bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Deuteronomy 23
Deuteronomy 23
Romani Sinte 2024 (O Debleskro Lab 2024 (Sinte-Manouche))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
Kek morsh hounte lell peskro dadeskri romyat oun anell yaake ladj ap peskro dadeste.
2
I morsh, kay yaake činlo oun doukedo hi ap peskro mass, te hi lo bouder kek morsh, savo morsh nay vell gar kote, kay o baro Debleskre menshe khetne venna.
3
Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.
4
Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.
5
Yon van gar pash t'mende mareha oun panyeha, har hans ap drom dran o them Egiptia. Oun yon playsran love o morsheske Bileam, koleskro dad o Beor his, dran o foro Petor an o them Mesopotamia, te rakrell lo bibarht pral t'mende vin.
6
T'maro baro Devel kamas gar ap o Bileam te shounell. Yob kamas t'men o djiyestar. Doleske kras lo, te rakras o Bileam i barht pral t'mende vin, oun kek bibarht.
7
Ma rodenn koy pal, te djal kol menshenge mishto an i themma Moab oun Ammon, oun te venn le bravelo.
8
I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.
9
I čave lengre čavengre čavendar, kolla nay venn kote t'mentsa khetne, kay o baro Debleskre menshe khetne venna.
10
Te djan t'mer vin, te kourenn t'men kolentsa, kay kamenn t'men gar an pengro them, palle denn t'men yak, te krenn koy platsa gar pale-čiddo, kay čivenn t'mare plarhtene khera pre.
11
Te djas i lourdeske mank t'mende čomone an i rat, oun yob vell yaake pale-čiddo, hounte djal lo vin glan i platsa oun ačell kote o tselo dives.
12
Ap i rati nay thovell lo pes. Oun har o kham tele djas, vell lo pale nay ap t'mari platsa.
13
Glan koy platsa, kay t'mare plarhtene khera tardo hi, rodenn i vavar platsa vin, kay nay djan t'mer ap i rig.
14
Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.
15
T'maro baro Devel djal t'mentsa oun hi mashkral t'mende ap i platsa, te vell lo t'menge ap i rig, oun te krell lo t'men zorleder har kol vavar, kolentsa kourenn t'men. Doleske hounte vell t'mari platsa djoudjo. Kek vi-ladjedo koova te vell mank t'mende diklo, te djal lo gar peske t'mendar.
16
I pandlo boudepaskro, kay peskro rayestar krik nashas oun pash t'mende vell, koles denn t'mer gar an o vast peskro rayestar pale.
17
Yob nay djivell pash t'mende an i foro t'mendar, hoy yob peske vin rodell, kote kay les an peskre yaka mishto hi. Oun t'mer rikrenn les gar i zoryah tele.
18
Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.
19
Kol love, hoy save menshe lenna, hounte anell kek an o kheer t'maro baro Deblestar, te playsrell lo kolentsa i sovel, hoy lo das. Save love hi djoungeles glan o baro Debleskre yaka.
20
Te patsal love tiro phrales, less tou kek love boudeder ap kol love, hoy tou les patsal, vitar gar pash rhapen oun vavar koova, hoy yek nay patsell. Tou less kova pale, hoy tou les dal, oun gar boudeder.
21
Yekestar, kay hi dran i vavar them, nay leh tou boudeder, har tou leske patsal, tiro phralestar less tou gar boudeder. Palle nay dell tout tiro baro Devel barht an halauter, hoy tou an-tapreh an ko them, an koleste t'mer venn, te lenn les t'menge dren.
22
Te dal tou tout sovel glan tiro baro Debleste, palle ma mouk touke kek tsiro, te playsress kova ninna. Tiro baro Devel dikell koy pre, te deh tou kova leste. Te deh les gar, aneh tou doosh ap toute.
23
Te deh tou tout gar sovel, palle hi ninna kek doosh ap toute.
24
Te kamal tou tout sovel te dell glan tiro baro Debleste, hounte rikress tou ninna, hoy penal, oun kress les yaake har tou vin rakral.
25
Te veh tou an i molyakro them, hoy i vavares hi, palle nay rhah tou yaake boud drake, har tou kameh, bis te čales hal. An i piri čivess tou kek drake khetne.
26
Te veh tou ap i harhetikri phoub i vavarestar, palle nay leh ko djob tiro vasteha tele. O djobeskro čouryeha činess tou kek djob tele, te aness les khere.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34