bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ecclesiastes 7
Ecclesiastes 7
Mossi MPBU (WẼNNAAM SEBRE 2014)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
1
Yʋ-sõng n são kaam sẽn tar yũ-noogo. La ned kũum daar n são a rogem daare.
2
Sũ-sãang roogẽ kõom n são tigr doogẽ kõom. Bala, yaa woto la ninsaal fãa baoosgo. La nin-vɩɩsã fãa tog n tagsa a yelle.
3
Sũ-sãang n são laado. Bala, nen-gãneng manegda sũuri.
4
Yam dãmb sũur bee sũ-sãang roogẽ, la yalembã sũur bee sũ-noog roogẽ.
5
Yam soab keoogr kelgr n são yalem yɩɩl kelgre.
6
Bugum sẽn dɩt gõos raad rʋk tẽngr t'a bʋrg yit to-to wã, yalem laad me wẽnda a woto. Woto me yaa zaalem.
7
Pãn-maaneg kɩtdame tɩ yam soab lebg yalma, la kũun menesda yam.
8
Bũmb baoosg n são a sɩngre, la sũ-mar soab n são tɩta-neda.
9
Ra sak tɩ f sũur yik tao-tao ye. Bala, sũ-yikr paada yalembã pʋsẽ.
10
Bɩ f ra sok tɩ yaa wãn tɩ wakat sẽn loog poorẽ wã yaa sõama n yɩɩd moasã ye. Bala, fo sã n sok woto, ka yam sokr ye.
11
Yam yaa sõama wa pʋɩɩre, la a nafda nin-vɩɩs dũniyã ka.
12
Bala, yam maasem yaa wa ligd maasem. La bãngr yõodã, yaa t'a fãagda neb nins sẽn tar-b yamã.
13
Bɩ f tags Wẽnnaam sẽn maand bũmb ningã yelle. Bala, bũmb ning bãmb sẽn gõde, ãndã n tõe n tẽeg-a?
14
Sũ-noog daare, maan sũ-noogo. La toog daare, bɩ f tagse. Bala, Wẽnnaam maana bãmb b yiibã fãa tɩ b yaa bũmb a yembre, sẽn na n yɩl tɩ ninsaal da bãng bũmb ning sẽn be taoor n watẽ ye.
15
Mam yãnda bõn-kãensã fãa mam vɩɩm sẽn yaa zaalmã pʋga. B tõe n yãnda nin-tɩrg sẽn kiid a tɩrlem yĩnga, la nin-wẽng sẽn paam yõ-wok a yel-wẽnã pʋgẽ.
16
Bɩ f ra yɩ nin-tɩrg tɩ loog nug ye, la f ra yɩ yam soab tɩ loog nug me ye. Bõe yĩng tɩ f na n sãam f menga?
17
Ra yɩ nin-toaag tɩ loog nug ye, la f ra yɩ yalem me ye. Bõe yĩng tɩ f na n ki tɩ f wakat ka ta?
18
Yaa neer tɩ f gãd a yembre, la f ra bas a yembrã me tɩ loog ye. Bala, ned ning sẽn zoet Wẽnnaamã na n paama sor n põs yel-bãmb fãa.
19
Yam soab yam kõta yẽnda pãng n yɩɩd nanambs piig sẽn be tẽng a yembr pʋgẽ.
20
Sɩda, nin-tɩrg ka be dũniyã zug n maand tɩrg n ka maand yel-wẽnd ye.
21
Ra kelg goam nins fãa b sẽn gomdã, n wa wʋm f tʋmtʋmd sẽn tʋʋd foom ye.
22
Bala, fo miime tɩ naoor wʋsgo, fo me tʋʋ neb a taaba.
23
Mam maka yõwã fãa ne yam. Mam yeelame tɩ mam na n paama yam. La a zãaga ne maam.
24
Bũmb ning sẽn be wã zãrame, la a zulma wʋsgo. Ãnda n tõe n paam-a?
25
La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.
26
La mam yaool n yãndame tɩ pag ning sẽn yaa wa kuusrã, t'a sũurã ne a nusã yaa wa sẽbdsã, toolem yɩɩda kũum. La ned ning sẽn tat Wẽnnaam yamã põsda yẽnda. La yẽnda yõkda yel-wẽn-maandã.
27
Koɛɛg soabã yetame: «Mam tagsa bõn-kãens fãa yell yembr-yembre, n dat n bãng b võore.
28
Mam baoo ne m sũur fãa n ka yãnd ye. Mam yãnda rao a yembr bal raop tusr sʋka. La mam ka yãnd pag ba a yembr pagbã fãa sʋk ye.
29
Ade, yaa bũmb a yembr bal la mam yãnd yã. Yaa tɩ Wẽnnaam naana ninsaalbã tɩrse, la nebã baoo sɩlem wʋsgo.»
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
All chapters:
1
2
3
4
5
6
7
8
9
10
11
12