bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Hebrews 10
Hebrews 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Moisés qellqanqan leykunaqa manam mushuq pactunötsu, sinöqa mushuq pactupa llantuyninnöllam. Tsaymi tsay leykuna ninqannö wata wata ashmakunata altarchö rupatsiyaptinpis runakunapa shonqunkunaqa Tayta Dios munanqannötsu karqan.
2
Shonqunkuna Dios munanqannö kaptinqa jutsankunata dëjar manam ashmakunata altarchö rupatsiyanmannatsu.
3
Wata wata ashmakunata rupatsirpis jutsa rurayanqanta masmi yarparäyan.
4
Chïvukunapa y törukunapa yawarninqa manam pipa jutsantapis mayllantsu.
5
Tsaymi kay patsaman Jesucristo shamur Tayta Diosta nirqan: «Sacrificiukunawan y tsaki mikuy ofrendakunawan manam contentakunkitsu. Manam tsaykunata apamunäta munankitsu, sinöqa llapan shonqüwan qamta cäsunätam munanki.
6
Rupatsina sacrificiukunapis y purificatsina sacrificiukunapis manam gustuykipätsu.
7
Tsaymi nirqä: «Tayta Dios, munanqaykita ruranäpä listum kaykä. Cäsunäpämi rölluchö qellqashqa kaykan».
8
Tsaymi puntata nirqan tsaki mikuykunata, rupatsina sacrificiuta, purificatsina sacrificiuta y wakin sacrificiukunatapis Tayta Dios mana munanqanta ni gustunpä mana kanqanta. Tsay sacrificiukunata rurananpä Moisés qellqanqan leykunachö nikaptinpis tsaynömi nirqan.
9
Tsaypitanam nirqan Tayta Dios munanqanta rurananpä shamunqanta. Tsaymi tsay sacrificiukunaqa välinnatsu. Tsaypa rantinqa
10
Jesucristum Tayta Dios munanqanta rurar sacrificiupä noqantsik raykur juk kutilla wanurqan. Tsaynöpam perdonashqana kar Tayta Diospa puntanchö jutsaynaqna kaykantsik.
11
Israel sacerdötikunaqa qoyay qoyaymi ashmakunata altarchö rupatsiyan. Tsaynö rupatsiyaptinpis manam tsaykunawantsu runakunata Tayta Dios perdonan.
12
Peru Jesucristum sïqa jutsantsikkunapita perdonamänantsikpä juk kutilla wanurqan. Kananqa Tayta Diospa derëcha lädunchömi jamaykan.
13
Tsaychö kanqa llapan contrankunata poderninman Tayta Dios churanqanyaqmi.
14
Jesucristo juk kutilla wanuptinmi akranqan runakuna imayyaqpis salvashqa kayänanpä Tayta Dios perdonarqan.
15
Tsaynö kanqantam Espíritu Santupis nin:
16
«Tsay junaqkuna päsaskiptinmi paykunawan pactuta rurashä. Tsaynö rurarmi leynïkunata shonqunkunaman churashä. Yarpayninkunamanmi leynïkunata qellqashä. Noqa Tayta Diosmi tsaynö nï.
17
Paykuna ima jutsata rurayanqantapis manam yarpäshänatsu».
18
Tsaymi jutsantsikpita perdonamänantsikpä ima sacrificiutapis Tayta Dios nisitannatsu.
19
Wawqikuna y panikuna, Jesucristo yawarninta jichanqanpitam ciëluchö Lugar Santïsimuman mana mantsaypa yaykushun.
20
Noqantsik raykur wanurmi mushuq nänita kichapämarquntsik Lugar Santïsimuta tsaparaq cortïnata päsar yaykunantsikpä.
21
Tayta Diospa wayinchö Jesucristo mandaq sacerdöti kaptinmi
22
llapan shonquntsikwan payman criyir puntanman yaykushun. Jutsantsikkunata perdonamashqam shonquntsikpis mayllashqana kaykan. Bautizakushqam cuerpuntsikpis tsuya yakuwanna mayllashqa kaykan.
23
Tayta Dios llapan awnimanqantsikta imaypis cumplinqanta musyaykarqa criyikuynintsikta mana jaqir Jesucristuman imaypis yärakushun.
24
Kuyanakunantsikpä y allikunata ruranantsikpä juknintsik juknintsik valuratsinakushun.
25
Wakin wawqikuna y panikuna qorikayta qelanäyaptinpis noqantsikqa ama qelanäshuntsu. Jesucristo kutimunanpäna kanqanta musyaykarqa valuratsinakunantsikpä imaypis qorikäshun.
26
Pipis Jesucristuman criyikushqa kaykar jutsanta mana dëjaptinqa Tayta Dios manam perdonanqanatsu. Jesucristo noqantsik raykur wanushqa kaptinpis manam salvanqatsu.
27
Tsaypa rantinmi juiciu finalchö lunyaypa lunyaykaq nina paykunata shuyaraykan. Tsay ninaqa Tayta Diospa contrankunatam llapanta ushakätsinqa.
28
Moisés qellqanqan leykunata mana cäsuq kaqtaqa ishkaq o kimsaq runa shimpiptinmi mana kuyapaypa wanutsiyaq.
29
Tsaynö kaykaptinqa ¿manatsurä mas peor castigashqa kayanqa Jesucristuman criyikushqa kaykar willakuyninta mana cäsuqkuna? Paykunaqa kikin Tayta Diospa Tsurintam manakaqman churaykäyan. Mushuq pactuta rurar salvamänantsikpä jichanqan yawartapis mana väliqtanömi rikayan. Kuyapämaqnintsik Espíritu Santutapis pasaypam rabyanätsiyan.
30
Musyantsikmi tsaynö kaqkunapä Tayta Dios rabyar ninqanta: «Llutanta rurayanqanpitam kikï juzgashä. Jutsata rurayanqanmanmi castigashä». Yapaymi nirqan: «Akranqan runakunatam Tayta Dios juzganqa».
31
Imayyaqpis kawaq Tayta Dios juzgashuptikiqa pasaypa mantsaypämi kanqa.
32
Ama qonqäyaytsu Jesucristuman criyikuyanqayki witsan pasaypa ñakashqa karpis mana dëjaypa criyikuyanqaykita.
33
Wakikiqa llapan runa rikaymi ashllir ushashqa y maqar ushashqa kayarquyki. Wakikiqa maqashqa y ashllishqa wawqikunatam yanapar valuratsiyarquyki.
34
Tsaynöllam carcelchö kaykaq criyikuqkunatapis kuyapar yanapayarquyki. Imaykikunata apayaptinpis mana llakikuypam dëjayarquyki. Tsaynö dëjayarquyki ciëluchö mana ushakaq herenciata chaskiyänaykipä kanqanta musyarmi.
35
Kananpis tsaynölla Tayta Diosman mana ajayaypa yärakuyay. Tsaynö kawarmi alli premiuta chaskiyanki.
36
Imanö ñakarpis Tayta Dios munanqannö kawarqa pay awniyäshunqaykitam chaskiyanki.
37
Tayta Diospa palabranmi nin: «Salvador shamunanpä höra chaykämunnam.
38
Munanqänö kawaq runaqa noqaman yärakamurmi kawanqa. Peru criyikuyninta jaqiqkunatam sïqa rikaytapis munätsu».
39
Noqantsikqa manam criyikuyninta jaqiqkunanö infiernuman qaykushqa kanantsikpätsu kantsik, sinöqa Jesucristuman yärakur salvashqa kanantsikpämi.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13