bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Hebrews 3
Hebrews 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
1
Wawqikuna y panikuna, gloriaman chäyänaykipä Tayta Dios qayaykäyäshuptikiqa criyikunqantsik Jesucristo pï kanqantapis shumaq tantiyakuyay. Paymi apostolnintsik y mandaq sacerdötintsik kaykan.
2
Tayta Diospa wayinta rikar Moisés cumplinqannömi Jesucristupis llapanta cumplirqan.
3
Musyanqantsiknöpis wayi kuyayllapä kaptin manam wayitatsu alabantsik, sinöqa wayi ruraqtam. Tsaynöllam Moiséstatsu alabantsik, sinöqa Jesucristutam.
4
Wayipis runa shäritsiptinrämi kan. Tsaynöllam Tayta Dios kamaptinrä llapanpis kan.
5
Tayta Diospa wayinta Moisés alli rikarpis sirviqnöllam karqan. Tsaynö karmi shamuq watakunachö Tayta Dios tantiyatsimänantsikpä kaqkunata qellqarqan.
6
Peru Jesucristum sïqa Tayta Diospa Tsurin kar wayipa duëñun kaykan. Payman criyikur ninqankunata imaypis cumplirqa noqantsikmi paypa wayin kantsik.
7
Tsaymi Espíritu Santu ninqanta shumaq tantiyakuyay. Paymi nin: «Tayta Dios ninqanta kanan junaq wiyaykarqa
8
desiertuchö pruëba kaptin unay castaykikuna chukru shonqu kayanqannö ama kayaytsu.
9
Tsaychömi chusku chunka (40) wata yanapanqäta rikaykarpis paykunaqa munayanqanta ruratsimayta munayarqan.
10
Tsaymi pasaypa rabyar nirqä: «Kay runakunaqa oqrakashqanömi kayan. Yätsinqätapis manam cäsukuyantsu».
11
Tsaynö rabyarmi jurar nirqä: «Paykunaqa awninqä jamayman manam yaykuyanqatsu».
12
Wawqikuna y panikuna, cuidädutä qamkunapis chukru shonqu y mana yärakuq kar imayyaqpis kawaq Tayta Diospita witikuyankiman.
13
Tsaypa rantinqa qoyay qoyay jukniki juknikipis valuratsinakuyay Tayta Dios munanqannö kawayänaykipä. Tsaynöpam jutsa ruray mana engañashuptiki shonquykikuna chukruyanqatsu.
14
Wanunqantsikyaq Tayta Diosman criyikur pay munanqannö kawarmi Jesucristo herenciata chaskinqannö noqantsikpis herenciata chaskishun.
15
Tayta Diospa palabranmi nin: «Tayta Dios ninqanta kanan junaq wiyaykarqa unay castaykikuna chukru shonqu kayanqannö ama kayaytsu».
16
Tantiyakuyay. ¿Pikunatä Tayta Dios ninqanta wiyaykarpis contran shäriyarqan? ¿Manaku paykuna Egiptupita Moisés jipimunqan Israel runakuna kayarqan?
17
¿Pikunatä chusku chunka (40) wata Tayta Diosta rabyanätsiyarqan? ¿Manaku paykuna desiertuchö Tayta Dios ushakätsinqan jutsa ruraq runakuna kayarqan?
18
¿Pikunatatä Tayta Dios jurar nirqan awninqan jamayman mana yaykuyänanpä? ¿Manaku payta mana cäsuq runakuna kayarqan?
19
Paykunaqa mana criyiyanqanpitam yaykuyarqantsu.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
All chapters:
1
2
3
4
5
6
7
8
9
10
11
12
13