bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Hebrews 11
Hebrews 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Tayta Diosman yärakurmi musyantsik pay awnimanqantsikkunata cumplinanpä kanqanta. Tsaymi awnimanqantsikkunata manarä rikarpis chaskinantsikpä shuyaraykantsik.
2
Tayta Diosman yärakuq unay runakunapis Dios munanqannömi kawayarqan.
3
Tayta Diosman yärakurqa kay patsatapis ciëlutapis pay ninqallanwan kamanqantam tantiyantsik. Llapan rikanqantsiktapis mana kaqpitam kamarqan.
4
Abelpis Tayta Diosman yärakurmi wawqin Caínpita mas allin kaq sacrificiuta Tayta Diospä rupatsirqan. Abel rupatsinqanta chaskirmi Tayta Dios musyatsirqan alli runa kanqanta. Abel unayna ushakashqa kaykaptinpis ruranqantam kananyaqpis yarpantsik.
5
Enoctapis Tayta Diosman yärakuptinmi kawaykaqta Tayta Dios pushakurqan. Tayta Diospa palabranchömi nin Tayta Dios munanqannö Enoc kawanqanta.
6
Tayta Diosman mana yärakurqa manam imanöpapis pay munanqannö kawashuntsu. Tayta Diosman yärakunapäqa pay kanqanta criyishun. Tsaynölla criyishun payta ashiqkunata yanapanqanta.
7
Noépis Tayta Diosman yärakurmi arcata rurarqan diluviupita tsurinkunawan y llumtsuyninkunawan salvakuyänanpä. Diluviu kananpä kanqanta Tayta Dios willaptinmi diluviuta manarä rikarpis arcata rurarqan. Tsaymi mana criyikuq runakunata Tayta Dios ushakätsirpis Noéta salvar jutsaynaqta chaskirqan.
8
Abrahampis Tayta Diosman yärakurmi markanta dëjaskir Tayta Dios entregananpä kaq nacionman aywakurqan. Tsaymi may nacionman chänanpä kanqantapis mana musyaykar Tayta Dios ninqannö aywakurqan.
9
Tayta Dios awninqan nacionman charpis payman yärakurmi toldukunallachö jäpa runanölla täkurqan. Abrahamtanö Tayta Dios awniptinmi Isaacpis y Jacobpis tsaynölla täyarqan.
10
Abraham tsaynö täkurqan Tayta Dios shäritsinqan mana ushakaq markaman chänanpä kanqanta musyarmi.
11
Sarapis Tayta Diosman yärakurmi chakwanyanqanyaq qolluq kaykarpis qeshyaq rikakurqan. Payqa Tayta Dios awninqanta cumplinanpä kanqantam criyirqan.
12
Tsaynöpam Abraham pasaypa rukuna kaykaptinpis tsurin yurirqan. Tsaypitanam paypa tsurin y tsurinpita miraqkunapis jatun nación kanqanyaq mirayarqan. Paykunam yupaytapis mana atipaypä qoyllurnörä y lamar kuchunchö arënanörä atskaq kayan.
13
Tayta Dios awninqanta manarä chaskirpis Abraham, Sara, Isaac y Jacob payman yärakuykällarmi wanuyarqan. Manarä chaskirpis Tayta Dios cumpliykaqta rikarmi kushikuyarqan. Paykunaqa kay patsachö qorpanölla kayanqantam tantiyayarqan.
14
Tsaynö tantiyarmi ciëluchö kaykaq markaman aywakuyänanpä shuyaräyarqan.
15
Paykunaqa unay täyanqan markaman kutiyta manam yarpäyarqantsu. Markanpä llakirqa imaykanöpapis kutiyanmanmi karqan.
16
Markanpä llakiyänanpa rantinqa ciëluchö kaykaq mas alli kaq markapämi yarpäyarqan. Tsaymi paykunapa Diosnin kayta Tayta Dios penqakuntsu. Tsay markataqa alistashqallatanam paykunapä shuyaraykätsin.
17
Abrahampis Tayta Diosman yärakurmi japallan tsurin Isaacta altarchö rupatsinanpä Tayta Dios niptin rupatsinanpä pusharqan.
18
Tsaynö pusharqan Isaacpita atskaman mirananpä Tayta Dios awnishqa kaykaptinmi.
19
Tsaymi yarparqan wanutsiptinpis Isaacta kawatsimunanpä kanqanta. Rasunpa kawamushqatanömi Abraham payta chaskirqan.
20
Isaacpis Tayta Diosman yärakurmi Jacobta y Esaúta bendisarqan.
21
Jacobpis Tayta Diosman yärakurmi Josépa tsurinkunata bendisarqan. Wanunanpäna kaykar bendisarmi tukrunman tukmakuykur Tayta Diosta adorarqan.
22
Josépis Tayta Diosman yärakurmi Israel mayinkunata willarqan Egiptupita yarquyänanpä kanqanta. Wanunanpäna kanqanta musyarmi paykunata nirqan: «Kaypita aywakur tullükunatapis apakurkur aywakuyanki».
23
Moiséspa mamanpis papäninpis Tayta Diosman yärakurmi Faraón mandanqanta cäsuyarqantsu. Tsaymi Moisés yuriptin kuyayllapä kanqanta rikaykur kimsa killantin pakarätsiyarqan.
24
Moiséspis Tayta Diosman yärakurmi jövinyaskirqa Faraónpa warmi tsurinpa wamran kayta munarqantsu.
25
Tsaymi Faraónpa wayinchö jutsata rurar kawananpa rantin Israel mayinkunawan ñakar kawarqan.
26
Tayta Diospita premiuta chaskinanpä kanqanta musyarmi Egiptuchö rïcu kayta munarqantsu, sinöqa Cristo raykur ñakanqan mas alli kanqantam tantiyarqan.
27
Tayta Diosman Moisés yärakurmi Faraónta mana mantsaypa Tayta Diosta rikaykaqnö Egiptupita aywakurqan.
28
Tayta Diosman yärakurmi Israel runakunata nirqan Pascua fiestata rurar punkupa marcunkunata yawarwan llushiyänanpä. Tsaynö llushitsirqan wanutsikuq ángel yawarta rikar Israel runakunapa wayinkunachö mayor tsurinkunata mana wanutsinanpämi.
29
Israel runakunapis Tayta Diosman yärakurmi Puka Lamar tsakishqallata päsayarqan. Peru Egipto runakunam sïqa qepanta yaykuyanqanchö shenqaypa wanuyarqan.
30
Tayta Diosman yärakur Israel runakuna Jericó markata qanchis junaq tumapaykäyaptinmi murällanpis juchurqan.
31
Prostitüta Rahabpis Tayta Diosman yärakurmi rikapakuq Israel runakunata kushishqa chaskirqan. Tsaynöpam mana cäsuq runakuna ushakäyaptinpis payqa ushakarqantsu.
32
Tayta Diosman yärakuqkunaqa maspis kayanrämi. Peru tiempum kantsu Gedeónpä, Baracpä, Sansónpä, Jeftépä, Davidpä, Samuelpä y profëtakunapä willakunäpä.
33
Tayta Diosman yärakurmi wakinqa nacionkunata vinciyarqan, wakinqa runakunata alli juzgayarqan y wakinnam Tayta Dios awninqanta chaskiyarqan. Wakintaqa leonkunapis manam mikuyarqantsu.
34
Wakintaqa ninapis manam ruparqantsu. Wakinnam espädawan wanutsiyänanpä kaykaptinpis qeshpiyarqan. Kallpaynaqkunapis valurayänanpämi Tayta Dios yanaparqan. Tsaymi juk nacionpita shamuq soldädukunatapis Tayta Diosman yärakur vinciyarqan.
35
Tsaynöllam Tayta Diosman yärakuq warmikunapis rikayarqan wanushqa sutaraykaq wamrankuna kawayämunqanta. Wakintanam ñakatsiypa wanutsiyarqan. Tayta Diosta ñëgatsiyänan raykur ñakatsiyaptinpis Tayta Dios kawatsimunanpä kanqanta musyarmi ñëgayarqantsu.
36
Tsaynöllam wakinpis ñakayarqan runakuna ashlliyaptin, castigayaptin y carcelman wichqayaptin.
37
Wakintam saqmaypa wanutsiyarqan. Wakintam serruchuwan roquypa wanutsiyarqan. Wakintanam espädawan wanutsiyarqan. Wakinnam pasaypa pobri kar üsha qaratsallapita y cabra qarallapita röpankuna jatishqa marka marka chikishqa puriyarqan.
38
Runakuna chikiyaptinmi desiertukunapa y tsunyaq raqrakunapa purir machaykunaman pakakuyaq. Tayta Diosman mana yärakuqkunaqa manam mayqanpis paykunanö alli kayarqantsu.
39
Yärakuyanqanpita Tayta Dios paykunata alli rikaptinpis kay patsachö manam mayqanpis Tayta Dios awninqanta chaskiyarqantsu.
40
Tsaypa rantinqa mas alli kaqta chaskiyänantam Tayta Dios munarqan. Tsaynöpam paykunapis y noqantsikpis awninqan salvacionta iwal chaskishun.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13