bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Corinthians 7
1 Corinthians 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Kanan tantiyatsiyäshayki cartakayämunqaykichö tapuyämanqaykita. Allim kanman warmiwan runa mana kakuptin.
2
Peru tsaynö kaptinpis jukwan jukwan mana kakuyänanpä cada ünu warmiyuq y runayuq kayätsun.
3
Runanta warmin cuerpunta ama michätsuntsu. Tsaynölla warminta runanpis cuerpunta ama michätsuntsu.
4
Warmipa cuerpun manam kikinpanatsu, sinöqa runanpanam. Y runanpa cuerpunpis manam kikinpanatsu, sinöqa warminpanam.
5
Tsaynö kaykaptinqa cuerpuykikunata ama michänakuyaytsu. Wakinkunaqa warminwan willanakuyan Tayta Diosta mañakuyänan junaqkuna mana tinkukäyänanpämi. Tsaynö willanakurqa willanakuyanqayki junaqyaqlla shuyni kakuyanki. Peru willanakuyanqayki junaq cumpliskiptin sïqa yapay tinkukäyanki. Tsaynö mana kayaptikiqa Satanásmi mayqaykitapis jutsaman ishkitsiyäshunki.
6
Manam warmikiwan kakuyänaykita michartsu nï, sinöqa wakinkuna tsaynö rurayta munayaptinmi.
7
Noqapa yarpaynïpitaqa mas allim kanman llapaykipis noqanö kikillaykikuna kayaptiki. Peru imanö kaptinpis Tayta Diosmi permitin wakinkuna warmiyuq kayänanpä y wakinkuna warmiynaq kayänanpä.
8
Warmiynaqkunata, runaynaqkunata y viüdakunatam noqa yätsï noqanö japallankuna kakuyänanpä.
9
Warmiynaq o runaynaq täkuyta mana puëdirqa warmin o runan ashikuyätsun. Jukwan jukwan kakuyänanpa rantinqa mas allim kanman warmiyuq o runayuq kayaptin.
10
Warmiyuqkunata y runayuqkunatam Señor Jesucristo nirqan runanpita warmi mana rakikänanpä.
11
Tsaymi runanpita rakikarqa mana runäkullar täkutsun. Runayuq kayta munarqa runanwan amishtatsun. Tsaynölla runapis warminpita ama rakikätsuntsu.
12
Mayqan wawqipa warminpis rakikayta mana munaptinqa Jesucristuman mana criyikuptinpis warminpita ama rakikätsuntsu. Tsaypita Señor Jesucristo mana yachatsishqa kaptinpis mana rakikänanpämi tsaynö nï.
13
Tsaynölla mayqan panipa runanpis rakikayta mana munaptinqa Jesucristuman mana criyikuptinpis runanpita ama rakikätsuntsu.
14
Ama yarpäyaytsu Jesucristuman majayki mana yärakuq kaptin paywan täyanqayki mana alli kanqanta. Jesucristuman warmi criyikuptinqa runanwan täyanqan allim. Tsaynöllam Jesucristuman runa criyikuptin warminwan täyanqan alli kaykan. Tsaynö mana kaptinqa wamrankunata Tayta Dios manam yanapanmantsu. Peru wamrankunata kuyaparmi Tayta Dios yanapaykan.
15
Jesucristuman mana criyikuq warmi o runa rakikayta munarqa rakikäkutsun. Rakikaptinqa majan librinam kaykan. Tayta Dios manam munantsu majayuqkuna mana alli kawayänanta.
16
Wawqikuna, tantiyakuyay. Mana rakikaptikiqa capazchi warmiki tantiyakur salvakunqa. Panikuna, qamkunapis tantiyakuyay. Mana rakikaptikiqa capazchi runayki tantiyakur salvakunqa.
17
Salvayäshunaykipä Tayta Dios qayayäshuptikiqa señalakushqa o mana señalakushqa karpis, esclävu o libri karpis Tayta Diosta sirviyay. Tsaytam maytsaychöpis wawqikunata y panikunata tantiyaykätsï.
18
Cuerpuykikuna señalakushqata qayayäshuptikiqa señalakushqalla kakuyay. Cuerpuykikuna mana señalakushqata qayayäshuptikiqa ama señalakuyaytsu.
19
Señalakushqa kayanqayki y mana señalakushqa kayanqaykipis Tayta Diospä iwalllam kaykan. Payqa munan imanö karpis mandamientunkunata cäsur kawayänaykitam.
20
Salvayäshunaykipä Tayta Dios qayayäshuptiki señalakushqa o mana señalakushqa kayanqaykinölla kakuyay.
21
Esclävu kaykaqta qayayäshuptikipis ama llakikuyaytsu. Tsaynö kaptinpis esclävu kaykäyanqaykipita pillapis jipiyäshuptiki allim kanman.
22
Jesucristo raykur Tayta Dios qayayäshuptikim esclävu kashqa karpis Jesucristuman criyikur librinöna kaykäyanki. Tsaynöllam Tayta Dios qayayäshuptiki libri kashqa karpis Jesucristuta sirviyänaykipä paypa esclävun kaykäyanki.
23
Tayta Diosmi salvayäshurniki rantiyäshurquyki. Tsaynö kaykaptinqa señalakuyänaykipä niyäshuptiki o esclävu kayanqaykipita yarqukuyänaykipä niyäshuptiki ama cäsuyaytsu. Cäsurqa paykunapa esclävunnömi kayanki.
24
Wawqikuna y panikuna, tsaynö kaykaptinqa señalakushqa o mana señalakushqa karpis, esclävu o libri karpis Tayta Diosta sirviyay.
25
Kananqa kikillan kaqkunapä willayäshayki. Paykunapäqa Señor Jesucristo manam imatapis parlakushqatsu. Tsaynö kaptinpis Tayta Dios kuyapämar yachayta qaraykämaptinqa yätsinqäkunata chaskikuyänaykim.
26
Kanan witsan alläpa ñakaykuna kaptin noqapa tantiyaynïpitaqa majaynaq kaqkunaqa kikillan täkuyätsun.
27
Majayuq karqa majaykipita ama rakikäyaytsu. Kikillayki karqa warmita ama ashiyaytsu.
28
Tsaynö kaptinpis warmita ashir manam jutsatatsu rurayanki. Tsaynöllam jipashpis majäkurqa jutsatatsu ruran. Peru majayuq karqa kanan witsan alläpa ñakaykuna kaptinmi masrä ñakayanqa. Tsaynö kananta manam munätsu.
29
Wawqikuna y panikuna, kay patsa ushakänanpä wallkallanam pishin. Tsaynö kaykaptinqa majayuq karpis kikillan kayanqannö kawayätsun.
30
Llakishqa karpis mana llakishqa kaykaqnö kawayätsun. Kushishqa karpis mana kushishqa kaykaqnö kawayätsun. Imata rantirpis tsaykunaman ama yärakuyätsuntsu.
31
Imaykayuq karpis tsaykunaman ama yarparätsuntsu. Kay rikaykanqantsik patsaqa ushakänanpänam kaykan.
32
Manam munätsu yarpachakur kawayänaykita. Warmiynaqkunaqa Señor Jesucristo munanqanta rurayänanpämi mas yarpachakuyan.
33
Peru warmiyuqkunam sïqa warminwan alli kawayänanpä mas yarpachakuyan.
34
Tsaynö karqa warminta alli rikayänanpä y Jesucristuta sirviyänanpämi yarpachakuyan. Tsaynöllam viüdakunapis y jipashkunapis Señor Jesucristo munanqannö llapanchöpis santu kawayänanpä yarpachakuyan. Peru runayuq warmikunam sïqa runanwan alli kawayänanpä mas yarpachakuyan.
35
Tsayta nï manam majayuq kayänaykita michartsu, sinöqa majayuq kayänaykipä o majaynaq kayänaykipäpis shumaq yarpachakuyänaykita munarmi. Tsaynöllam munaykä shumaq kawar Señor Jesucristuta llapan shonquykikunawan sirviyänaykita.
36
Pï runapa warmi tsurinpis runayuq kananpä edäninchöna kaptinqa y runayuq kayta munaptinqa churayätsun. Churarqa manam jutsatatsu rurayan.
37
Tsaynö kaptinpis churayta mana munarqa ama churatsuntsu. Peru manam pipis churananpä o mana churananpäpis obliganmantsu.
38
Tsaymi tsurinta churar allita rurayan. Tsaynö kaptinpis mana churarqa mas allitam rurayan.
39
Runayuq warmi runan kawanqanyaqqa [ley ninqannölla] runallanwanmi täyanman. Peru runan wanuskiptinmi sïqa jukwan tänanpä librina kaykan. Tsaynö kaptinpis Jesucristuman mana criyikuq runawanqa ama täranmantsu.
40
Tänanpä libri kaptinpis noqapa yarpaynïpitaqa viüda mananam runäkunmannatsu. Tsaynö nï noqapis Espíritu Santuta chaskikushqa karmi.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16