Song of Solomon 8

Romani Baltic Latin (Biblija - Pe Baltitko Romani čib (Romanes) 2019)

← Chapter 7 Jump to:

1O, sob (kaj) tu te javes miré pšalesa, konéske mirí daj te del kolýn te p'jel! Kóli me lathavas tut pe vulíca (pe gása), to me čamudavas tut, i nikón na dykhélas pe mánde vučipnása.

2Me lydžavas tut, i me janavas tut dro kher miré-dákiro. Tu sykliakiresas man, a me paniakiravas tut sokósa (xumésa) granatytkone phabendyr.

3Léskiro zérvo (liévo) vast isyn tel miro šeró, a čačó (pravo) vast oblela man.

4Me zasovlahava tumen, čhajale Jerusalimóskire, na džangaven i na pharjakiren iló piramniáke (kamliake), paka joj džangadjola kokori.

5Kon davá džála upré čhučé phuvjátyr, i kon davá pririkirelape pal péskire piramneste? Me džangadyjom tut tel phabelin. Odój tyrí daj bijandiá tut. Odój tyrí rodno daj bijandiá tut.

6Pričhúv man pe tyró iló syr čergenorí, syr angrusty pe tyró vast, pal-dová so piramnipén (kamlypen) isyn zoraló syr meribén: piramnipén zevlynela syr maĥila (kula); lákire maribnýtka bustiá (striély) isyn syr jagitka bustiá, syr jag, saví na murdjola.

7Baré paniá naštý te murdiakirel piramnipén, i réki (leniá) na začhuvena les. Kóli te del o manúš saró péskiro barvalypén pal piramnipén, to davá prilenas by jov bangé ilésa.

8Aménde isyn phen, i láte nane kolynore; so aménge te kerás amaré pheniasa, syr javéna te svatynen la?

9Kóli joj te javél vantasa (scianasa), to ame kerasas komory (xaromy) rupuvé; kóli te javél joj vudaresa, to ame obsyvasa les kiedrytkone phalienca.

10Me som vánta, i miré ciucia isyn sýrby vučardia (bašni); pal-davá me javáva dre léskire jakhá syr dasaví, kon lathiá ramánjo (miro).

11Solomonoste sys vinagradýtko únta (sado) dro Vaal-Gamono: joj otdyjá daja únta rakhibnar'jenge; kažno isyn bangó te janel pal dalé barjakirdé (plódy) bar rupuvé lové.

12Ne mirí vinagradýtko únta isyn pašýl mánde. Túke, o Solomóne, mek te javél bar (tysjonco), a duj šelá odolénge, savé rakhena barjakirdé (plódy).

13Tu, kon dživéla dre únta! Tyré malá kandéna tyrí zan (glos), mek i man te šunav tyrí zan.

14Naš, piramne míro; jav syr mirga (sierna) ci jav syr ternó šyngunó (olienjo) pe bérgi bal'zamitka!

← Chapter 7 Jump to: