬ ve kanˉ hta‸ maˇ kʼaw‸ te tuˬ dawˇ cheˆ peuˬ laˇ.
33
Gʼuiˬsha te ve kanˉ hta‸ nawˬ tawˍ taˍ ve pa taw, nawˬ heuˆ gaˇ ve awˬ ceuˬ hta‸ Yawˇ te laˇ tuˬ yoˬ, teh‸ nawˬ dawˇ law hpeh‸-aw laˇ. Chi ve lehˬ, ngaˬ gʼa dawˇ cheˆ tuˬ ve kanˉ maˇ heˆ. Nawˬ gʼa dawˇ cheˆ tuˬ ve kanˉ hpeh‸ ve yoˬ. Chi beu‸ nawˬ hkʼaˬ hkʼe dawˇ chehˇ ve ngaˬ hui hta‸ hto laˇ-oˆ.
34
Dawˇ nyi puiˉ ve chaw teˇ gʼaˇ le le, awˬ tehˬ awˬ na nyi ma cawˇ tuˬ yoˬ. Ngaˬ kʼoˆ ve tawˇ hta‸ gʼa kaˇ ve cuˇ yiˍ cawˬ paˍ teˇ gʼaˇ le le,
35
Yawˇbaˆ lehˬ te‸ chiˉ maˇ dawˇ nyi ve hkʼaw tawˇ yaw chehˇ ve yoˬ. Yawˇ yaw ve tawˇ teˇ hpaˍ te‸ chiˉ tcuhˉ kuiˬ maˇ cawˬ, teh‸ kʼoˆ tuˬ yoˬ.
36
Yawˇbaˆ kʼoˆ ve tawˇ teˇ hpaˍ hta‸ hkʼa deh‸ gʼa‸ dawˇ nyi sheˍ. Yawˇ lehˬ chaw haiˬ hkʼa shuˍ tawˇ yaw chehˇ ve hta‸ nawˬ hui gʼa mawˬ tuˬ yoˬ.
37
Yawˇ venˇbaˆ cawˬ ve awˬ hkʼoˆ ka‸, yawˇ lehˬ kʼaw‸ hpfuhˆ chehˇ sheˍ ve yoˬ. Ngaˬ hui hkʼa peu-eˬ mehˆ gʼuˇ suhˍ lo, yawˇ lehˬ Gʼuiˬsha hta‸ hkʼa mvuhˇ hkʼa na kʼoˆ ve yoˬ.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42