bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Job 41
Job 41
Lahu Bible Edited © Thailand Bible Society and Bible Society of Myanmar, 2010, 2020.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 42 →
1
Leˍviˍtanˍ teh‸ kʼoˆ ve to nuˇ to shaˆ lonˉ hta‸ nawˬ biˉ yuˬ leh biˉ gʼa-aw laˇ. Maˇ heˆ kʼo, yawˇ ve ha tehˍ hta‸ nawˬ aˉ caˆ hkeh yuˬ hpeh gʼa-aw laˇ.
2
Yawˇ ve naˍ hkʼawˇ hta‸ naw htaw sheh gʼa-aw laˇ. Maˇ heˆ kʼo yawˇ ve paˇ kaˇ hkʼaw nawˬ biˉ yuˬ keu gʼa-aw laˇ.
3
Yawˇ hta‸ hpehˇ laˇ tuˬ, yawˇ nawˬ hta‸ lawˬ hkawˉ laˇ tuˬ ve laˇ. Yawˇ hta‸ ha kʼaˉ laˇ tuˬ, nawˬ hta‸ lawˬ hkawˉ laˇ tuˬ laˇ.
4
Yawˇ nawˬ geh jehˬ da‸ leh, co co nawˬ ve awˬ ceˬ te laˇ tuˬ ve ka ti‸ te laˇ tuˬ laˇ.
5
Aˉ hkʼaw lo hu taˍ ve ngaˆ ehˉ hkʼe, nawˬ yawˇ hta‸ aˉ hkeh yuˬ hpeh taˍ gʼa-aw laˇ. Nawˬ ve awˬ ceˬ ma teˇ hpaˍ nyi guiˇ tuˬ awˬ pon, nawˬ yawˇ hta‸ hpeh yuˬ gʼa-aw laˇ.
6
Ngaˇ ca paˍ teˇ hpaˍ yawˇ awˬ lawn tawˇ gawˬ da‸ hpeh‸-aw laˇ. Tanˇ kaˬ paˍ teˇ hpaˍ yawˇ hta‸ tawˆ hawˇ hpeh‸-aw laˇ.
7
Yawˇ awˬ guiˬ kʼuˉ hta‸ nawˬ gehˇ hkʼa biˇ ca choˆ piˇ taˍ hpeh‸-aw laˇ. Maˇ heˆ kʼo, yawˇ ve oˉ kʼoˍ hta‸ nawˬ ngaˇ hta‸ juˆ tuˬ ve gehˇ yuˬ juˆ gʼa-aw laˇ.
8
Nawˬ yawˇ hta‸ teˇ pawˆ htawˇ nyi sheˍ. Awˬ hkʼaw‸ nawˉ, nawˬ teˇ pawˆ ka‸ kʼaw‸ htawˇ nyi gaˇ tuˬ ve maˇ heˆ. Yawˇ hta‸ yuˬ da‸ taˉ ve awˬ lawn hta‸ nawˬ teˇ pawˆ ka‸ leunˇ kʼai tuˬ ve maˇ heˆ.
9
Leˍviˍtanˍ hta‸ gʼa mawˬ ve chaw hkʼa peu-eˬ kawˆ jaˇ leh, miˬ chaˇ hkʼoˆ paiˍ ve yoˬ.
10
Yawˇ nyi ma zuhˆ la ve teˇ yanˇ, kawˆ tuˬ uiˍ jaˇ ve yoˬ. Chaw teˇ gʼaˇ ka‸ yawˇ mehˆ gʼuˇ suhˍ ca huˉ taˍ maˇ haˆ.
11
Yawˇ hta‸ ca yuˬ da‸ leh te‸ chiˉ maˇ hpeh‸ ve a shu cawˬ le. Miˬguiˬ hkʼoˆ chehˇ ve chaw teˇ gʼaˇ ka‸ oˇ hkʼe te maˇ gʼa.
12
Leˍviˍtanˍ ve hkui sheh teˇ hpaˍ ngaˬ nawˬ hta‸ hto laˇ leh, yawˇ hkʼaˬ ma uiˍ leh hkʼaˬ ma awˬ gʼaˇ cawˬ ve nawˬ hta‸ kʼoˆ maˍ laˇ shaˍ.
13
Chaw teˇ gʼaˇ ka‸ yawˇ ve awˬ guiˬ kʼuˉ hta‸ hkʼeh‸ baˬ maˇ gʼa. Yawˇ ve awˬ guiˬ kʼuˉ hta‸ chaw teˇ gʼaˇ ka‸ juˆ pawnˍ maˇ gʼa.
14
Kawˆ law‸ law‸ ve yawˇ ve ciˬ teˇ hpaˍ cawˬ taˍ ve paˇ kaˇ hta‸ a shu teˇ gʼaˇ yuˬ ngaˉ nyi gʼa le.
15
Yawˇ ve caw‸ lehˬ haˉ pui shiˍ hkʼa shuˍ heh jaˇ leh, teˇ geh hpeh tsuh‸ taˍ ve htanˬ tuˬ hkʼe hpeh‸ve yoˬ.
16
Awˬ shehˆ oˇ ve teˇ hpaˍ lehˬ, shaˉ meuˆ keu maˇ gʼa htaˇ hkʼa gaˬ teˇ maˬ hta‸ teˇ maˬ hkʼa deh‸ ngawˉ da‸ taˍ ve yoˬ.
17
Yawˇ hui lehˬ, hkʼa deh‸ yeˬ chaweh ngawˉ da‸ taˍ ve pa taw, chaw teˇ gʼaˇ ka‸ ca gʼawˬ hpaˆ maˇ gʼa.
18
Yawˇ tcuhˍ ve teˇ yanˇ awˬ gʼeuˆ ba tawˆ la leh, yawˇ ve mehˆ shiˍ htawˇ mvuhˇ nyi hkʼa shuˍ ba lehˬ cawˬ ve yoˬ.
19
Yawˇ ve maw‸ kʼaw hkʼaw aˬ miˍ ha tawˆ la leh, aˬ miˍ tzuh‸ teˇ hpaˍ ce la chehˇ ve yoˬ.
20
Mu‸ hkʼu hawˉ lo aˬ miˍ ceh keu taˍ ve hkʼa shuˍ, yawˇ ve naˍ hkʼawˇ hkʼaw lo mvuhˇ hkʼawˇ tawˆ la chehˇ ve yoˬ.
21
Yawˇ ve awˬ shaˉ lehˬ aˬ miˍ hta‸ to‸ tawˆ la piˇ leh, yawˇ ve maw‸ kʼaw hkʼaw aˬ miˍ ha tawˆ la chehˇ ve yoˬ.
22
Yawˇ ve kʼawˍ peˍ lehˬ awˬ gʼaˇ uiˍ jaˇ leh, yawˇ hta‸ hkʼa mawˬ ve chaw hkʼa peu-eˬ kawˆ jaˇ ve yoˬ.
23
Yawˇ ve awˬ guiˬ kʼuˉ hkʼoˆ lo nuˇ lehˍ ve awˬ ti teˇ kaˬ ka‸ maˇ cawˬ. Sho hkʼa shu heh jaˇ ve yoˬ.
24
Yawˇ ve nyi ma shiˍ htawˇ haˉ pui hkʼe heh leh, kawˆ puiˉ ve teˇ ceuˬ maˇ cawˬ. Haˉ pui mawˍ hkʼa shuˍ heh jaˇ ve yoˬ.
25
Yawˇ tu la ve teˇ yanˇ, awˬ gʼaˇ uiˍ jaˇ ve awˬ ceuˬ teˇ hpaˍ htawˇ kawˆ jaˇ ve yoˬ. Yawˇ hui te‸ chiˉ te maˇ gʼa leh kawˆ jaˇ ve yoˬ.
26
Yawˇ hta‸ naˬ piˇ tuˬ te gʼa ve aˉhtaw teˇ maˬ ka‸ maˇ cawˬ. Gehˇ, hkaˆ ce leh sho taˬ hkʼaˬ hkʼe ve teˇ ceuˬ htawˇ yawˇ hta‸ naˬ tuˬ te piˇ maˇ gʼa.
27
Sho lehˬ yawˇ awˬ pon chi gʼawˇ hkʼe ceh hpeh‸ ve yoˬ. Kuiˇ htawˇ yawˇ awˬ pon hpuiˇ kʼai peuˬ ve suhˆ taˬ hkʼe ceh hpeh‸ ve yoˬ.
28
Yawˇ hta‸ gʼuiˇ hpaw-e piˇ tuˬ te gʼa ve hkaˆ ce teˇ maˬ ka‸ maˇ cawˬ. Yawˇ hta‸ baˬ hpehˇ ve haˉ pui shiˍ htawˇ, chi gʼawˇ hkʼe ceh hpeh‸ ve yoˬ.
29
Suhˆ taˬ lehˬ yawˇ awˬ pon chi gʼawˇ hkʼe ceh hpeh‸ leh, chaw yaˇ teˇ hpaˍ yawˇ hta‸ gehˇ yuˬ juˆ ve teˇ yanˇ, yawˇ gʼuiˬ yawˬ ve yoˬ.
30
Yawˇ ve gʼoˇ peˬ lehˬ, mu‸ hkʼu hkʼeh‸ teˇ hpaˍ hkʼe hpeh‸ leh, laˇ hpuiˇ hkʼa shuˍ je‸ hta‸ hkoˇ kʼai piˇ ve yoˬ.
31
Iˉ kaˆ buiˬ chehˇ ve hkʼe yawˇ lehˬ laˆ tsuhˇ gʼuiˬ hta‸ hiˆ hiˆ naˇ naˇ hpeh‸ la piˇ leh, mu‸ hkʼu hkʼaw keu taˍ ve shaˍ chu hkʼa shuˍ, awˬ fuˇ tawˆ la piˇ ve yoˬ.
32
Yawˇ toˇ kʼai ve ya‸ kʼaw hkʼaw‸ nawˉ paˉ lo, awˬ gʼeuˆ ba lehˍ cawˬ leh, laˇ tsuhˇ gʼuiˬ hta‸ awˬ fuˇ hkʼa biˇ tawˆ la piˇ ve yoˬ.
33
Miˬguiˬ hkʼoˆ lo yawˇ hta‸ yuˬ tehˆ tuˬ ve awˬ ceuˬ teˇ ceuˬ ka‸ maˇ cawˬ. Yawˇ lehˬ maˇ kawˆ puiˉ ve to nuˇ to shaˆ hpeh‸ ve yoˬ.
34
Yawˇ lehˬ, nyi ma uiˍ jaˇ ve awˬ nu ve to nuˇ to shaˆ teˇ hpaˍ hta‸ ka‸ maˇ shawˍ maˇ caˆ te piˇ ve yoˬ. Yawˇ lehˬ haiˬ ve to nuˇ to shaˆ hkʼa peu-eˬ ve jawˇmawˇ hpeh‸ ve yoˬ.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42