Job 35

Lahu Bible Edited © Thailand Bible Society and Bible Society of Myanmar, 2010, 2020.

← Chapter 34 Jump to: Chapter 36 →

1Yawˇbaˆ-oˬ nawˬ lehˬ Gʼuiˬsha mehˆ gʼuˇ suhˍ lo te‸ chiˉ ya‸ kuiˬ maˇ cawˬ teh‸ kʼoˆ ve lehˬ, a ciˉ ka‸ maˇ cawˇ.

3Ngaˬ ve venˇbaˆ nawˬ hta‸ hkʼaˬ hkʼe heuˆ la kuiˍ cawˬ le. Venˇbaˆ maˇ te leh hkʼe leˇ chehˇ taˍ ve kʼo, ngaˬ aˬ hto‸ ma awˬ bon gʼa tuˬ le, teh‸ nawˬ Gʼuiˬsha hta‸ na nyi ve tawˇ chi teˇ hpaˍ htawˇ a ciˉ ka‸ maˇ cawˇ.

4Ngaˬ lehˬ, nawˬ leh nawˬ ve awˬ chawˇ teˇ hpaˍ hta‸ kʼaw‸ yaw hkʼaw‸ laˇ tuˬ yoˬ.

5Mvuhˇ naw ma hta‸ chiˇ nyi sheˍ. Moˬ teˇ hpaˍ hkʼaˬ ma mvuh jaˇ ve le.

6Nawˬ venˇbaˆ te ve htawˇ, venˇbaˆ oˇ ve Gʼuiˬsha hta‸ heuˆ kuiˬ te‸ chiˉ maˇ cawˬ. Nawˬ laiˉ pawˆ te ya‸ ve htawˇ, ya‸ kuiˬ oˇ ve teˇ hpaˍ Yawˇ hta‸ hkʼaˬ hkʼe heuˆ kuiˬ cawˬ le.

7Nawˬ lehˬ hteˇ jaˇ cawˇ jaˇ ve hkʼaw Gʼuiˬsha hta‸ ga piˇ chehˇ ve laˇ. Gʼuiˬsha nawˬ geh loˍ ve awˬ ceuˬ te‸ chiˉ maˇ cawˬ.

8Nawˬ ve venˇbaˆ hta‸ pa taw gʼa hkanˍ ve chaw lehˬ, nawˬ hkʼe ve chaw ceh tiˉ yoˬ. Nawˬ te ve da‸ ve kanˉ htawˇ yawˇ hui awˬ pon ceh tiˉ yoˬ.

9Chaw yaˇ lehˬ fawˉ mehˍ ve hta‸ gʼa hkanˍ ve teˇ yanˇ hkʼanˇ puiˉ ve yoˬ. Yawˇ hui hta‸ ponˬ laˇ tuˬ ve chaw hta‸ kuˬ ve yoˬ.

10Ya‸ hkʼaˇ, yawˇ hui lehˬ naˆ ho‸ jaˇ ve awˬ yanˇ hkʼaw, yawˇ hui hta‸ dawˇ law kuiˬ cawˬ la piˇ shehˍ hpaˇ, yawˇ hui hta‸ te hpanˍ paˍ Gʼuiˬsha geh maˇ kʼaw‸ hpfuhˆ kʼaw‸ la.

11Ngaˬ hui hta‸ to nuˇ to shaˆ leh ngaˆ teˇ hpaˍ a‸ kehˉ cuˇ yiˍ cawˬ la piˇ shehˍ hpaˇ Gʼuiˬsha geh yawˇ hui maˇ kʼaw‸ hpfuhˆ kʼaw‸ la.

12Yawˇ hui hta‸ ga laˇ tuˬ kuˬ chehˇ ve yoˬ. Ya‸ hkʼaˇ, Gʼuiˬsha maˇ kʼaw‸ yaw hkʼaw‸ piˇ. Awˬ lawn kʼo, yawˇ hui nyi ma uiˍ leh haiˬ ve chaw hpeh‸ ve pa taw yoˬ.

13Yawˇ hui kuˬ chehˇ ve lehˬ, te‸ chiˉ awˬ bon maˇ cawˬ. Kanˇ paˆ uiˍ ve Gʼuiˬsha yawˇ hui hta‸ maˇ mawˬ. Yawˇ hui kuˬ hkawˇ hta‸ maˇ kaˇ.

14Yawˇbaˆ-oˬ, nawˬ lehˬ Gʼuiˬsha hta‸ maˇ mawˬ teh‸ kʼoˆ ve yoˬ. Ya‸ hkʼaˇ, ta‸ iˉ gawˬ lehˍ law taˍ-o‸. Nawˬ ve kanˉ chi Yawˇ mehˆ gʼuˇ suhˍ cawˬ taˍ ve yoˬ.

15Gʼuiˬsha maˇ ciˍ yanˍ laˇ taˬ. Yawˇ lehˬ, venˇbaˆ hta‸ a muˆ maˇ taˍ, teh‸ nawˬ dawˇ chehˇ ve yoˬ.

16Nawˬ tawˇ kʼaw‸ caˉ yaw ve lehˬ, te‸ chiˉ tcuhˉ kuiˬ maˇ cawˬ. Nawˬ hkʼaˬ hkʼe kʼoˆ chehˇ ve hta‸ nawˬ maˇ shiˍ.

← Chapter 34 Jump to: Chapter 36 →

Recommended Reading

Commentary Job Commentaries → Devotional Job Devotional Guide → Get This Bible Lahu Bible Edited © Thailand Bible Society and Bible Society of Myanmar, , . Study Bible →