bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Hebrews 13
Hebrews 13
Marwari Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
विसवासी भाइयो रै ज्यूं एक दूजै ऊं परैम करता रैवौ।
2
मेमाणो री सेवा करणी मत भूलो, क्यूंकै ऐड़ौ करतौ होया कीं लोग अनजाणे में ही सरगदूतो री सेवा की है।
3
कैदी भाइयो री ऐड़ी सुधि लौ, की मांनौ उणरै साथै थै भी जेळ में हो, अर जिणरै साथै भूंडौ व्यवहार होयौ है, उणौरी इण तरैह सुधि लो, ज्यूं मांनौ थै खुद पीड़ित हो।
4
ब्याव सबां में आदर री बात समझी जाए, अर ब्याव रौ बिछौणौ निरदोस रैवै, क्यूंकै परमेसर व्यभिचारियो, अर पराई लुगाई रै साथै संबंध राखण वाळौ नै डंड दैला।
5
अपणै जीवन नै धन रै लालच ऊं आगौ राखौ, अर जिकौ थौरे खनै है, उणीज ऊं संतोस रैवौ, क्यूंकै परमेसर कयौ है, “म्हैं थांनै कदैई नीं छोड़ूला, अर नीं कदैई थांनै त्यागूंला।”
6
इण वास्तै म्हौ बेधड़क होयनै कैवौ हो, “परभु म्हारौ मददगार है, म्हैं नीं डरूं ला। मिनख म्हारौ कांई कर सकै है?”
7
अपणै अगुवो नै याद राखौ जिणौ थांनै परमेसर रौ वचन सुणायो है। उणौरै जीवन रै परिणाम रौ विचार करौ अर उणौरै जैड़ौ ही विसवास करौ।
8
यीसु मसीह काल अर आज अर जुग-जुग तांई एक जैड़ा है।
9
हरैक तरैह री अजांण सिकसाओ ऊं नीं भरमाओ। थौरे मन रै लिए ओ बड़िया है की वे अनुग्रह ऊं मजबुत बणै, न की खाणै पीणै सम्बन्धी नियमो नै मांनणै ऊं, जिण ऊं उणौरौ कदैई कोई भलौ कोनीं होयौ, जिणौ उणनै मान्यौ।
10
मसीह मे म्हौरी एक ऐड़ी वेदी है, जिण माथै ऊं खावण रौ हक उण याजकौ नै कोनीं, जिकौ तम्बू में सेवा करै है।
11
महायाजक परम पवितर जगा माथै पापबलि रै लियै पसुओ रौ लोई तो ले जावै है, बल्कि पसुओ रौ सरीर छावनी रै बारै बाल दियौ जावै है।
12
इण वास्तै, यीसु भी लोगां नै अपणै ही लोई रै जरियै पवितर करनै रै लियै फाटक रै बारै दुख उठायौ।
13
इण वास्तै आओ, उण री निंदा अपणै ऊपर लियोड़ा छावनी रै बारै उणरै खनै चालौ।
14
क्यूंकै एठै म्हौरौ कोई पको रैवणवाळौ नगर कोनीं, बल्कि म्हौ तो बाट जोह रिया हो जिकौ आवण वाळौ है।
15
इण वास्तै आओ म्हौ यीसु रै जरियै परमेसर नै स्तुति रूपी बलिदान, मतलब उणरै नाम री महिमा करनैवाळै होठो री स्तुति हमेसां चढ़ाया करौ।
16
अर भलाई करणी, अर अपणी चीजों औरो रै साथै बांटनी नीं भूलो। क्यूंकै परमेसर ऐड़ै इज बलिदानो ऊं राजी होवै है।
17
अपणै अगुवो री मांनौ, अर उणरै अधीन रैवौ, क्यूंकै वे थौरे प्रांणौ रै लियै जागता रैवै है जिणनै थौरो लेखो जोखो दैणौ पड़ै है। वे ओ कांम आंणंद ऊं करै। जे चिंता रै साथै करै, तो थांनै कीं फायदो कोनीं।
18
म्हौरै लियै पराथना करता रैवौ, क्यूंकै म्हौ नै भरोसौ है, की म्हौरौ अंतो सुद्ध है, अर म्हौ सगळी बातां में बड़िया चाल चलनी चावौ हो।
19
म्हैं खास करनै कैवूं हूं की थै पराथना किया करौ ताकी वेगौ ही म्हैं थौरे खनै आ सकूं।
20
अबै सानतिदाता परमेसर, जिकौ म्हौरै परभु यीसु नै जिकौ लरड़ियां रौ महान रूखाळौ है सनातन वाचा रै लोई रै गुण ऊं मरयोड़ौ में ऊं जिलाय नै ले आया,
21
थांनै हरैक भली बात में सिद्ध करै, जिण ऊं थै उणरी इछा पूरी करौ। अर जिकौ कीं उणनै भावै है, उणनै यीसु मसीह रै जरियै म्हौरै में पैदा करै, जिणरी महिमा जुग जुग होती रैवै। आमीन।
22
हे विसवासी भाइयो, म्हैं थौरे ऊं विनती करूं हूं, की आप म्हारै इण हीमत बढ़ानै वाळै वचनो नै मांन लौ। म्हैं थोड़े सबदो में आपनै आ चिठ्ठी लिखी है।
23
म्हैं चावूं हूं की थांनै ध्यांन हो की म्हौरौ भाई तीमुथियुस जेळ ऊं छूट गियौ है। जे वो वेगौ आ गियौ तो म्हैं उणरै साथै थौरे ऊं मिलनै आऊंला।
24
थांरै सगळै अगुवो अर सगळै परमेसर रा पवितर लोगां नै म्हारौ नमस्कार कैहणौ। इटली ऊं आया लोग थांनै नमस्कार भेजे है।
25
परमेसर रौ अनुग्रह थां सगळौ रै साथै रैवै।
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13