bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Proverbs 25
Proverbs 25
nyankole
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Ezi nazo n'enfumu za Solomooni, ezaahanduukurwirwe abashaija ba Hezekiya omugabe wa Yuda.
2
Ebi Ruhanga ashereka nibyo bimuhaisa ekitiinwa; kandi okubicondooza kiba ekitiinwa ky'abagabe.
3
Nk'oku eiguru riri hare munonga, kandi nk'oku ensi eri hare okuzimu, n'ebiteekateeko by'abagabe nikwo bitabaasa kucondoozibwa.
4
Iha enkamba aha feeza, reero omuheesi aheeshe ekyoma.
5
Iha enyabibi ahu omugabe ari, reero obugabe bwe buhamire omu kuhikiirira.
6
Otaryetunguurira omu maisho g'omugabe, nari okeemerera omu myanya y'ab'ekitiinwa;
7
manya ni kirungi kukugira bati: Garuka aha, okukira okukugaruza enyima omu maisho g'omutegyeki.
8
Otarirahuka kutabaariza mutaahi waawe ebi waareeba; mbwenu shi ku arikwomesereza torihemuka?
9
Mara na mutaahi waawe eki murikufa, haza orekye kumwatira enaama;
10
reero hatagira owaakuhurira akakugaya, n'ekihemu kikakugumaho.
11
Ekigambo ekigambirwe gye ni nk'ebijuma birikwengyengyeta nka zaabu ebiri aha shohaani ya feeza.
12
Omunyabwengye orikuhana omutegire okutu ni nk'empeta nari eihunde rya zaabu.
13
Entumwa erikwesigwa abagituma ni nk'embeho y'ebirika omu ishaaruura; ahabw'okuba eruhuura emitima ya bakama baayo.
14
Omuntu oyesiimirana ekiconco ki atarikwenda kuha ni nk'ebicu n'omuyaga ebitaine njura.
15
Okugumisiriza kworobya omutegyeki, n'orurimi rurungi rwata eigufa.
16
Ku origwa aha bwoki orye oburikukuhaazya, otakaabuniha okabutanaka.
17
Otakaitsa owa mutaahi waawe akaribatiiriro; atakaakuhararuka, akakwanga.
18
Omuntu oshinja mutaahi we naamubeiherera ni nk'akateererezo, nari rurara, ninga omwambi gw'obwogi.
19
Okwesiga omuntu otaine mazima omu bunaku bw'akabi ni nk'okugira eriino rijunzire, nari ekigyere kikonyokire.
20
Oyeshongorera oine obujune omu mutima, ari nk'ojuura eki ajwaire aha izooba ry'embeho, kandi ni nka viino encenku omu buhuta.
21
Omuzigu waawe ku arigira enjara omuhe ekyokurya, ku ariitwa eiriho omuhe ekyokunywa;
22
haza obwo oryaba omurunzire aha mutwe amakara garikwaka, kandi Nyakubaho aryakuzimuurira.
23
Omuyaga gwa bukiizi-bwa-bumosho gureeta enjura, kandi orurimi rurikugambuura rureeta okwiririmba ahamaisho.
24
Embu y'okutuura omu nju n'omukazi entongani, otuura omu karugu k'akanono k'enju.
25
Amakuru marungi agaruga omu nsi ya hare ni nk'amaizi garikufuka agaruhuura oine ekyaaka.
26
Omuntu ohikiriire oyorobera enyabibi ni nk'omugyera gw'ebyondo, nari eiziba ry'omushaayo.
27
Ti kirungi kurya obwoki bwingi, n'ahabw'ekyo ebigambo by'okuhaisiriza ogambe bikye.
28
Omuntu otabaasa kwetegyeka ni nk'orurembo rusheenyirwe, rukatsigara rurangaire.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31