Song of Solomon 6

Romani Baltic Latin (Biblija - Pe Baltitko Romani čib (Romanes) 2019)

← Chapter 5 Jump to: Chapter 7 →

1Karik da gijá tyró piramnó, tu, kon san naj šukaredyr maškír džuvliende? Dre saví rig risijá tyró piramnó, sob (kaj) ame te rodas Les túsa?

2Miro piramnó gijá telé dre péskiri únta, ke betki [cvietniki-r.s.] pripravenca, te čaliakirelpe dre unty (sady) i te kedel lilii.

3Me som jekh miré piramnéskiri, i miro piramnó isyn jekh miro: jov čaravela péskiri stada maškír lilii.

4Tu san šukár syr Tarza (Firca), tu san gožo-šukár syr Jerusalimo, tu san trašany syr xaladybena (polki) sciagenca!

5Rískir krig péskire jakhá mándyr, pal-dová so jone léna upralypén pe mánde, tyré balá isyn syr buznorengiri (kozengiri) stády, savé džana telé Galaadóskire navuče bergicatyr.

6Tyré dandore isyn syr bakrorengiri stada, saví akaná javdiá moribnastyr, kažno léndyr bijanéla blizniaten, i nijékh léndyr isyn na jalovo.

7Tyré čhamore isyn syr pašorja (koterore) granatytkone phabendyr, so isyn tel dlengo dykhlo.

8Isyn šovdešá kralicy, i ohtodešá bisovlahakire džuvliá, i isyn but patyvalé čhaja, so naštý te gines:

9ne tu, míri golúmbica, san mirí jekhori, mirí naj fededýr, tu san jekhori péskire date, tyrí daj, kon bijandiá tut, otdéla iló butýr túke. Saré patyvalé džuvliá dykhné la, i jone khardé tut bahtaliasa.

10Kon ža isyn joi, saví ziainela syr zlóko (ránko), saví isyn šukarni syr čhon, jasno syr kham, isyn trašany syr xaladybena sciagenca?

11Me gijom telé dre peĥengéngiri únta (sado), te dykháv čarjá pir dólo, te dykháv, ci rozmekciape vinagrado (drakh), ci granatytka phabelynia luludine.

12Angíl davá, syr me ĥalyjom, miro di čhudiá man dre baré-rangire maribnýtka vurdená miré narodóstyr.

13Risjov, risjov, Sulamítie, risjóv, risjóv, sob (kaj) ame moginasas te dykhas pe túte.

14[7.1-r.s.] Sóske tuménge isyn pir iló te dykhén pe mánde, syr pe duiá-riadéngiro (Manaimoskire/haladytko) khelyben.

← Chapter 5 Jump to: Chapter 7 →