bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Proverbs 14
Proverbs 14
nyankole
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
1
Omukazi w'obwengye ayombeka eka; kwonka ekifamutima kigyesheenyera n'emikono yaakyo.
2
Otwaza kurungi atiina Nyakubaho; kwonka endyarya emugaya.
3
Ebi ekifamutima kigamba biba enkoni ekiteera, kwonka akanwa k'abanyabwengye kabatambira.
4
Otaine ndaaho z'okuhingisa tahunika ngano, kwonka endaaho z'amaani zikanyisa omweru.
5
Omujurizi ohikire tabeiha, kwonka otari w'amazima ahurubura ebishuba.
6
Omugayani asherura obwengye, tabuzoora, kwonka orikwetegyereza arahuka kumanya.
7
Ruga aha kifamutima, ahabw'okuba tikikwiniire bigambo by'obwengye.
8
Omunyabwengye ayetegyereza emihanda ye; kwonka ebifamutima bihabagira.
9
Ruhanga agaya enkozi z'ebibi, kwonka abahikiriire baba abashongore ahri we.
10
Obusaasi bumanywa omutima, haza tihariho ondiijo omanya okushemererwa kwagwo.
11
Enju y'enkozi y'ebibi eryasheenyuka, kwonka enju y'ohikiriire eryagogyeera.
12
Obundi omuhanda ogu omuntu ateekateeka ngu ni murungi, nigwo gumwita.
13
N'omu kushemererwa harimu busaasi kandi omuheru gwakwo n'obujune.
14
Omuntu mubi aryaihurwa emitwarize ye, kandi omuntu murungi aryaihurwa ebi akozire.
15
Omushema aikiririza eryo, kwonka omunyabwengye agyenda naayetegyereza.
16
Omunyabwengye ayerinda, kandi ayetantara ekibi, kwonka ekifamutima kyo tikyerinda, kandi tikyefeerayo.
17
Orahuka kubakirwa akora eby'obushema, kwonka orikwekyengyera ayetwara.
18
Abashema baba ebifamutima, kwonka abarikwetegyereza bagira obwengye.
19
Enyabibi ziryainamira omu maisho g'abarungi, n'enkozi z'ebibi aha marembo g'abahikiriire.
20
Omworo na mutaahi we amwanga, kwonka omutungi agira emikago mingi.
21
Ogaya mutaahi we ashobya, kwonka ogirira abooro embabazi n'omuhiirwa.
22
Mbwenu shi abacuma enaama mbi tibashobya? Kwonka abacuma enaama nungi baryakorerwa eby'embabazi n'eby'obwesigwa.
23
Okwehenenga kugira omugasho, kwonka okuhugira omu bigaaniiro kuteera obworo.
24
Okwetegyereza kuba ekirunga ky'abanyabwengye, kwonka obufamutima buba eihunde ry'abataine bwengye.
25
Omujurizi omwesigwa ajuna amagara g'abantu, kwonka ogamba ebishuba aba endeebya.
26
Omu kutiina Nyakubaho omuntu aihamu obwesigye buhamire, kandi abaana be baryagira obuhungiro.
27
Okutiina Nyakubaho kuba enshuro y'amagara, kandi kureetera omuntu kwerinda emitego ya rufu.
28
Ekitiinwa ky'omugabe kiruga omu bwingi bw'abantu, kwonka omutegyeki otaine bantu acwekyerera.
29
Otarahuka kubakirwa ayetegyereza gye, kwonka orahuka kubakirwa ahimbisiriza obushema.
30
Omutima gutebeekaine gureetera omubiri amagara, kwonka eitima rijunza amagufa.
31
Ohata omunaku ajuma Nyakumuhanga, kwonka ogirira omukyene embabazi aha ekitiinwa owaamuhangire.
32
Enyabibi eitwa ebikorwa byayo bibi, kwonka ohikiriire afa aine amatsiko.
33
Obwengye butuura omu mutima gw'orikwetegyereza, kwonka tibushangwa mu bifamutima.
34
Okuhikiirira kureetera eihanga ekitiinwa, kwonka ekibi kirijumisa.
35
Omugaragwa w'obwengye ashongoka aha mugabe, kwonka otaine buryo akwatsa omugabe kashanga.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31