bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Hebrews 6
Hebrews 6
Marwari Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
इण वास्तै आओ मसीह री सिकसा री सरूआत री बातां नै छोड़नै, म्हौ सिद्धता में बढ़ौ। अर म्हौ नै उणीज सिकसा में पड़ियौ नीं रैवणौ चाहीजै ज्यौ मौत री और ले जावण वाळा करमो रै लियै पचताप, परमेसर में विसवास,
2
अर बतिस्मे री सिकसा, माथा ऊपर हाथ राखणै, अर मरयोड़ौ रौ जी उठणौ, अर आखरी न्याव री सिकसा।
3
जे परमेसर चावै तो म्हौ ओहीज करौ ला।
4
जिणौ एक बार जोत पाई है, जिकौ सरगिए वरदान रौ स्वाद चाख लियौ है अर पवितर आतमा रा भागी हो गिया है,
5
अर परमेसर रै उतम वचन रौ अर आवणवाळै जुग री सामरथ रौ स्वाद चाख लियौ है,
6
जे ऐ भटक जावै, तो उणौनै मन फिराव रै वास्तै वळै पाछा नवा बणाणा मुसकिल है। क्यूंकै वे परमेसर रै बेटे नै आपरै लियै वळै सूली माथै चढ़ावै है अर परगट में उण माथै कलंक लगावै है।
7
जिकौ धरती आपरै ऊपर बार-बार पड़न वाळै पांणी नै सोख लेवे अर उण लोगां रै लायक फसल उगावै है, जिकौ उण ऊपर खेती करावै है, वो धरती परमेसर रौ आसीस पावै है।
8
बल्कि जे वो धरती कांटा अर ऊंटकटारा उपजावै है, तो वो बेकार है। उण माथै सराप पड़ नै वाळौ है, अर आखरी में उणनै बाळी जावैला।
9
हे प्रिय भाइयो, जे म्हौ इण तरैह ऊं बोल रिया हो, तौभी म्हौ नै पूरौ विसवास है की आप लोगां री दसा इणौ ऊं घणी बड़िया है अर आप मुगति रै मारग माथै चालौ हो।
10
क्यूंकै परमेसर अन्यावी कोनीं, की थौरा कांम, अर उण परैम नै भूल जावै, जिकौ थै उणरै नाम रै लियै इण तरैह ऊं दिखायौ, ज्यौ की परमेसर रै लोगां री सेवा की, अर कर भी रिया हो।
11
म्हौ चावौ हो की थौरे में ऊं हरैक जीवन भर ऐड़ा इज कठिन मेनत करता रै। जे थै ऐड़ौ करौ हो तो थै पको ही उणनै पाओला जिणरी थै आसा करता रिया हो।
12
म्हौ ओ नीं चावौ की थै आळसी हो जाओ। बल्कि थै उणरौ अनुकरण करौ जिकौ विसवास अर धीरज रै साथै उण चीजों नै पा रिया है जिणरौ परमेसर वायदो कियो हो।
13
परमेसर अबराहम ऊं वायदो करते वगत जद सौगन खाणै रै लियै किणी नै आपरै ऊं मोटो नीं देख्यौ, तो आपरी इज सौगन खायनै कयौ,
14
“म्हैं हकीगत थनै घणी आसीस दूंला, अर थारै वंसज नै बढ़ातो रहूंंला।”
15
अर इण रीति ऊं उणै धीरज राखनै वायदो कियोड़ी बातां हासल की।
16
मिनख तो आपरै ऊं कोई मोटे री सौगन खाई करै है, अर उणरै हरैक विवाद रौ फैसलो सौगन ऊं पको होवै है।
17
इण वास्तै जद परमेसर नै वायदो री वारिस माथै और ही खुली रीति ऊं परगट करणौ चाहयौ, की वो अपणै वायदो नै कदैई कोनीं बदळै ला, तो वायदो रै खातर सौगन खाई।
18
तो एठै दो बातां है, उणरौ वायदो अर उणरी सौगन जिकौ कदैई नीं बदळ सकै। अर जिणरै बारै में परमेसर कदैई झूठ नीं कैह सकै। इण वास्तै अपां जिकौ परमेसर रै नजीक चरण लेणे आया हो अर जिकौ आसा उणै म्हौ नै दी है, उणै राखता होया घणा खुस हो।
19
वो आसा म्हौरै प्रांण रै लियै ऐड़ौ लंगर है जिकौ स्थिर अर पको है, अर पड़दे रै भीतर खास पवितर जगा तांई पुगै है।
20
जठै यीसु मलिकिसिदक री रीति माथै हमेसां रै लियै महायाजक बणनै, म्हौरै लियै अगुवा रै रूप मे परेवस करयौ है।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13