bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Corinthians 15
1 Corinthians 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Wawqikuna y panikuna, Jesucristupa willakuyninta willakunqäta yarpäyay. Willakunqäman criyikurmi Tayta Diosman criyikuykäyanki.
2
Tsay willakunqänö kawarqa salvakuyankim. Tsaynö mana kawarqa wallämi criyikuyanki.
3
Yachakunqallätam mas puntatapis qamkunata yachatsirqä. Tsay yachatsinqämi nin: Tayta Diospa palabranchö qellqashqa kanqannöllam jutsantsikpita perdonamänantsikpä Jesucristo wanurqan.
4
Y qellqashqa kanqannömi Jesucristo wanur pamparanqanpita kimsa junaqta kawamurqan.
5
Kawaskamurnam Cefasta yuripurqan. Tsaypitanam chunka ishkay apostolninkunata yuripurqan.
6
Tsaypitanam pitsqa pachak (500) wawqikuna y panikuna qorikashqa kaykäyaptin yuripurqan. Tsaynö yuripunqanta rikaq wawqikuna y panikuna juk ishkay wanukuyashqana kayaptinpis wakinqa kawaykäyanrämi.
7
Santiaguta yuripuskirnam wakin apostolninkunatapis yuripurqan.
8
Tsaypitarämi imayka shullu wamranö mana väliq kaykaptïpis noqata yuripamarqan.
9
Manarä yuripamaptinqa Tayta Diosman criyikuqkunata qatikacharmi usharqä. Tsaynö rurashqa karmi wakin apostolkunamanqa ichikllapis iwalätsu. Apóstol kanäpäpis manam välïtsu.
10
Peru tsaynö kaykarpis Tayta Dios kuyapämaptinmi apóstol kä. Wakin apostolkunapitapis masrä Jesucristupa willakuyninta willakurmi tantiyakü Tayta Dios allipä kuyapämanqanta. Imanö kaptinpis Tayta Dios yanapamaptinmi willakuykä.
11
Mayqäkuna willakurpis Jesucristupa willakuynintam willakuyä. Willakuyanqäta wiyarmi qamkunapis Jesucristuman criyikuyarquyki.
12
Jesucristo kawamunqanta willakuykäyaptïqa ¿imanirtä wakiki nikäyanki wanushqakuna mana kawayämunanpä kanqanta?
13
Wanushqakuna mana kawayämunanpä kaptinqa Jesucristupis manam kawamunmantsu karqan.
14
Mana kawamushqa kaptinqa wallällam willakuynintapis willaküman. Tsaynö kaptinqa Jesucristuman wallällam criyikuyankiman karqan.
15
Wanushqakuna mana kawayämunanpä kaptinqa Tayta Dios Jesucristuta kawatsimunqanta willakurpis llullakurmi puriyäman.
16
Wanushqakuna mana kawayämunanpä kaptinqa Jesucristupis manam kawamunmantsu karqan.
17
Y Jesucristo mana kawamushqa kaptinqa payman criyikuyanqaykipis manakaqllapämi kanman. Jutsa rurayanqaykipitapis manam perdonashqatsu kayankiman.
18
Tsaynö kaptinqa Jesucristuman criyikuykar wanuqkunapis wanuyanqallanchömi ushakäyanman.
19
Jesucristo kay vïdallachö yanapamänantsikpä kanqanta criyirqa llapan runapitapis mas kuyapaypämi kaykantsik.
20
Peru Jesucristo rasunpam wanunqanpita kawamushqa. Pay puntata kawamushqa kaptinmi musyantsik noqantsikpis kawamunantsikpä kanqanta.
21
Juk runalla jutsata ruranqanpita llapantsik wanunapä kanqantsiknöllam juk runalla kawamunqanpita llapantsikpis kawamunantsikpä kaykantsik.
22
Jutsata Adán ruranqanpitam llapantsik ushakäshun. Peru Jesucristo kawamunqanpitam sïqa llapantsik kawamushun.
23
Kawamurqa Tayta Dios permitinqannömi kawamushun. Puntataqa Jesucristutam Tayta Dios kawatsimushqa. Jesucristo kutimuptinrämi payman criyikuqkunata kawatsimunqa.
24
Tsaypitanam juiciu final kanqa. Tsaychönam Satanásta y llapan supaykunata Jesucristo ushakätsinqa. Tsaypitanam Tayta Diospa poderninman llapanta churanqa.
25
Contrankunata vincinqanyaqmi llapantapis Jesucristo poderninchö tsararanqa.
26
Vinciskirnam wanuytapis vincinqa.
27
Tayta Diospa palabranchömi Jesucristupä nin: «Paypa poderninmanmi llapantapis Tayta Dios churashqa». Paypa poderninman llapanta churanqanta nirpis manam kikin Tayta Dios poderninchö kanqantatsu nin. Tsaypa rantinqa Tayta Diosmi Jesucristupa poderninman llapanta churashqa.
28
Paypa poderninman llapantapis churashqana kaptinmi Tayta Diospa poderninman llapanta kutitsinqa. Tsaynöpam Tayta Dios llapan imaykatapis poderninchö tsaranqa.
29
Wawqikuna y panikuna, ¿imanirtä yarpäyanki wanushqakuna mana kawayämunanpä kanqanta? Wanushqakunata Tayta Dios mana kawatsimunanpä kaptinqa ¿imapätä wanushqakunapa jutinchö wakiki bautizakuyanki?
30
Tsaynölla wanushqakuna mana kawayämunanpä kaptinqa ¿imapätä wanuytapis mana mantsaypa willakur puriyäman?
31
Wawqikuna y panikuna, qoyay qoyaymi wanutsiyämayta munayan. Tsaynö kaptinpis Señor Jesucristuman criyikuyanqaykipitam kushikü.
32
Éfeso markachöpis chikiyämar mana alli ashmanömi wanutsiyämayta munayarqan. Wanushqakuna mana kawayämunanpä kaptinqa ¿imallapätä pasaypa chikishqa purïman? Tsaypa rantinqa kawanqantsikyaq mikushun y upushun. Wanukurqa pachantsiktam apashun.
33
Llutanta ama yarpäyaytsu: mana alli amïgukunaqa alli runakunatapis mana alli ruraykunamanmi inkitayan.
34
Shumaq tantiyakur jutsaykikunata dëjayay. Wakikiqa Tayta Diospa willakuyninta shumaq mana tantiyarmi penqakuypä kaykäyanki.
35
Wanushqakuna kawayämunanpä kanqanta mana criyirmi wakiki niyanki: «¿Imanöpanash wanushqakuna kawayämunman? Kawayämuptin ¿imanörä cuerpunkuna kanqa?»
36
Tsaynö yarparqa ¡upanömi kaykäyanki! Imatapis murur mana pampashqaqa manam jeqamuntsu.
37
Tsaynöllam yurantatsu muruntsik, sinöqa trïgu kaptinpis o mayqan tsaki mikuy kaptinpis murutam muruntsik.
38
Muruskiyaptinqa Tayta Diosmi wiñatsimun. Imaykaläya murutam Tayta Dios munanqannölla wiñatsimun.
39
Runapis, ashmapis, päriqpis y pescädupis imaykaläyam kayan.
40
Ciëluchö kaqkunapis manam kay patsachö kaqkunanötsu kayan.
41
Tsaynöllam rupaypis, killapis y qoyllurkunapis jukläya jukläya atsikyäyan.
42
Tsaynöllam runa wanunqanpita kawamuptin cuerpun mushuqna kanqa. Pampayanqan kaqqa ushakanqam. Peru kawamuq kaqmi sïqa ushakanqanatsu.
43
Pampayanqan kaqqa ismunqam. Peru kawamuq kaqmi sïqa kuyayllapä kanqa. Pampayanqan kaqqa illakanqam. Peru kawamuq kaqmi sïqa illakanqatsu.
44
Yurinqantsik cuerpuqa kay patsachö kawanallantsikpämi. Peru kawamuq cuerpum sïqa mushuq patsachö kawanantsikpä kanqa. Kay patsachö kawanantsikpä kaq cuerpupis kanmi y mushuq patsachö kawanantsikpä kaq cuerpupis kanqam.
45
Tayta Diospa palabranmi nin: «Punta kaq Adántam kawaq runa kananpä kamarqan». Peru qepa kaq Adántam sïqa kawatsikuq espíritu kananpä kawatsimushqa.
46
Manam mushuq patsachö kawanantsikpä kaq cuerputatsu puntata chaskintsik, sinöqa kay patsachö kawanantsikpä kaq cuerputam. Tsaypitam mushuq patsachö kawanantsikpä kaq cuerputaqa chaskintsik.
47
Punta kaq runaqa allpapitam karqan. Peru qepa kaq runa [Señor Jesucristum] sïqa ciëlupita kaykan.
48
Kay patsachö kawanantsikpä kaq cuerpuntsikqa allpapita rurashqa Adánpa cuerpunnöllam. Peru mushuq patsachö kawanantsikpä kaq cuerpuntsikmi sïqa ciëluchö taykaq Jesucristupa cuerpunnö kanqa.
49
Kananqa allpapita rurashqa Adán niraqllam kaykantsik. Tsaypitanam ciëluchö taykaq Jesucristunöna kashun.
50
Wawqikuna y panikuna, shumaq tantiyakuyay. Aytsantin tulluntinqa manam Tayta Diospa mandakuyninman pipis chanqatsu. Ushakaq cuerpuntsikqa manam mushuq patsachö kawanantsikpätsu, sinöqa kay patsachö kawanallantsikpämi.
51
Tayta Diosqa pitapis mana musyatsinqanta musyayänaykitam munä: Manam llapantsikrätsu wanushun. Peru llapantsiktam mushuq cuerputa Tayta Dios qaramäshun.
52
Mushuq cuerpuyuqqa illaqpitam tikrashun ultimu kaq cornëtata tukaskamuptin. Tsay junaqmi mana ushakaq mushuq cuerpuyuqna wanushqakuna kawayämunqa. Tsaynöllam noqantsik kawaykaqkunapis mushuq cuerpuyuq tikrashun.
53
Ushakaqlla kanqantsikpitam mana ushakaqna tikrashun. Wanukuqlla kanqantsikpitam mana wanuqna tikrashun.
54
Ushakaqlla cuerpuntsik mana ushakaqmanna tikraptinmi y wanukuqlla kanqantsikpita manana wanunantsikpäna tikrashqam Tayta Diospa palabran kaynö ninqan cumplinqa: «¡Wanuyqa vincishqanam kaykan!
55
Wanuy, ¡maychötä poderniki! Sepultüra, ¡maychötä mikukuq kanqayki!»
56
Jutsantsikpitam wanuy ushakätsimantsik. Jutsapis Tayta Diospa leyninkunapitarämi ishkitsimänantsikpä poderninta chaskin.
57
Peru tsaynö kaptinpis Señor Jesucristuta kawatsimurmi Tayta Dios wanuypita salvamantsik. Tsaypita imaypis payta agradëcikushun.
58
Tsaynö kaykaptinqa, kuyay wawqikuna y panikuna, mana qelanaypa y mana ajayaypa Señor Jesucristuta imaypis sirviyay. Musyayanqaykinöpis payta sirviyanqayki manam manakaqllapätsu kaykan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16