bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 36
Job 36
Lahu Bible Edited © Thailand Bible Society and Bible Society of Myanmar, 2010, 2020.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 37 →
1
Gʼuiˬsha awˬ tan te leh, ngaˬ yaw laˇ chehˇ ve tawˇ hta‸ a ciˉ yeunˇ hkanˍ leh kʼaw‸ na taˍ sheˍ.
3
Ngaˬ ve shiˍ puiˉ ve nyi ma lehˬ, kʼehˬ jaˇ ve yoˬ. Ngaˬ hta‸ te hpanˍ shehˍ hpaˇ Gʼuiˬsha hteˇ ve cawˇ ve awˬ lawn ngaˬ shiˍ ve hkʼa peu-eˬ hto maˍ laˇ tuˬ yoˬ.
4
Ngaˬ nawˬ hta‸ kʼoˆ laˇ chehˇ ve tawˇ lehˬ, maˇ cawˇ ve tawˇ teˇ hkawˇ ka‸ maˇ cawˬ. Nawˬ mehˆ gʼuˇ suhˍ lo awˬ tehˬ awˬ na cuˇ yiˍ cawˬ paˍ teˇ gʼaˇ chehˇ taˍ ve hta‸ nawˬ gʼa mawˬ ve yoˬ.
5
Gʼuiˬsha lehˬ awˬ gʼaˇ awˬ shaˉ hkʼaˬ ma uiˍ jaˇ ve le. Yawˇ lehˬ chaw teˇ gʼaˇ hta‸ ka‸ maˇ chiˇ baˬ. Yawˇ maˇ shiˍ ve awˬ ceuˬ teˇ ceuˬ ka‸ maˇ cawˬ.
6
Yawˇ lehˬ, venˇbaˆ yaˇ teˇ hpaˍ hta‸ maˇ te‸ chehˇ tcuh piˇ. Yawˇ lehˬ, haˍ ve gʼawˇ ve chaw hui hta‸ hkʼaˬ htaˆ ka‸ hteˇ lehˍ cawˇ lehˍ te piˇ ve yo‸.
7
Hteˇ ve cawˇ ve chaw hta‸ Yawˇ ha‸ shaˉ piˇ ve yoˬ. Yawˇ lehˬ, yawˇ hui hta‸ jawˇmawˇ hkʼa shuˍ uˉ peunˍ tuˬ a hkaw-anˬ piˇ leh, yawˇ hui hta‸ co co awˬ me‸ awˬ hponˇ cawˬ piˇ lawˬ ve yoˬ.
8
Ya‸ hkʼaˇ, chaw yaˇ teˇ hpaˍ lehˬ sho caˆ yuˬ hpeh ve hta‸ gʼa hkanˍ leh, yawˇ hui te taˍ ve hkʼe gʼa kʼaw‸ hkanˍ chehˇ ve yoˬ.
9
Gʼuiˬsha lehˬ, yawˇ hui ve venˇbaˆ leh yawˇ hui hkʼaˬ ma nyi ma uiˍ ve yawˇ hui hta‸ kʼaw‸ hpeu‸ maˍ piˇ ve yoˬ.
10
Yawˇ ve tawˇ hta‸ kʼaw‸ na yuˬ tuˬ, Yawˇ yawˇ hui hta‸ shaˍ ti‸ piˇ leh, haiˬ ve kanˉ hta‸ baˬ taˉ piˇ lawˬ ve yoˬ.
11
Yawˇ hui Gʼuiˬsha ve tawˇ hta‸ na yuˬ leh Yawˇ ve kanˉ hta‸ te ve kʼo, paw sha leh gawˬ lehˍ ve hkʼaw a sha‸ gʼa te‸ chehˇ tuˬ yoˬ.
12
Ya‸ hkʼaˇ, yawˇ hui maˇ na yuˬ ve kʼo, te‸ chiˉ maˇ shiˍ ve hkʼaw gʼa suh-e leh iˉ kaˆ lawˬ coˇ paˉ suh mvuhˇmiˬ lo gʼa kʼai tuˬ yoˬ.
13
Gʼuiˬsha maˇ cawˬ ve chaw hui lehˬ, hkʼaˬ htaˆ ka‸ nyi ma gʼa zuhˆ chehˇ leh, ciˬ yanˍ ve hta‸ gʼa hkanˍ chehˇ ve htawˇ, ga laˇ tuˬ bon lawˬ tuˬ ve maˇ heˆ.
14
Yawˇ hui lehˬ, awˬ me‸ awˬ hponˇ maˇ cawˬ ve a sha‸ te‸ hkʼaˇ hta‸ hpeh‸ bawˬ jaˇ leh, a sha‸ i sheˍ htaˇ ka‸ suh kʼai ve yoˬ.
15
Ya‸ hkʼaˇ, Gʼuiˬsha lehˬ tu‸ hkanˍ haˍ gʼawˇ ve awˬ ceuˬ hta‸ cuˇ leh, chaw yaˇ teˇ hpaˍ hta‸ maˍ piˇ ve yoˬ. Dawˇ tui‸ gaˇ tui‸ ve awˬ ceuˬ hta‸ cuˇ leh yawˇ hui ve mehˆ shiˍ hta‸ hpaw piˇ ve yoˬ.
16
Gʼuiˬsha lehˬ nawˬ hta‸ dawˇ haˍ kuiˬ hkʼaw yuˬ tawˆ laˇ leh, gawˬ lehˍ ve hkʼaw ha lehˬ chehˇ tcuh laˇ ve yoˬ. Nawˬ ve hpui lawˇ hkʼoˆ lo caˇ tuˬ hkʼa biˇ hpoˆ taˍ ve yoˬ.
17
Ya‸ hkʼaˇ, chi beu‸ nawˬ lehˬ nawˬ hta‸ keunˍ da‸ ve hkʼe ciˍ yanˍ ve hta‸ gʼa hkanˍ chehˇ ve yoˬ.
18
Maˇ hteˇ maˇ cawˇ ve la‸ shawnˍ nawˬ hta‸ maˇ gʼa heˍ caˇ tuˬ, maˇ heˆ kʼo hpu shi mawˇ jeˬ nawˬ hta‸ ya‸ kʼaw maˇ gʼa sheh ya‸ laˇ tuˬ shaˍ ti‸ taˍ-o‸.
19
Nawˬ hta‸ ga laˇ tuˬ kuˬ ve lehˬ, nawˬ hta‸ te‸ chiˉ awˬ bon te laˇ gʼa tuˬ ve maˇ heˆ. Nawˬ ve awˬ gʼaˇ awˬ shaˉ chi beu‸ nawˬ hta‸ ga laˇ gʼa tuˬ ve maˇ heˆ.
20
Chaw yaˇ teˇ hpa hta‸ te luˬ te sheˆ piˇ tuˬ gu taˍ ve, mvuhˇ hpeu‸ ve awˬ yanˇ hta‸ taˇ dawˇ law chehˇ-oˆ.
21
Haiˬ ve hpawˇ lo maˇ gʼa kʼaw‸ hpfuhˆ kʼai tuˬ shaˍ ti‸ taˍ-o‸. Nawˬ oˇ hkʼe maˇ gʼa te tuˬ, tu‸ hkanˍ ve awˬ ceuˬ nawˬ awˬ hkʼoˆ lo gaˬ la piˇ taˍ ve yoˬ.
22
Gʼuiˬsha ve kanˇ paˆ hkʼaˬ ma uiˍ jaˇ ve hta‸ dawˇ nawˇ-oˆ. Yawˇ lehˬ shu a‸ kehˉ uiˍ jaˇ ve saˍ la‸ lonˉ hpeh‸ ve yoˬ.
23
Gʼuiˬsha hkʼaˬ hkʼe te cawˇ ve awˬ lawn Yawˇ hta‸ kʼoˆ maˍ piˇ paˍ teˇ gʼaˇ ka‸ maˇ cawˬ. Yawˇ haiˬ ve kanˉ hta‸ te ve yoˬ, teh‸ Yawˇ hta‸ venˇbaˆ taˍ paˍ teˇ gʼaˇ ka‸ maˇ cawˬ.
24
Yawˇ te taˍ peuˬ ve kanˉ awˬ pon, Yawˇ lehˬ hkʼaˬ htaˆ ka‸ chiˇmvuh ve hta‸ gʼa hkanˍ chehˇ ve yoˬ. Nawˬ htawˇ Yawˇ hta‸ chiˇ mvuh cawˇ ve yoˬ.
25
Chaw teˇ gʼaˇ le le Yawˇ te taˍ ve kanˉ hta‸ gʼa mawˬ taˍ peuˬ. Ngaˬ hui lehˬ, vuiˇ kuiˬ lo ceh tiˉ chehˇ leh nyi taˍ hpeh‸ ve yoˬ.
26
Yawˇ hkʼaˬ ma uiˍ jaˇ mvuh jaˇ ve hta‸ ngaˬ hui hkʼa biˇ shiˍ maˇ hpeh‸. Yawˇ hkʼaˬ nyiˇ hkʼaw‸ gaˬ peuˬ ve hta‸ ngaˬ hui ca shawˍ nyi maˇ gʼa.
27
Miˬguiˬ hkʼaw cawˬ ve iˉ kaˆ hta‸ yuˬ leh mvuhˇ yeˬ gʼuiˬ kʼaw‸ hpeh‸ la piˇ shehˍ hpaˇ lehˬ, Gʼuiˬsha ceh tiˉ yoˬ.
28
Yawˇ lehˬ chaw yaˇ hkʼa peu-eˬ awˬ pon moˬ hkʼaw lo mvuhˇ yeˬ gʼuiˬ ya‸ la piˇ ve yoˬ.
29
Moˬ hkʼaˬ hkʼe te jiˆ kʼai ve hta‸ chaw teˇ gʼaˇ ka‸ maˇ shiˍ. Maˇ heˆ kʼo, Gʼuiˬsha chehˇ taˍ kuiˬ mvuhˇ naw ma hkʼoˆ lo mvuhˇ tawˍ ve awˬ hkawˇ hkʼaˬ hkʼe te bvuhˬ tawˆ la ve hta‸ chaw teˇ gʼaˇ ka‸ maˇ shiˍ.
30
Yawˇ lehˬ, mvuhˇ naw ma hkʼaˬ ti chi ti lo mvuhˇ tiˉ po-e‸ ba tawˆ la piˇ ve yoˬ. Ya‸ hkʼaˇ, naˉ jaˇ ve laˆ tsuhˇ gʼuiˬ lehˬ naˆ ho‸ chehˇ taˍ ve yoˬ.
31
Chi ve lehˬ, Yawˇ chaw yaˇ teˇ hpaˍ hta‸ hkʼaˬ hkʼe te caˍ piˇ ve awˬ hkʼaˇ hpeh‸ ve yoˬ.
32
Yawˇ lehˬ mvuhˇ tiˉ po-e‸ hta‸ yuˬ leh, Yawˇ heuˆ tcuh gaˇ ve awˬ ti hta‸ ca heuˆ-e tuˬ tawˇ piˇ ve yoˬ.
33
Mvuhˇ tawˍ ve lehˬ, mvuhˇ haw mvuhˇ yeˬ lonˉ la chehˇ ve hta‸ shiˍ tcuh laˇ leh, ceˇ caˬ teˇ hpaˍ htawˇ oˇ ve hta‸ shiˍ ve yoˬ.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42