Hosea 10

Shilluk DC Bible © Bible Society in South Sudan, 2011

← Chapter 9 Jump to: Chapter 11 →

1Isrɑil nɑ oløg me lɑ̈be med, o nywøle gïïr. Kɑ̀ cyeg jɑmme kidøøj nyi døøg-ɑ be gyer ki këlli lɑmmi jwögg mø pɑth, kɑ nyii pëddø ki ruugi löjji jwögge.

2Pëthi gen pɑ̈ng yi wëënyø, cɑ́yi orøøg gen pɑ̈dh-ɑ kömi gen ceth. Këlli lɑmmi gen kɑ̈jj-ɑ kwɑ̈jji gen ki jwögg-ɑ pɑth, ócøør piny yi Jwøng-ɑ Ácwɑ̈ɑ̈j kɑ ngïjji gen tørre.

3Ge ókööbø cyee kinni, “Yï wøn bong rɑ̈dh, mɑ́ wø pɑ böggi Jwøk. O cɑgg wø di bëëd yï wøn dɑ rɑ̈dh cøn, ɑ́ ngø ɑ di gwøge kiper wøn?”

4Ge nyi wɑ̈dh-ɑ köngø yøw ki köngi pyed. Lebbi gen pɑ nyi mïdhi yi gen. Ge rïïj ge peej-ɑ ri gen bur ge gøøny-ɑ ri gen. Ge rijjø nɑ mødø, lum-ɑ nyi nɑ̈g pwödhø e rumø ki purø.

5Tyëng Sɑmɑriyɑ̀ óywöngi geki jɑggi gen keny-ɑ ókɑ̈ɑ̈l rønyi gen kì Bet Aben, kɑ ngïjje tørri yi rɑ̈ɑ̈dh Acuur. Óbong ɑwøøw medi pëëth, Isrɑil wïje ólɑ̈ɑ̈y kì bɑng kɑ ɑ́ngɑ̈dhe rønyɑni.

7Rɑ̈nh-ɑ bëëdø kì Sɑmɑriyɑ̀ ókøøl Acuur geki jie, ni kenyi kwølli pɑ̈di yɑdh yi thew.

8Wɑ̈thi ótøng møg-ɑ di kengi Aben, kun-ɑ kwɑjji jwögg-ɑ pɑth ki dyër yi tyëng Isrɑil, ócøør piny bënn. Koodh geki lum óceg ì dut kì wɑ̈thi këlli lɑmmi gen. Kɑ kïttì köbbi yi gen kinni “Kɑnu wøn!” Kɑ ótøng köbbi yi gen kinni, “Kumu wøn!”

9Jwøng-ɑ Ácwɑ̈ɑ̈j okööbø kinni, “Wu tyëng Isrɑil, wu nuti wïyø ki orøg, këër orøng-ɑ ɑ́gwøg wun kì Gibeɑ̀, wu ɑ́cög kinøw, wu pɑ dwöög köörɑ. Tyëngorøg nuti nɑ̈gø yi liny ki Gibeɑ̀?

10Tyëngorøg møgɑni ócɑy yi yɑn kì bøli keny-ɑ ódwɑddɑ en, kömi gen ópɑ̈ɑ̈r yi jurrì møøgø, kɑ ge cɑy kipe orøng-ɑ dwøng men-ɑ ɑ́gwøg yi gen, ge ókɑ̈l gɑ ɑtwöj.

11“Eprɑim bɑ nyɑ wɑdh me mɑɑr gwøng-ɑ yöd yøw. De ɑcebø cïbɑ’ mune, mun-ɑ rɑw èn, døøg-ɑ be gwøg ki gwøng teg. Eprɑim ɑ gwej pwödhø, o Yeudiyɑ̀ pure pwönhɑni! Yɑgob ɑ ódwøgii!

12Pɑ̈ggi wun ri wun ki pwödh kidøøj, kɑj wun gïg-ɑ nywøl yi mɑ̈ɑ̈dø men-ɑ dyër. Pur wun ki pur-ɑ dyër, mɑ́ men bene bøli kej kwɑjji Jwøng-ɑ Ácwɑ̈ɑ̈j. Gïti keny-ɑ óbëëne, o wu pwönye ki kwøbb-ɑ tir.

13Wu ɑ́kɑ̈g-ɑ rɑ̈jø, kɑ wu kɑj-ɑ wëënyø. Wu ócɑm-ɑ gïg-ɑ nywøl yi wëënyø. “Mɑ́ wu ɑ́gɑ̈nn-ɑ yɑ̈thi liny geki yɑy-ɑ dwøng kì yï wun,

14Kömi jii wun óbëën yi liny, kɑ dörri wun cøør piny. Óbëëd e nɑ cyɑ̈ng-ɑ ɑ́nɑ̈ɑ̈g kɑɑl Bet Arbel yi Rɑ̈dh Cɑlmɑn, ɑ ɑ́nɑ̈ɑ̈g othønhø geki mëëg gen.

15Bene gïn-ɑ ógöggi yïn ɑnɑn, yïn ɑ Betiil, kipe orøgí, orøng-ɑ pëddi rɑ̈jø. Rɑ̈ɑ̈dh Isrɑil ónɑ̈g kì ri tuumi liny ceth.”

← Chapter 9 Jump to: Chapter 11 →

Recommended Reading

Commentary Hosea Commentaries → Devotional Hosea Devotional Guide → Get This Bible Shilluk DC Bible © Bible Society in South Sudan, Study Bible →