bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Corinthians 10
1 Corinthians 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Wawqikuna y panikuna, musyayankim unay yärakuq mayintsikkunata ima päsanqantapis. Paykunaqa pukutay rurillantam aywayarqan y Puka Lamartam päsayarqan.
2
Moiséswan pukutay rurinpa aywashqa karmi y lamarpa päsashqa karmi llapanpis bautizakushqanö kayarqan.
3
Tayta Dios alistapanqan mikuytapis llapanmi mikuyarqan.
4
Tayta Dios qaqapita pashtatsimunqan yakutapis llapanmi upuyarqan. Tsay qaqaqa Jesucristum karqan. Israel runakuna aywayanqanmanmi Jesucristupis aywarqan.
5
Peru tsaynö kaptinpis Tayta Diosta atskaqmi cäsuyarqantsu. Tsaymi paykunaqa desiertuchö wanushqa mashtaraykar quëdayarqan.
6
Llapan tsaykuna päsarqan noqantsik tantiyakur paykunanö jutsata mana ruranantsikpämi.
7
Tsaynö kaykaptinqa ïdulukunata ama adorashuntsu. Israel runakuna ïdulukunata adorayanqanpämi Tayta Diospa palabran nin: «Llapanmi jamaykur mikuyarqan y upyayarqan. Kushikurmi juknin jukninpis jutsata rurar kayarqan».
8
Tsaynölla fornicación jutsata ama rurashuntsu. Israel runakuna tsaynö kawayanqanpitam Tayta Dios juk junaqllachö ishkay chunka kimsa waranqa (23,000) runakunata ushakätsirqan.
9
Tsaynölla Señornintsik Jesucristuta kikintsik munanqantsikta rurananta ama munashuntsu. Wakin Israel runakuna Diosta tsaynö ruratsiyta munayaptinmi culebrawan kanitsir Tayta Dios ushakätsirqan.
10
Tsaynölla descontentu ama kashuntsu. Israel runakuna descontentu kayaptinmi wanutsikuq ángel paykunata ushakätsirqan.
11
Unay Israel runakunata tsaynö päsanqankunam Tayta Diospa palabranchö qellqashqa kaykan ultimu tiempuchö noqantsik kawaqkuna tantiyakunantsikpä.
12
Tsaynö kaykaptinqa cuidädutä Tayta Dios munanqannö alli kawaykäyanqaykita yarpar jutsata rurayankiman.
13
Llapan pruëbakuna päsayäshunqaykim wakin runakunatapis päsan. Pruebaman churayäshurnikipis Tayta Dios manam jaqiyäshunkitsu. Tsaymi pruëbakunata awantar jutsaman mana ishkiyänaykipä imaypis yanapayäshunki.
14
Kuyay wawqikuna y panikuna, tsaynö kaykaptinqa ïdulukunata ama adorayaytsu.
15
Tantiyakuq runakuna karqa ninqä rasunpa kanqanta tantiyakuyay.
16
Noqantsik Santa Cënapä qorikar bendición cöpapita upur ¿manaku yarpantsik Jesucristo noqantsik raykur yawarninta jichanqanta? Tsaynöllam tantata pakipanakur ¿manaku yarpantsik Tayta Dios salvamänantsikpä Jesucristo cruzchö wanunqanta?
17
Santa Cënachö juk tantallata mikur atskaq karpis juk cuerpullam kantsik.
18
Israel runakunapa sacerdötinkunapis Tayta Diosta adorayänan altarchö pishtayanqan aytsata mikur ¿manaku Tayta Dioswan jukllayllanö kayan?
19
Shumaq tantiyakushun. Ïdulukunaqa manam kawayantsu. Ïdulukunapä altarman churayanqan aytsapis aytsallam kaykan.
20
Tsaynö kaptinpis ïdulukunapä churayanqan aytsaqa manam Tayta Diospätsu, sinöqa supaykunapämi. Noqaqa manam munätsu supaykunapä kaqkunata mikuyänaykita.
21
Qamkunaqa Santa Cënachö vïnuta upur supaykunapä jichayanqan vïnutapis manam upuyankimantsu. Tsaynölla Santa Cënachö tantata mikurnin supaykunapä churayanqan mikuytapis manam mikuyankimantsu.
22
¿Tayta Diosta rabyanätsiytaku munaykäyanki? ¿Noqantsik paypita mas poderyuqku kantsik?
23
Munayanqaykita rurayänaykipä librina kayanqaykita nirpis manam llapantatsu rurayankiman. Tsaynöllam llapan rurayanqaykikunatsu wawqikuna y panikuna alli kawayänanpä yanapan.
24
Kikillantsik alli kawanantsikpäqa ama yarpachakushuntsu, sinöqa wakinkunapis alli kawayänanpä yarpachakushun.
25
Mercäduchö aytsata rantirqa ïdulukunapä pishtayanqanta o mana pishtayanqantapis mana tapukullar rantiyay. Rantirpis ama llakikuyaytsu.
26
Tayta Diospa palabranmi nin: «Tayta Diospam kay patsapis y kay patsachö kaqkunapis».
27
Tsaynölla Tayta Diosman mana yärakuq runa mikuyänaykipä qayatsiyäshuptiki mana tapukullar llapan qarashunqaykita mikuyay.
28
Peru pipis «tsay aytsataqa ïdulupämi churashqa» nishuptikiqa tsay willashuqnikita respitar ama mikuyaytsu.
29
Manam kikikikuna raykurtsu mana mikuyänaykipä nï, sinöqa willashuqniki runa llutanta mana yarpänanpämi. Tsaynö niptï capaz wakiki niyankiman: «Runakuna llutanta yarpäyaptillanqa ¿imanirtä aytsata mikümantsu?
30
Tayta Diosta agradëcikuskir mikuptïqa manam pipis manakaqman churayämanmantsu».
31
Tsaynö niyaptikipis noqam nï: Mikurpis, upurpis y imata rurarpis Tayta Dios alabashqa kananpä rurayanki.
32
Tsaynö kaykaptinqa Israel runa kaptinpis, mana Israel runa kaptinpis, Diosman criyikuq mayiki kaptinpis rurayanqaykita rikar Diosman criyikuyanqanta jaqiyänan kaptinqa tsay rurayanqaykita amana rurayankinatsu.
33
Noqapis manam kikilläpätsu alli kawayta munä, sinöqa llapanchöpis runa mayï alli kawayänanpä y tsaynöpa atskaq salvakuyänantam munä.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16