Exodus 27

Lao Bible (ฉบับอักษรลาว)

← Chapter 26 Jump to: Chapter 28 →

1“ອ໋ອຍ ຕສຸ ຫລົ່ງ ຕະຊຸ ດຢັ໋ງ ໂຕສ໋ວ ນອມ ເຕສ່ຍ-ຕ້ອງ, ດ໊າວ ປຢາ ເດາະ, ຈັ໊ງ ປຢາ ເດາະ ເຝີຍ-ປູງ, ຮລັງ ປົວ ເດາະ.

2ເຕສ່ຍ-ຕ້ອງ ເຍີຍ ເປຢີຍ ນອມ ເກ໊າະ ອ໋ອຍ ຕສຸ ໂຕສ໋ວ ຈ໊ຽນ ຈອງ, ເຖສົາ ເຕສ່ຍ-ຕ້ອງ ເຍີຍ ດຢັ໋ງ ຕສຢັ້ງ ຈ໊ຽນ, ແອ໋ງ ຫລົ່ງ ຕົ້ງ ຊິ ປວັງ ຈ໊ຽນ ເຕສ່ຍ-ຕ້ອງ.

3ອ໋ອຍ ຕສຸ ໂຕສ໋ວ ຊຽວ ຊ້າຍ ເຍີຍ ເຈີຍ, ກະນ້າຍ-ເທສ້ນ, ປຸ້ນ, ຕົ້ມ ປະເກນ-ຍາບ, ເຖສົາ ຊຽວ ໂຕ໌ວ ເຍີຍ ເຈີຍ. ເຕສ່ຍ-ຕ້ອງ ເຍີຍ ຈາ-ຕ໋ອງ ຢຽດ ຕສູ໊ງ ອ໋ອຍ ຕສຸ ຫລົ່ງ ຕົ້ງ ຊິ ໂຕສ໋ວ.

4ຫລົ່ງ ຕົ້ງ ຊິ ເຫວີ່ຍ ເຕສ່ຍ-ຕ້ອງ ໂຕສ໋ວ ຄວ້າຍ ແພຢງ. ແພຢງ ເຍີຍ ເປຢີຍ ນອມ ເກ໊າະ, ຢຽດ ນອມ ເກ໊າະ ມ່າຍ ຢຽດ ນອມ ຕົ້ງ ຊິ ຄວີງ.

5ແພຢງ ອ໋ອຍ ຕສຸ ແນດ ຈ໊ຽນ ເຕສ່ຍ-ຕ້ອງ ເຍີຍ ປ້ຽນ ກະເດ໊ຍ ແໝງ, ຢຽມ ດ໊າມ-ເຕສ່ຍ-ຕ້ອງ ເອຈ່ຍ.

6ແກງ ເຕສ່ຍ-ຕ້ອງ ເຍີຍ ດຢັ໋ງ ອ໋ອຍ ຕສຸ ຫລົ່ງ ຕະຊຸ ດຢັ໋ງ ໂຕສ໋ວ, ຢ່າ ຫລົ່ງ ຕົ້ງ ຊິ ປວັງ ຈ໊ຽນ.

7ນ້າຍ ເຕີ໋ຍ ແກງ ເຍີຍ ດຢັ໋ງ ອ໋ອຍ ຕສຸ ຖສຸນ ຈ໊ຽນ ເຕສ່ຍ-ຕ້ອງ ອີ ປູງ ກະເຮລນ ເຍີຍ ຄວີງ ເຫວີ່ຍ ແກງ ເຕສ່ຍ-ຕ້ອງ.

8ອ໋ອຍ ຕສຸ ຫລົ່ງ ດຢັ໋ງ-ເປ໊ນ ໂຕສ໋ວ ເຕສ່ຍ-ຕ້ອງ, ໂຕສ໋ວ ຕ້າຍ ກະຍົ໌ວ ອຈົ໌ງ ເຍີຍ, ຕສິ໋ວ ຢຽມ ບົງ ເຢຍ ບົ໋ວ ເຈ໋ຍ ເມີ່ຍ ເຍີຍ ຫຍູ່ງ ເຕສີ໊ຍ.

9“ເມີ່ຍ ອ໋ອຍ ຕສຸ ໂຕສ໋ວ ດົ໊ບ-ລິ່ວ ເຍີຍ ຫລາດ. ຫລາດ ເຍີຍ ນ່າມ ປູງ ອ໋ອຍ ຕສຸ ດ໊າວ ຢຽດ ແປ໊ະ ເດາະ, ຫລົ່ງ ຫລະມ່າ ເດຍ-ໝ່ວນ ແບະ ຈ໊ຽນ.

10ອ໋ອຍ ຕສຸ ມ່າຍ ຫຍີ່ ຕສຽບ ນອມ ຕົ້ງ ຊິ ຕົ່ງ ທົບ ຈ໊ຽນ ຫຍີ່ ຕສຽບ ນອມ ຕົ້ງ ຊິ ທາບ. ວົ້ວ ເຕີ໋ຍ ຕົ່ງ ອ໋ອຍ ຕສຸ ມ່າຍ ຍ່ານ ເງົາ ຍ່ານ ປຢ໊າ.

11ປ໊ະ ປູງ ແໝງ ເຍີຍ ຫລາດ ຢ່າ ມ່າຍ ເດຍ ແບະ ຈ໊ຽນ ຟີ່ ຮນັ້ງ ເຍີຍ, ດ໊າວ ຢຽດ ແປ໊ະ ເດາະ. ມ່າຍ ຫຍີ່ ຕສຽບ ນອມ ຕົ້ງ ຊິ ຕົ່ງ ທົບ ຈ໊ຽນ ຫຍີ່ ຕສຽບ ນອມ ຕົ້ງ ຊິ ທາບ. ວົ້ວ ເຕີ໋ຍ ຕົ່ງ ຢ່າ ມ່າຍ ຍ່ານ ເງົາ ຍ່ານ ປຢ໊າ.

12“ໄຟ ປູງ ແໝງ ເຍີຍ ຫລາດ ດ໊າວ ຮມ໌ ຕສຽບ ເດາະ, ຢ່າ ແບະ ຈ໊ຽນ ເດຍ. ມ່າຍ ຕສຽບ ນອມ ຫລາດ ຕົ່ງ ເຖສົາ ຕສຽບ ນອມ ທົບ ຕົ່ງ ເຍີຍ ທາບ.

13ຕົງ ປູງ ແໝງ ເຍີຍ ຫລາດ ຈັ໊ງ ຮມ໌ ຕສຽບ ເດາະ.

14ແບະ ຢຽດ ປູງ ແກ້ງ ເຮລນ ເດຍ ອ໋ອຍ ຕສຸ ດ໊າວ ຕສຽບ ຮມ໌ ເດາະ, ມ່າຍ ປົວ ນອມ ຕົ່ງ, ປົວ ນອມ ທາບ ທົບ ປົວ ນອມ ຕົ່ງ.

15ວົ້ວ ປູງ ແກ້ງ ເຮລນ ຢ່າ ມ່າຍ ເດຍ ດ໊າວ ຕສຽບ ຮມ໌ ເດາະ ແບະ ຈ໊ຽນ, ຢ່າ ມ່າຍ ປົວ ນອມ ຕົ່ງ, ປົວ ນອມ ທາບ.

16ແບະ ຫລາດ ແກ້ງ ເຍີຍ ເດຍ, ດ໊າວ ຫຍີ່ ຕສຽບ ເດາະ. ຫລົ່ງ ປະກີ ສຸຍ ເຊດ ບົ໊ວ, ຫລົວະ, ຊິ-ຫົ່ງ ເຖສົາ ຫລະມ່າ ສຸຍ-ໝ່ວນ ດັ໊ດ ຕ້າຍ ຢ່າ ມ່າຍ ປົ໌ວ-ເຕົ້າ ເຍີຍ ມ່ຽນ ຖສົງ ຈ໊ຽນ ຖສົງ. ຢ່າ ມ່າຍ ເປຢີຍ ນອມ ຕົ່ງ ທົບ ເປຢີຍ ນອມ ທາບ.

17ເວີ່ຍ ດົ໊ບ-ລິ່ວ ເຍີຍ ຫລາດ ອ໋ອຍ ຕສຸ ມ່າຍ ຍ່ານ ປຢ໊າ ທສອງ ຈ໊ຽນ ຕົ່ງ ເຫວີ່ຍ ປຸນ ນິ່ນ ວ້ວນ. ຕົ່ງ ແອ໋ງ ຕີ໋ງ ຈ໊ຽນ ຍ່ານ ເງົາ. ທົບ ຕົ່ງ ເຍີຍ ທາບ ຢ່າ ຫລົ່ງ ຕົ້ງ ຊິ ໂຕສ໋ວ.

18ດົ໊ບ-ລິ່ວ ເຍີຍ ຫລາດ ອ໋ອຍ ຕສຸ ດ໊າວ ຢຽດ ແປ໊ະ ເດາະ, ຈັ໊ງ ຮມ໌ ຕສຽບ ເດາະ, ຮລັງ ປຢາ ເດາະ ຢ່າ ຫລົ່ງ ຫລະມ່າ ເດຍ-ໝ່ວນ ແບະ ຈ໊ຽນ. ຫລາດ ຕົ່ງ ເຍີຍ ທາບ ຢຽດ ຕສູ໊ງ ຫລົ່ງ ຕົ້ງ ຊິ ໂຕສ໋ວ ຕ້າຍ.

19ດົ໊ບ-ລິ່ວ ເຍີຍ ຈາ-ຕ໋ອງ ຢຽດ ຕສູ໊ງ ຫລົ່ງ ຕົ້ງ ຊິ ໂຕສ໋ວ ຕ້າຍ. ບອງ ເດົາ ທສອງ ດົ໊ບ-ລິ່ວ ເຍີຍ ຕົ່ງ ເຖສົາ ບອງ ເດົາ ທສອງ ຫລາດ ເຍີຍ ຕົ່ງ ຢຽດ ຕສູ໊ງ ຢ່າ ຫລົ່ງ ຕົ້ງ ຊິ ໂຕສ໋ວ.

20“ບົ໋ວ ອິສະລາເອນ ມ່ຽນ ຕໍ້ ຕສ໋າ ຕ້າຍ ເກົ້າ ຫລົງ ເຈ໋ຍ ເຍີຍ ກະລັ້ນ ໂຢ້ວ ຕ້າຍ ຕິ້ນ ຕັງ ເຫວີ່ຍ ປຸນ ຕັງ ຕສັ່ນໆ ເຕສັຍ ຈ໊ຽນ.

21ຢຽມ ຫວຸ່ຍ ປວັ້ງ ດົ໊ບ ລິ່ວ ກະຍົ໌ວ, ແບະ ແລ໌ງ ແຫງ່ງ ຫວ່າ ຟາງ ວົ້ວ ຄວ້າຍ ເດຍ ກະເຫຍ່ຍ ແໝງ, ອາລົນ ເຖສົາ ນິ່ນ ເຍີຍ ຕອນ ບົວ ອ໋ອຍ ຕສຸ ຫລິ່ວ ເລີ໌ຍ ຕັງ ຢຽມ ຕສ໊ຽວ ເຍີຍ ດສະຮມຽນ ຕສັ່ນໆ ເຕສັຍ ຈ໊ຽນ ລູ່ງ ມ໌ານ-ຫຮມວັງ ເຖົາ ລູ່ງ ດອມ. ນ້າຍ ເຊ ອິສະລາເອນ ມ່ຽນ ອ໋ອຍ ຕສຸ ຢຽດ ຕ່ອຍ ເຈ໋ຍ ຢຽດ ຕ່ອຍ, ຢຽດ ລິ໌ວ ດສິບ ເຍີຍ ເລີ໌ຍ.

← Chapter 26 Jump to: Chapter 28 →