bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Hebrews 9
Hebrews 9
Marwari Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
1
उण पैली वाचा में भी उपासना रा नियम हा, अर ऐड़ी आराधना री जगा जिकौ एक मिनख रै हाथो ऊं बण्यौड़ी ही।
2
एक तम्बू बणायौ हो जिणरा दो भाग हा। पैलै भाग में दीवट हा, मेज ही, अर भेट री रोटियां ही। इणनै आराधना री जगा कैवता हा।
3
अर पड़दै रै लारै एक और भाग हो, जिणनै परम पवितर जगा कैवै है।
4
उणमे सोने री धुप वेदी, अर च्यांरूमेर सोने ऊं मढ़योड़ो वाचा रौ संदूक अर इण में मन्ना ऊं भरयोड़ौ सोने रौ बरतन अर हारून री लाठी जिण में फूल फळ आ गिया हा अर वाचा री पटियां राख्योड़ी ही।
5
अर संदूक रै ऊपर दोनूं तेजोमय करूब हा, जिकौ प्रायसित रै ढ़कणै माथै छाया कियोड़ी ही। इणौरौ एक एक करनै बखाण करणै रौ वगत कोनीं है।
6
सगळौ इण तरैह ऊं तैयार हो जांणै रै पछै याजक तम्बू रै पैलै भाग में हमेसां परवेस करनै अपणी सेवा रौ कांम करनै लागा।
7
अर तम्बू रै दूजै भाग में कैवल महायाजक साल भर में एक इज बार जातौ, अर लोई लेन जातौ, जिणनै वो आपरै दवारा अर लोगां रै द्धारा अनजाणे में किया पापों रै लिए भेट चढ़ातौ हो।
8
इणरै जरियै पवितर आतमा ओ बतावै है, की जैड़ी तांई तम्बू रौ पैलौ भाग ऊभौ है, उठै तांई परम पवितर जगा रौ मारग परगट कोनीं होयौ।
9
अर ओ तम्बू तो आज रै जुग रै लिए एक दिस्टांत है। जिण में ऐड़ी भेट अर बलिदान चढ़ाया जावै है, जिण ऊं आराधना करणैवाळौ रौ अंतो सिद्ध नीं हो सकै।
10
क्यूंकै वे कैवल खाणै पीणै री चीजों अर अलग अलग स्नान विधि रै आधार माथै सारीरिक नियम है, जिकौ परमेसर रै नई व्यवस्था रै वगत तांई रै लियै लागू कियोड़ा है।
11
पण अबै मसीह इण और बड़िया व्यवस्था रौ, जिकौ अबार म्हौरै खनै है, महायाजक बणनै आ गिया है। उणै उण घणै उतम अर सिद्ध तम्बू में ऊं होयनै परवेस कियो जिकौ मिनख रै हाथो रौ बणायोड़ो कोनीं, मतलब जिकौ सांसारिक कोनीं है।
12
बकरों अर बछड़ो रौ लोई लेयनै उणै परवेस कोनीं कियो हो, बल्कि हमेसां रै लिए भेट रूपी खुद रौ लोई लेयनै परम पवितर जगा मे परवेस कियो हो। इण तरैह उणै म्हौरै लिए पापों ऊं अनत छुटकारो पको कियो है।
13
क्यूंकै जद व्यवस्था रै अनुसार बकरों अर बळदों रौ लोई अर कलोर री राख अपवितर लोगां माथै छिड़कनै ऊं सरीर रै भीस्टता ऊं पवितर करै है,
14
तो मसीह रौ लोई जिणनै अपणै आप नै सनातन आतमा रै द्धारा परमेसर रै सांमै निरदोस चढ़ायौ, थौरे अंते नै मरयोड़े कांमां ऊं सुद्ध करैला, ताकी थै जीवते परमेसर री सेवा करौ।
15
अर इण कारण मसीह नई वाचा रौ बिचोळियो है, ताकी उण मौत रै जरियै जिकौ पैली वाचा रै वगत रै अपराधो ऊं छुटकारो पावण रै लियै होई है, बुलायोड़ा लोग वायदे रै अनुसार अनत काल तांई बणयोड़ी रैवण वाळी विरासत हासल करै है।
16
जठै तांई वसीयतनामा रौ सवाल है, तो उणरै लिए जिणनै उणै लिख्यौ है, उणरी मौत रौ परमाणित कियो जावणौ जरुरी है।
17
क्यूंकै कोई वसीयतनामा कैवल जद ही प्रभावी होवै है, जद उणरै लिखणै वाळै री मौत हो जावै है। जैड़ी तांई उणनै लिखणै वाळौ जीवतौ रैवै है, वो कदैई प्रभावी कोनीं होवै।
18
इण वास्तै पैली वाचा ही बिना लोई रै कोनीं बांधी गई।
19
क्यूंकै जद मूसा सगळै लोगां नै व्यवस्था री हरैक आग्या सुणा चुकौ, तो उणै बकरों अर बछड़ो रौ लोई लेयनै, पांणी अर लाल ऊन, अर जूफा री डाळी रै साथै, उण किताब माथै अर सगळै लोगां माथै छांट दियौ।
20
अर मूसा कयौ, “ओ उण वाचा रौ लोई है, जिणरी आग्या परमेसर नै थौरे लियै दी है।”
21
अर इण रीति ऊं उणै तम्बू अर सेवा रै सगळै सामान माथै लोई छांटयो।
22
अर व्यवस्था रै अनुसार सगळी चीजों लोई रै द्धारा सुद्ध की जावै है, अर बिना लोई बहाए समा कोनीं होवै।
23
इण वास्तै जरुरी है, की सरग में की चीजों रै प्रतिरूप है, जिकौ जिनावरां रै बलिदानो रै द्धारा सुद्ध किया जावै, पण सरग में की चीजों खुद इणौ ऊं उतम बलिदानो रै द्धारा सुद्ध की जावै है।
24
क्यूंकै मसीह नै उण हाथ रा बणायोड़ा परम पवितर जगा में जिकौ साचौ परम पवितर जगा रौ नमूनो है, परवेस कोनीं कियो, पर सरग ही में परवेस कियो, ताकी म्हौरै लियै अबै परमेसर रै सांमै दिखाई दे।
25
ओ कोनीं की यीसु अपणै आप नै बार बार चढ़ाए, ज्यौ की महायाजक हरैक बरस बलि रौ लोई लेन परम पवितर जगा में परवेस किया करै है।
26
नीं तो जगत री सरूआत ऊं लेयनै उणनै बार बार दुख उठाणौ पड़तौ, लेकिन अबै जुग रै अनत में वो एक बार परगट होया है, ताकी अपणै ही बलिदान रै द्धारा पाप नै आगौ कर दे।
27
अर ज्यूं मिनखौ रै लियै एक बार मरणौ अर उणरै पछै न्याव रौ होणौ तय है,
28
व्यौंही मसीह भी घणौ रै पापों नै उठा लेणे रै लियै एक बार बलिदान होयौ। अर जिकौ लोग उणरी बाट जोवे है, उणौरै पापों रै लियै कोनीं बल्कि उणौरै उद्धार रै लियै दूजी बार परगट होवैला।
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
All chapters:
1
2
3
4
5
6
7
8
9
10
11
12
13