bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shilluk
/
Shilluk DC Bible © Bible Society in South Sudan, 2011
/
Nehemiah 10
Nehemiah 10
Shilluk DC Bible © Bible Society in South Sudan, 2011
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Tyëng-ɑ ɑ́kwøng nyingi gen ki gwedø bɑ, jɑgø Nëmɑyɑ̀ wɑ̈d Akɑliyɑ̀, kí Dhedekiyɑ̀. Ji møg thyew nyingi gen ɑ́gwed gen:
2
Serɑiyɑ̀, Adhɑriyɑ̀, Jermɑyɑ̀, Pɑcur, Amɑriyɑ̀, Mɑlkiyɑ̀, Atuc, Cebɑniyɑ̀, Mɑluk, Arïm, Meremöth, Obɑdiyɑ̀, Dɑniel, Ginethön, Bɑruk, Meculɑm, Abiyɑ̀, Miyɑmïn, Mɑɑdhiyɑ̀, Bilgɑy, Cemɑiyɑ̀.
3
Jöcwø wɑ̈d Adhɑniyɑ̀, Binuy kì gøl Ënɑdɑd, Kɑdmiel, Cebɑniyɑ̀, Ödiyɑ̀ Kelitɑ̀, Pelɑiyɑ̀, Aɑnɑn, Miikɑ̀, Reköb, Acɑbiyɑ̀ Dhɑkur, Cerebiyɑ̀, Cebɑniyɑ̀ Ödiyɑ̀, Bɑnì, kí Beninu.
4
Jɑggi tyëng Isrɑil: Pɑröc, Pɑkɑth Moɑb, Elɑm, Dhɑtu, Bɑnì. Bunì, Adhgɑd, Bebɑy, Adöniyɑ̀, Bigbɑy, Adïn, Ater, Kedhekiyɑ̀, Adhur, Ödiyɑ̀, Acum, Bedhɑy, Arïp, Anɑthöth, Nebɑy. Mɑgpiɑc, Meculɑm, Kedhïr, Mecedhɑbel, Dhɑdök, Yɑduɑ̀, Pelɑtiyɑ̀, Aɑnɑn, Anɑiyɑ̀. Öciyɑ̀, Anɑniyɑ̀, Acub, Alöec, Pilkɑ̀, Cöbek, Reum, Acɑbnɑ̀, Mɑɑseiyɑ̀, Akiyɑ̀, Aɑnɑn, Anɑn, Mɑluk, Arïm, kí Bɑnɑ̀.
5
Wø tyëng Isrɑil, kí ókwër, kí Kwɑrri Leebì, kí tyëng-ɑ kor dhøggi döri kɑɑl, kí tyëng-ɑ kor Kengø, kí tyëng-ɑ nyi wör kì Kengø, kí tyëng-ɑ göögø kì Kengø, kí tyëng-ɑ mïdhi Ciggi Jwøk; wøn ɑ tyëng-ɑ ɑ́lɑ̈ɑ̈w ri wøn ki tyëngpɑth møg-ɑ bëëdø kì piny wøn, kí mɑ̈nni wøn, geki nyigi wøn bënn, møg-ɑ ɑ́døngi, ɑ cuggi ki lïngø, dhøggi wøn bënn èn:
6
wø ɑ́köngi kinni Ciggi Jwøk ómïdhi yi wøn, gen ɑ cigg-ɑ ɑ́mëggí Mosɑ̀ bɑ̈ngí, o gïg-ɑ nyi kwøb yi Jwøng-ɑ Ácwɑ̈ɑ̈j, Jwøøg wøn, kí kwönge ógwøg yi wøn, geki gïg-ɑ dwɑddi yi en bënn.
7
Ri wøn koo nywøm yi wøn ki tyëngpɑth møg-ɑ bëëdø kì piny wøn.
8
Keløg tyëngpɑth ókɑ̈nø ki byel wɑlɑ̀ gïjø me ngew yi wøn cyɑ̈ɑ̈ng Sɑbɑth, wɑlɑ̀ kì cyɑ̈ɑ̈ng kwër megø, ge pɑ ngew yi wøn kì yï gen. Piny koo pur yi wøn kì bïryeew runn, o körri wøn bënn møg-ɑ cwɑggi ji, ówiy yi wøn.
9
Wø ómuujø ki ngyëny ɑ́tegg ɑ́bïj møg-ɑ bɑ ɑcïb gɑ gwɑ̈ɑ̈j Kengø kì yij run.
10
Wø ókïdhi Kengø ki ópuun kwër, kí byëlø, kí gëdhh-ɑ nyi ngɑl yethi cyɑ̈ng, geki cyɑ̈nggi Sɑbɑth, kí cɑ̈gi dwɑ̈y, kí cyɑ̈nggi kwër møg-ɑ kyeelø. Wø ómuujø thyew ki gëdhh-ɑ kyeelø bënn geki gëdhhi orøg, kí gïg-ɑ ódwɑddi kipe Kengø.
11
Wø ólëngø ki wél kì kelli ókwër, kí Kwɑrri Leebì, kí ji bënn kipe kwɑnyi tyëng-ɑ nyi kɑ̈ni ød Jwøng-ɑ Ácwɑ̈ɑ̈j, Jwøgee ki yugg, e leng ɑ́ wɑ̈thi kɑ̈llì kì runï kí runï, ni kɑ ógwedii kì yethi Cigg.
12
Wø ókïdhi yij Kengø ki mwölli gïg-ɑ cyeg kì piny wøn, kí mwölli nywøli yenh kì yethi runn bënn.
13
Wɑ̈ddi wøn møg-ɑ bɑ kɑyyì bënn, kí kɑyyi dhögi wøn geki dyëgi wøn møg-ɑ nywøl gɑ cwøw, ge ómuuj wøn ókwër-ɑ göögø kì ød Jwøgee ni kɑ ógwedii kì yethi Cigg.
14
Kì yij run, wø ómuujø ki ɑwɑɑj byell-ɑ kwøng ki kɑjø kì yethi pwödhhi wøn, kí møgi oløg, kí møøw dhetun, kí nywøli yenh, gïgɑni bënn ómuuj wøn ókwër kì ød Jwøgee. Kwɑrri Leebì ómuuj ki ɑ́kyeel pyɑ̈rri jɑmm-ɑ cyeg kì yethi pwödh,
15
O ókwër, møg-ɑ bɑ kwɑrri Aɑron, bëëd ge nud keny-ɑ óthyeer ɑ́kyeel pyɑ̈r yi Kwɑrri Leebì, orum gen ki cungø kì yï teedø, codhe, o ge kïdhi kɑ̈nni Kengø.
16
Jɑmm-ɑ ógwɑj; ɑ løg byel, kí møgi oløg, kí møøw dhetun ókïdh-ɑ yethi udd-ɑ nyi mïdhi jɑmmì yi tyëng Isrɑil geki Kwɑrri Leebì, kì keny-ɑ nyi di jɑmmi thɑl mø Kengø, kí keny-ɑ nyi bëëd yi ókwërr-ɑ göögø, kí jøg-ɑ kor Kengø, kí jøwör. Ød Jwøøg wøn pɑ cuggi wøyø yi wøn.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13