bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Corinthians 12
1 Corinthians 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Wawqikuna y panikuna, Espíritu Santu habilidäta qaramanqantsikpämi musyatsiyta munä.
2
Musyayanqaykinöpis Jesucristuman manarä criyikur mana tantiyakurmi ïdulukunata adorar kawayarqayki.
3
Tsaymi shumaq tantiyayänaykita munä. Espíritu Santuta chaskishqa kaykarqa manam pipis «Jesucristo maldicionädu katsun» nintsu. Tsaynöllam Espíritu Santuta manarä chaskirqa «Jesucristo Señornïmi» niyta puëdintsu.
4
Espíritu Santupita juknö juknö habilidäta chaskishqapis payqa jukllayllam kaykan.
5
Tsaynöllam Señor Jesucristuta juknö juknö sirvishqapis payqa jukllaylla kaykan.
6
Yanapamaqnintsik Tayta Diosta sirvinqantsik juknö juknö kaptinpis payqa jukllayllam kaykan.
7
Cada ünuntsikmi Espíritu Santupita habilidäta chaskintsik juknintsik juknintsikpis yanapanakunantsikpä.
8
Wakintsikmi habilidäta chaskintsik shumaq tantiyaskir wakinta tantiyatsinantsikpä. Wakintsikmi habilidäta chaskintsik yachakuskir wakintapis yachatsinantsikpä.
9
Wakintsikmi habilidäta chaskintsik Tayta Diosman shumaq yärakunantsikpä. Wakintsikmi habilidäta chaskintsik qeshyaqkunata allïtsinantsikpä.
10
Wakintsikmi habilidäta chaskintsik milagrukunata ruranantsikpä. Wakintsikmi habilidäta chaskintsik Tayta Diospa willakuyninta willakunantsikpä. Wakintsikmi habilidäta chaskintsik pipis llutanta o rasun kaqta yachaykätsinqanta tantiyakunantsikpä. Wakintsikmi habilidäta chaskintsik mana yachanqantsik idiömakunachö parlanantsikpä. Wakintsiknam habilidäta chaskintsik tsay parlayanqanta runakunata tantiyatsinantsikpä.
11
Juknö juknö habilidäta chaskishqapis Espíritu Santuqa jukllayllam. Paymi kikin munanqannö cada ünuntsikta habilidäta qaramantsik.
12
Cuerpuntsikchö umantsik, rikrantsik y chankantsik kaptinpis juk cuerpullam kantsik. Tsaynöllam noqantsikpis Jesucristuwan juk cuerpulla kantsik.
13
Tsaymi Israel runa kashqapis y mana Israel runa kashqapis, esclävu kashqapis y mana esclävu kashqapis bautizakushqa llapantsikta Espíritu Santu churamarquntsik paypa cuerpun kanantsikpä. Tsay cuerpulla kashqam llapantsikta Tayta Dios Espíritu Santuta qaramarquntsik.
14
Cuerpuqa manam umallatsu ni rikrallatsu ni chankallatsu, sinöqa atska partirämi kaykan.
15
Chakipis «mana maki karqa manam cuerpupatsu kä» nirpis manam cuerpupitaqa yarquntsu.
16
Tsaynöllam rinripis «mana ñawi karqa manam cuerpupatsu kä» nirpis manam cuerpupitaqa yarquntsu.
17
Cuerpuntsik ñawilla kaptinqa ¿imawanrä wiyashwan? Tsaynölla cuerpuntsik rinrilla kaptinqa ¿imawanrä mushkuytapis mayashwan?
18
Peru Tayta Diosmi cuerpuntsikkunachö cada partikunata kamashqa pay munanqannölla kananpä.
19
Entëru cuerpuchö juk partilla kaptinqa manam cuerputsu kanman.
20
Tsaymi atska parti karpis rasunpaqa juk cuerpulla kaykan.
21
Manam ñawintsikpis makintsikta ninmantsu: «Manam qamta nisitätsu». Umantsikpis chakintsikta manam ninmantsu: «Manam qamta nisitätsu».
22
Tsaypa rantinmi cuerpuntsikchö mas pishi töpay kaq partikunata mas nisitantsik.
23
Cuerpuntsikchö mana rikatsikunqantsik partikunatapis ¿manaku röpawan shumaq tsapantsik?
24
Alayri rikakaq partikunataqa manam tsapantsiktsu. Cuerpuntsikchö mana rikatsikunantsikpä kaq partikunata tsaynö mas cuidanantsikpämi Tayta Dios kamashqa.
25
Tsaynö kamashqa kaptinmi cuerpuntsikchö kaq partikuna chikinakuyantsu, sinöqa juknin jukninpis yanapanakuyanmi.
26
Cuerpuntsikchö juk parti nanaptinqa llapan cuerpuntsikmi llakikun. Cuerpuntsikchö juk parti alli rikashqa kaptinqa llapan partim kushikuyan.
27
Qamkunaqa Jesucristupa cuerpunmi kayanki. Cada ünuykikunam tsaychö juk parti kayanki.
28
Tsaymi iglesiachö Tayta Dios puntata churashqa apostolkuna kayänanpä, tsaypita profëtakuna kayänanpä y tsaypita yachatsiqkuna kayänanpä. Tsaynöllam wakinta churashqa milagrukunata rurayänanpä, wakinta churashqa qeshyaqkunata allïtsiyänanpä, wakinta churashqa muchuqkunata yanapayänanpä, wakinta churashqa imatapis alli ruraq kayänanpä y wakintanam churashqa mana tantiyayanqan idiömakunachö parlayänanpä.
29
Manam llapantsu apóstol, ni profëta ni yachatsikuq kayan. Manam llapantsu milagrukunata rurayan,
30
ni qeshyaqkunata allïtsiyan ni mana yachayanqan idiömakunachö parlayan. Tsay idiömakunachö parlayanqantapis manam llapantsu tantiyatsiyan.
31
Tsaynö kaykaptinqa Tayta Diospita mas alli habilidäta chaskiyänaykipä yarpachakuyay. Kananmi mas alli kaqta tantiyatsiyäshayki.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16