Hebrews 12

Marwari Bible

← Chapter 11 Jump to: Chapter 13 →

1जद गवाई देवण वाळा इता घणाहारा म्हौरै च्यांरूमेर है, तो म्हौ हरैक तरैह री रूकावट आगी करौ, अपांनै उलझान वाळा पापों नै छोड़ नै, धीरज रै साथै उण दौड़ में आगै बढ़ता जाओ।

2म्हौरै विसवास रौ अगुवा अर सिद्ध करनै वाळा यीसु री तरफ दिस्टी लगाओ। लाज री कोई चिंता कोनीं की, जिणै आपरै सांमै हाजिर आंणंद रै लिए सूली रौ दुख सहन कियो, अर परमेसर रै सिंहासण रै जीमणा पाड़ै विराजमान हो गिया।

3इण वास्तै उण माथै ध्यांन करौ, जिणै आपरै विरोध में पापियो रौ इतरौ विवाद सहन कियो की थै निरास होयनै हीमत नीं छोड़ दो।

4पाप रै विरोध अपणै संघरस में थांनै इतरौ कोनीं अड़नो पड़ियौ, की थौरो लोई बहायौ हो।

5अर थै उण उपदेस नै भूल गिया हो, जिकौ थांनै बेटौ रै ज्यूं दियौ जावै है, “हे म्हारा बेटा, परभु री ताड़ना नै हळकी बात नीं जांण, उणरी फटकार ऊं कदैई निरास नीं होणौ।

6क्यूंकै परभु, जिण ऊं परैम करै है, उणनै डांटे भी है, व्यौंही ज्यौ पिता आपरै बेटे नै डंड दैवै, जिण ऊं ओ घणौ परैम करै है।”

7थै दुख नै डांट समझनै सहन करौ। परमेसर थांनै बेटौ जांणनै थांरै साथै व्यवहार करै है। वो कयौ बेटौ है, जिणनै पिता डांटे कोनीं?

8जे थांनै वैड़ी इज डांट नीं दी है, जैड़ी सगळौ नै डांट दी जावै है, तो थै अपणै पिता ऊं जनमियोड़ा बेटा कोनीं हो अर साची औळाद कोनीं हो।

9जद की म्हौरै सारीरिक पिता भी म्हौ नै डांटे है, अर म्हौ उणौनै आदर देवो हो तो कांई आतमाओ रै पिता रै और भी अधीन नीं रैवौ, जिण ऊं म्हौ जीवता रैवौ?

10वे तो अपणी अपणी समझ रै अनुसार थोड़े दिनां रै लियै डांटता हा, बल्कि परमेसर तो म्हौरी भलाई रै लियै करै है, की म्हौ भी उणरी पवितरता रा भागी हो जाओ।

11जिण वगत डांट दी जावै है, उण वगत डांट बड़िया कोनीं लागै, बल्कि वो दुखद लागै है। लेकिन कीं भी हो, वे जिकौ डांट नै सहन कर नै पका हो गिया है, उणरै लियै आगै वगत में नेकी अर सानति रौ प्रतिफळ मिळै है।

12इण वास्तै अपणै ढ़ीले हाथो अर कमजोर घुटनो नै मजबुत करौ।

13अर अपणै पगां रै लियै सीधा मारग बणाओ, ताकी जिकौ लंगड़ा है, वो अपंग नीं हो, बल्कि चंगा हो जावै।

14सगळौ ऊं मेल जोल राखौ, अर उण पवितरता रा खोजी हो, जिणरै बिना कोई परभु नै कदैई नीं देखेला।

15अर ध्यांन ऊं देखता रैवौ, ऐड़ौ नीं हो, की कोई परमेसर रै अनुग्रह ऊं लारै रै जावै, या कोई ऐ़ड़ी फूट नीं पड़ जाये जिकौ दुख दे अर जिण ऊं घणा लोग असुद्ध हो जाये।

16आप लोगां में नीं तो कोई व्यभिचारी हो, अर नीं एसाव रै ज्यूं अधरमी, जिणै एक ही खाणै रै लियै आपरौ पहिलौठे रौ पद बेच दियौ।

17थै जांणौ तो हो, की पछै जद उणै आसीस पावण चाही, तो लायक कोनीं ठैरायौ हो, अर रो-रोयनै ढ़ूंढ़नै रै उपरात भी मन फिराव रौ मौकौ उणनै नीं मिळियौ।

18थै उण भाखर रै खनै नीं पूगा ज्यूं इजरायल लोग सीनै भाखर रै खनै पूगा हा। वो जगा लाय ऊं जळती ही, अर काळी घटा, अर घोर अंधारौ, अर आंधी,

19अर तुरही री आवाज, अर परमेसर रै बोलनै री ऐड़ी आवाज ही, जिणरै सुणणवाळौ विनती की, की अबै म्हौरै ऊं वळै बातां कोनीं करीजै।

20क्यूंकै वे उण आग्या नै सह नीं सकै। क्यूंकै उणौनै कयौ हो, “जे कोई पसु ही भाखर नै छुए तो उण माथै पथराव कियो जावै।”

21अर वो दरसण ऐड़ौ डरावणौ हो, की मूसा कयौ, “म्हैं घणौ डरयो अर कांप रियौ हूं।”

22बल्कि थै तो सिय्योन रै भाखर रै खनै, अर जीवते परमेसर री नगरी सरगिए यरुसलेम रै खनै आ पूगा हो। थै तो हजारो-हजारो सरगदूतो री आंणंद री सभा,

23अर उण पहिलौठो री कलीसिया, जिणरा नाम सरग में लिख्योड़ा है, अर सगळौ रौ न्यावी परमेसर रै खनै, अर सिद्ध कियोड़े धरमियो री आतमाओ,

24अर नई वाचा रौ बिचोळियो यीसु, अर छिड़काव रै उण लोई रै खनै आया हो, जिकौ हाबिल रै लोई ऊं उतम बातां कैवै है।

25सावचेत रैवौ, अर उण कैवणवाळै ऊं मूंडौ नीं फेरो, क्यूंकै वे लोग जद धरती माथै रा चेताणी देवणवाळै ऊं मूंडौ मोड़नै नीं बच सकया, तो म्हौ सरग माथै ऊं चेताणी करणैवाळै ऊं मूंडौ मोड़नै कीकर बच सकौ ला?

26उण वगत तो उणरा सबद धरती नै हिला दी, पण अबै उणै ओ वायदो कियो है, “एक बार वळै म्हैं नीं कैवल धरती नै बल्कि आभै नै भी हिला दूंला।”

27अर ओ सबद “एक बार वळै” इण बात नै परगट करै है, की जिकौ चीजों हिलाई जावै है, वे सरजीयोड़ी चीजों होणै रै खातर टळ जावैला, ताकी जिकौ चीजों हिलाई कोनीं जावै, वे हमेसां बणी रैवै।

28इण कारण म्हौ इण राज्य नै पायनै जिकौ हिलनै रौ कोनीं, उण अनुग्रह नै हाथ ऊं नीं जावण दो, जिणरै जरियै म्हौ भगती, अर भय सहित, परमेसर री ऐड़ी आराधना करौ जिण ऊं वो खुस होवै है।

29क्यूंकै म्हौरौ परमेसर भसम करणैवाळी एक अग्‍नि है।

← Chapter 11 Jump to: Chapter 13 →