bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Hebrews 11
Hebrews 11
Marwari Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
अबै विसवास, आसा कियोड़ी चीजों रौ पको, अर अणदेखी चीजों रौ परमाण है।
2
क्यूंकै इणरै बारै में बुढ़ियों री बड़िया गवाई दियोड़ी है।
3
विसवास ऊं म्हौ जांणौ हो, की सगळी सिस्टी री रचना परमेसर रै वचन ऊं होई है। ओ कोनीं, की जिकौ देखणै में आवै है, वो देख्योड़ी चीजों ऊं बण्यौ है।
4
विसवास ऊं हाबिल नै कैन ऊं उतम बलिदान परमेसर रै लियै चढ़ाई ही, अर विसवास रै जरियै हाबिल धरमी होवण री गवाई भी दी ही। परमेसर उणरी भेटो रै बारै में गवाई दी। अर उणरै विसवास रै खातर उणरै मरण रै पछै अजी तांई वो म्हौरै ऊं बातां करै है।
5
विसवास ऊं हनोक उठा लियौ गियौ, की मौत नै नीं देखे, अर उणरौ पतौ कोनीं मिळियौ। क्यूंकै परमेसर उणनै उठा लियौ हो, अर उणरै उठाए जावण ऊं पैला उणरी गवाई दी गई ही, की उणै परमेसर नै खुस किया हा।
6
अर विसवास बिना परमेसर नै खुस करणौ नामुमकिन है, क्यूंकै परमेसर रै नजीक आवण वाळै नै विसवास करणौ चाहीजै, की परमेसर है, अर अपणै खोजने वाळै नै प्रतिफळ दैवै है।
7
विसवास ऊं नूह नै उण बातां रै बारै में जिकौ उण वगत दिखाई कोनीं देती ही, चेताणी पायनै भगती रै साथै अपणै घराणै रै बचाव रै लियै जहाज बणायौ। इणरौ परिणाम ओ होयौ की संसार दोसी ठैरायौ गियौ अर नूह धारमिकता रौ वारिस होयौ, जिकौ विसवास ऊं होवै है।
8
विसवास रै खातर ही जद अबराहम नै ऐड़ी जगा माथै जावण रै लियै बुलायौ गियौ हो, जिणनै पछै वारिस रै रूप में उणनै मिलनौ हो, लेकिन वो ओ कोनीं जांणतौ हो की वो कठै जा रियौ है, तौभी उणै आग्या मांनी अर वो चाल दियौ।
9
विसवास ऊं उणै वायदो कियोड़े देस में, परदेसी रै ज्यौ, तम्बूओ में वास कियो। व्यौंही इसहाक अर याकूब भी रिया, जिकौ उणरै साथै उणीज वायदे रा वारिस हा।
10
क्यूंकै वो उण पकी नींव वाळी नगरी री बाट जोह रियौ हो, जिणनै रचने वाळौ अर बणाणै वाळौ परमेसर है।
11
विसवास ऊं सारा खुद बूढ़ी होवण पर भी जापायती होवण री सामरथ पाई। क्यूंकै उणै वायदो करनै वाळै परमेसर नै विसवास लायक जांण्यौ।
12
अर इण तरैह अबराहम ऊं जिकौ मरयोड़े जैड़ौ हो, आभै रै तारो अर समंदर तट रै धूड़ रै कणों रै ज्यूं, अणगिणत टाबर होया।
13
विसवास नै अपणै मन में लिए ऐ लोग मर गिया। जिण चीजों रौ वायदो दियोड़ो हो, उणौ नै वो चीजों कोनीं पाई। पर कैवल उणौ नै आगौ ऊं देख्यां अर उणौ रौ आदर भाव कियो और उणौनै ओ मांन लियौ की वे इण धरती माथै परदेसी अर बाहरी है।
14
वे लोग जिकौ ऐड़ी बातां कैवै है, वे ओ दिखावै है की वे एक ऐड़ै देस री खोज में है जिकौ उणौरौ आपरौ है।
15
अर जिण देस ऊं वे निकळ आया हा, जे उणरी सुधि करता तो उणौनै पाछौ जावण रौ मौकौ हो।
16
पण वे एक उतम मतलब सरगिए देस रा अभिलासी है, इण वास्तै परमेसर उणौरौ परमेसर कैवण में उणौ ऊं कोनीं लजावै, क्यूंकै उणै तो उणौरै लिए एक नगर तैयार करनै राख्यौ है।
17
विसवास रै खातर ही अबराहम नै, जद परमेसर उणरी परीकसा ले रियौ हो, इसहाक री बलि चढ़ाणै तैयार होयौ। वोहीज जिणनै वायदे नै साचौ मान्यौ,
18
तो परमेसर उण ऊं कयौ हो, “इसहाक रै जरियै ही थारौ वंस बढ़ैला।” तौभी वो अपणै एकाएक बेटे री बलि देवण वाळौ हो।
19
क्यूंकै उणै विचार कियो, की परमेसर सामरथी है, वो मरयोड़ौ में ऊं जिलाय सकै है। यूं भी कैह सकौ की इसहाक नै मरण में ऊं पाछौ पायो।
20
विसवास रै खातर ही इसहाक नै याकूब अर एसाव नै आवण वाळी बातां रै बारै में आसीस दी।
21
विसवास रै खातर याकूब नै मरते वगत यूसुफ रै दोनूं बेटौ नै आसीस दी। अर उणौ आपरी छड़ी री मूठ रै सहारे झुकनै परमेसर री आराधना की।
22
विसवास ऊं यूसुफ नै, जद वो मरणवाळौ हो, तो इजरायली लोगां रै बारै में मिसर ऊं निकळ जाणै री चरचा की, अर आपरी हडियों रै बारै में आग्या दी।
23
विसवास ऊं मूसा रै माता पिता उणनै, जनमिया रै पछै तीन महीना तांई लूकाय राख्यौ, क्यूंकै उणौ देख्यौ की टाबर घणौ फूटरौ है, अर वे राजा री आग्या ऊं नीं डरया।
24
विसवास ऊं मूसा जद मोटो होयौ तो खुद फिरौन री बेटी रौ बेटौ होणै रौ मना कर दियौ।
25
इण वास्तै की उणनै पाप में थोड़े दिन रौ सुख भोग नै ऊं परमेसर रै लोगां रै साथै दुख भोगणो घणौ उतम लागौ।
26
उणै मसीह रै लिए बेजती झेलनी मिसर रै धन भंडारो ऊं घणौ उचित समझयो, क्यूंकै वो आपरौ प्रतिफळ पावण री बाट जोह रियौ है।
27
विसवास रै खातर ही, राजा रै रीस ऊं नीं डरता होया उणै मिसर छोड़ दियौ, वो पको रियौ, मांनौ उणनै नीं दिखण वाळौ परमेसर दिख रियौ हो।
28
विसवास ऊं ही उणै फसह अर लोई छांटनै री विधि मांनी, की नास करणैवाळौ दूत, इजरायल रै पैलै बेटे नै नास नीं करै।
29
विसवास रै खातर ही, वे लोग लाल समंदर ऊं यूं पार हो गिया, ज्यूं कोई सूखयोड़ी धरती ऊं, लेकिन जद मिसर रै लोगां ऐड़ौ करणौ चाहयौ तो वे सगळा डूब गिया।
30
विसवास रै खातर ही, यरीहो री च्यांरूमेर दीवार, जद लोगां सात दिन तांई उणरौ चक्कर लगा चुकया तो वो नीचे पड़ गी।
31
विसवास रै खातर ही, राहाब नाम री वेसया आग्या नीं मांनणैवाळौ रै साथै नास नीं होई, क्यूंकै उणै भेदियो नै सही सलामत राख्या हा।
32
अबै और कांई कहूं? क्यूंकै फुरसत कोनीं है, की गिदोन रौ, अर बाराक अर सिमसोन रौ, अर यिफतह रौ, अर दाऊद अर समूएल रौ, अर भविसयदाताओ रौ वरणन करूं।
33
उणौ विसवास रै द्धारा राज्य जीता, धरम रा कांम करया, वायदो कियोड़ौ चीजों हासल की, सिंघो रौ मूंडौ बंद करयौ,
34
अग्नि री लाय नै ठंडी की, तरवार री धार ऊं बच निकळिया, जिणरी कमजोरी ही ताकत में बदळ गी, अर लड़ाई में ताकतवर रया, अर विदेसी फोजों नै मार भगाया।
35
लुगाईयां आपरै मरयोड़ौ नै पाछा जीवता पाया। किता तो मार खाते खाते मर गिया, लेकिन उणौ छुटकारो पावण री मना कर दी ताकी उणौनै एक बड़िया जीवन में पाछौ जीवन मिळ सकै।
36
कईको री बेजती की, अर कोड़ा रौ सामनौ करणौ पड़ियौ, जद की कईको नै साकळौ ऊं बांध नै जेळ में घाल दिया।
37
कईको नै भाठौ ऊं मारया, अर कईको नै आरे ऊं चीरया, अर तरवारो ऊं मारया गिया। वे गरीबी में, अर कलेसों में अर भूंडै व्यवहारों नै सहन करता होया वे लरड़ियां अर बकरियां री खालो ओढ़योड़ा एठीनै उठीनै भटकता रिया।
38
अर रिंदरोही, अर भाखरो, अर गुफाओं में, अर धरती में बण्यौड़े खाडो में लुकता फिरया। क्यूंकै संसार विसवास करणैवाळै इण लोगां नै स्वीकार कोनीं करिया।
39
विसवास रै जरियै इण सगळौ रै बारै में बड़िया गवाई दी है, तौभी उणौनै वायदो कियोड़ी चीजों कोनीं मिळी।
40
क्यूंकै परमेसर म्हौरै लियै पैला ऊं एक उतम बात ठैराई, की वे म्हौरै बिना सिद्धता में नीं पुगै।
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13