bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ecclesiastes 9
Ecclesiastes 9
Mossi MPBU (WẼNNAAM SEBRE 2014)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 10 →
1
Mam tagsame n dat n bãng bõn-kãens fãa yelle. La yõwã fãa yɩɩ vẽeneg tɩ nin-tɩrs la yam dãmb ne b tʋʋmã fãa bee Wẽnnaam nugẽ. Ninsaal ka mi nonglem ne kisgri n bak ye. Bãmb fãa bee yẽnda taoore.
2
Yẽnda geta a yiibã fãa wa zaalem. Yel-bãmb fãa paamda nebã fãa. Yell ning sẽn paamd nin-tɩrg paamda nin-wẽnga. Yell ning sẽn paamd ned ning sẽn yaa-a yɩlemdã paamda ned ning sẽn ka-a yɩlemdã. Yell ning sẽn paamd ned ning sẽn maand-a maand paamda ned ning sẽn ka maand-a maando. Yell ning sẽn paamd nin-sõngã paamda yel-wẽnã soaba. Yell ning sẽn paamd ned ning sẽn wẽendã paamda ned ning sẽn ka wẽend-a wã.
3
Bõn-kãngã fãa yaa wẽnga, la a bee bũmb nins fãa sẽn maand dũniyã zugã pʋgẽ. Bala, yɛlã paamda nebã fãa. La sẽn paase, ninsaalbã sũyã pida ne wẽnga, la yalemd bee b sũyã pʋsẽ, b vɩɩmã wakate. Dẽ poore, bãmb rabda kũum zĩigẽ.
4
La ned ning sẽn ket n vɩ ne yõor nin-vɩɩs sʋkã ket n tara saagre. Bala, ba-vɩɩg n são gɩgemd sẽn ki.
5
Bala, nin-vɩɩs miime tɩ b na n kiime. La sẽn ki-bã ka leb n mi bũmbu, la b ka leb n paamd b tʋʋmd yaood ye. Bala, b ka leb n tẽr bãmb yell ye.
6
Bãmb nonglmã, bãmb kisgrã, ne bãmb sũ-kiirã me fãa sɛɛme. Bãmb ka leb n tar pʋɩɩr ne bũmb nins fãa sẽn maand dũniyã zugã ye.
7
Bɩ f kẽng n tɩ rɩ f rɩɩbo, la f yũ f reezẽ rãam ne sũ-noogo. Bala, Wẽnnaam zoe n sak n deega fo sẽn maandã.
8
Bɩ f yeelg fu-peels wakat fãa, la f ra sak n bas f zug n ka sõog kaam ye.
9
Maan sũ-noog ne pag ning fo sẽn nongã, vɩ-zaalg ning Wẽnnaam sẽn kõ foom dũniyã zugã wakate. Bala, yõwã la fo pʋɩɩr f vɩɩmã pʋga, la tʋʋmd ning fo sẽn maand dũniyã zugã pʋga.
10
Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.
11
Mam leb n yãndame tɩ dũniyã zug ka, ka neb sẽn zoet tao-tao n tõogd zoees ye. La ka gãndaadã n tõogd zabr ye. Ka yam dãmb n paamd rɩɩb ye. Ka bãngdbã n paamd arzegse, la ka nin-yẽesems n paamd pẽgr me ye. Bala, bãmb fãa paamda toog wall noogo.
12
Bala, ninsaal ka mi a wakate, walla b sẽn yõg zĩm ne gãmbrã, Toog me lingda ninsaalbã a woto, toog paamda bãmb b sabaab wakate, la wa b sẽn bẽd liuul ne nakalebtong n yõke.
13
Mam leb n yãnda bũmb a to me dũniyã zug sẽn yaa yam mamsgo, la a yaa bõn-kãseng mam nifẽ.
14
Yaa tɩ tẽn-bil n dag n be tɩ neb bilf be a pʋgẽ. La rĩm-kãseng n wa n na n zab ne-a, n me lal-bɛd n gũbg-a n dat n deeg-a.
15
La naong soab a ye n be tẽngã pʋgẽ n tar yam. Yẽnda yamã yĩng kɩtame t'a tõog n fãag tẽngã. La ned ba a yembr ka tol n leb n tẽeg naong soabã yell ye.
16
La mam yeelame: Yam n são pãnga. La baoosgo, b paoogda naong soab yam n ka kelgd yẽnda goam ye.
17
Yam dãmb sẽn maag b meng n gomd tɩ b kelgdẽ, n são yalemb naab kɛlenga.
18
Yam n são zab-teedo, la yel-wẽn maand a yembr sãamda bõn-sõama wʋsgo.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 10 →
All chapters:
1
2
3
4
5
6
7
8
9
10
11
12
Recommended Reading
Commentary
Ecclesiastes Commentaries
→
Devotional
Ecclesiastes Devotional Guide
→
Get This Bible
Mossi MPBU (WẼNNAAM SEBRE ) Study Bible
→