bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Deuteronomy 25
Deuteronomy 25
Romani Sinte 2024 (O Debleskro Lab 2024 (Sinte-Manouche))
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 26 →
1
Te vell i čingepen mashkral morsha pre, oun yon glan čačepangre morshende stakrenn, oun o čačepen vell vin kerdo, palle vell pral koleste, kay an o čačepen his, glan halauterende vin rakedo, te hi yob an o čačepen. Oun pral koleste, koles doosh his, vell glan halauterende vin rakedo, te hi les doosh.
2
Oun te his leskri doosh yaake, te hounte lell lo dava, palle penell o čačepaskro morsh, te čivell lo pes tele, oun moukell les yaake boud dava te dell glan leskre yaka, kitse dava hounte lell lo koy doshake.
3
Star-deesh dava nay moukell lo les te dell, oun kek dap boudeder. Te moukals lo leske boudeder dava te dell, nay dikans i vavar tele ap leste.
4
Te stakrell tiro gouroum o djob vin, pandess tou leske gar o mouy, te nay rhal lo gar!
5
Te djivenn phrala khetne, oun yek lendar merella, oun koles his kek morsh čave, palle hounte djal leskro phraal pash leskri romyate oun romedinerell lat, oun kek vavar morsh.
6
Oun ko ersto čavo, koles yoy ap i phoub anell, kharell har ko phraal, kay meras, yaake te merell koleskro lab gar vin an Israel.
7
Te kamell ko phraal koy djouvyat gar te romedinerell, palle djal li pash i phoureder morshende an o foro, oun penell ap lende: O phraal miro romestar, kay meras, kamell man gar te romedinerell, yaake te merell o lab miro romestar an i Israel gar vin.
8
Palle denn i phoureder ko forestar les gole oun rakrenn leha. Oun yob te penell pale Me kamau gar te romedinerap lat,
9
palle stakrell koy djouvel glan leste, oun glan i yaka kol phoureder morshendar rivell li leske yek kirrha vin. Oun čoungrell leske an o mouy, oun penell: “Yaake hounte vell kerdo ko morsheske, kay kamell gar peskro phraleste i čaves te dell.”
10
Oun leskro kheer kharell an Israel o kheer o pirkeneskro morshestar.
11
Te čingrenn pen morsha khetne, oun i romni ko yekestar vell pashel, te lell li peskro romes dran o vast kolestar, kay les dell. Oun yoy taprell peskro vasteha mashkral i herya ko vavar morshestar,
12
palle vell lake ko vast tele dino. Yoy hounte khaytell t'men gar.
13
Te bikreh čomone, ma čip i tikneder bar ap i vaga, har te gineh čomone! Te gineh čomone, ma čip i bareder bar ap i vaga!
14
Te kameh te dikell, har boud čomone hi, hounte less gar i tikneder piri pash o bikepen, oun i bareder piri pash o ginepen.
15
Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.
16
O baro Debleske hi menshe, kay rhorhepen krenn, djoungeles.
17
Ma bistrenn, hoy i Amalekarya t'men kran, har hans ap o drom vin dran o them Egiptia.
18
Har hans khino ap o drom, djan le ap t'mende pre, oun dan kolen moulo, kay pale ačan, oun kek zoor bouder an lende his. Kol Amalekarya rikran penge gar o Debles glan i yaka.
19
Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34