1 Corinthians 10

Shan

← Chapter 9 Jump to: Chapter 11 →

1ပီႈၼွင်ႉၶဝ်ဢိူၺ်း၊ ၵဝ်ဢမ်ႇမီးဢလူဝ်ႇၶႂ်ႈႁႂ်ႈသူဢမ်ႇမၢတ်ႈဢမ်ႇတွင်းလွင်ႈဢၼ်ပူႇမွၼ်ႇႁဝ်း ၵႃႈမီးတင်းသဵင်ႈတင်းလူင်မီးၵႃႈတႂ်ႈမွၵ်ႇၵုမ်ႈလႄႈ ပႆၵႂႃႇၵႃႈၼႂ်းၵၢင်ပၢင်ႇလၢႆႇ၊-

2လွင်ႈဢၼ်ၶဝ်ၶၢမ်ႇ ပပ်ႉတီႉၸမ်ႇ ၵႃႈတီႈ မူဝ်းသေႇ ၵႃႈၼႂ်းမွၵ်ႇၵုမ်ႈတင်းပၢင်ႇလၢႆႇ၊-

3လွင်ႈဢၼ်ၶဝ်ၵိၼ်တၢင်းၵိၼ်ဝီႉၺိၺ်ႇလူၺ်ႈၵၼ်၊ လွင်ႈဢၼ်ၶဝ်ၵိၼ်ၼမ်ႉဝီႉၺိၺ်ႇလူၺ်ႈၵၼ်ၸိူဝ်းၼၼ်ႉလႄႈယူႇ။-

4ၶဝ်ၼၼ်ႉၵိၼ်ၼမ်ႉဢၼ်ဢွၵ်ႇၵႃႈၼႂ်းမၢၵ်ႇႁိၼ်ဝီႉၺိၺ်ႇ ဢၼ်ၸွမ်းၽၢႆႇလင်ၶဝ်ၼၼ်ႉဢေႃႈ။ မၢၵ်ႇႁိၼ်ၼၼ်ႉၸမ်ႉ၊ ပဵၼ်ၸဝ်ႈၶရိၸ်ႈဢေႃႈ။-

5ၵူၺ်းၵႃႈၼႂ်းၶဝ်ၼၼ်ႉၵူၼ်းၼမ်ၼႃႇဢမ်ႇထုၵ်ႇၸႂ်ၽြႃးပဵၼ်ၸဝ်ႈ၊ ၶဝ်ၼၼ်ႉႁွတ်ႈထိုင်တၢင်းဢၼ်လူႉလႅဝ်ႁၢႆလၢႆၼႂ်းထိူၼ်ႇဢေႃႈ။-

6ၼင်ႇႁိုဝ်ႁဝ်းတၵ်းဢမ်ႇၸပ်းဢမ်ႇၸွႆးဢၼ်ဢမ်ႇလီဢမ်ႇငၢမ်း မိူၼ်ၸိူဝ်ႉၼင်ႇဢၼ်ၶဝ်ၸႂ်ၸပ်းၸႂ်ၸွႆးၼၼ်ႉၸိုင် လွင်ႈတၢင်းၸိူဝ်းၼၼ်ႉပဵၼ်ပုင်ႇသၢၵ်ႈသေႇပုၼ်ႈႁဝ်းဢေႃႈ။-

7ယႃႇပေၵူဝ်းၵႂၢႆႇရုၵ်ႈထူႉမိူၼ်ၸိူဝ်ႉၼင်ႇဢၼ်ၶဝ်ၵမ်ႈၽွင်ႈၵူဝ်းၵႂၢႆႇၼၼ်ႉ။ ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်ႉ၊ ၵူၼ်းတင်းလၢႆဢွၼ်ၵၼ်ၼင်ႈယူႇႁႂ်ႈလႆႈၵိၼ်လႆႈၶူပ်းဢေႃႈ။ လိုၼ်းၼၼ်ႉဢွၼ်ၵၼ်လုၵ်ႉႁႂ်ႈလႆႈၵႃႈလႆႈဝႅၼ်ဢေႃႈ၊ ဝႃႈၼင်ႇၼႆဢေႃႈ။-

8ယင်းဢမ်ႇႁဵတ်းမေႇထုင်ႇဢၼ်ဢမ်ႇတြႃး မိူၼ်ၸိူဝ်ႉၼင်ႇဢၼ်ၶဝ်ၵမ်ႈၽွင်ႈႁဵတ်းလႄႈၼႂ်းဝၼ်းၼိုင်ႈၵူၺ်းၵူၼ်းသွင်မိုၼ်ႇပၢႆသၢမ်ႁဵင်လူမ်ႉတၢႆၼၼ်ႉလႄႈ ဢွၼ်ၵၼ်ဝႄႈပႅတ်ႈတႃႉႁဝ်း။-

9ယင်းဢမ်ႇႁဵတ်းတၢင်းဢၼ်ၸၢမ်းတူၺ်းယႃႉယူၵ်ႉၸဝ်ႈၶရိၸ်ႈမိူၼ်ၸိူဝ်ႉၼင်ႇဢၼ် ၶဝ်ၵမ်ႈၽွင်ႈႁဵတ်းတၢင်းဢၼ်ၸၢမ်းတူၺ်းယႃႉယူၵ်ႉ လႄႈႁွတ်ႈထိုင်တၢင်းလူႉတၢင်းလႅဝ်လူၺ်ႈငူးၼၼ်ႉလႄႈဢွၼ်ၵၼ်ယူႇတႃႉႁဝ်း။-

10ယႃႇပေပွင်ႉလႃႇပွင်ႉဝႃႈမိူၼ်ၸိူဝ်ႉၼင်ႇဢၼ် ၶဝ်ၵမ်ႈၽွင်ႈပွင်ႉလႃႇပွင်ႉဝႃႈလႄႈႁွတ်ႈထိုင်တၢင်းလူႉတၢင်းလႅဝ် ၵႃႈၼႂ်းမိုဝ်းၵေႃႉဢၼ်ယႃႉပႅတ်ႈၼၼ်ႉ။-

11လွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉႁွတ်ႈထိုင်တီႈၶဝ်ၼၼ်ႉ ႁႂ်ႈလႆႈပဵၼ်ပုင်ႇသၢၵ်ႈသေႇဝႆႉဢေႃႈ။ တႅမ်ႈဝႆႉၼႂ်းၵျၢမ်းလိၵ်ႈႁႂ်ႈလႆႈပဵၼ်ပုၼ်ႈဢၼ်တၵ်းသင်ႇသွၼ်ႁဝ်းၸိုင် ဢၼ်ပဵၼ်မႃးၼႂ်းတီႈသုတ်းၵၢပ်ႈၵႃႇလႃႉၸိူဝ်းၼႆႉဢေႃႈ။-

12ပိူဝ်ႈၼႆလႄႈ ၼင်ႇႁိုဝ်ၵေႃႉဢၼ်ထၢင်ႇဝႃႈမၼ်းတႄႇၼိမ်ယူႇၼၼ်ႉ၊ တၵ်းဢမ်ႇလႆႈလူမ်ႉၸိုင် ႁႂ်ႈမၼ်းႁဵတ်းသတီႉတႃႉ။-

13သူလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉဢၼ်ၸၢင်ႈပဵၼ်တီႈၵူၼ်းၵူၺ်းၼၼ်ႉယဝ်ႉဢေႃႈ။ ၽြႃးပဵၼ်ၸဝ်ႈပိူဝ်ႈဢၼ်ပျေႉၸုမ်ႇတင်းသဵတ်ႈၸႃႇလႄႈ ဢမ်ႇပၼ်ဢၶႂၢင်ႉႁႂ်ႈသူလႆႈႁွတ်ႈထိုင်တၢင်းဢၼ် ၸၢမ်းတူၺ်းယႃႉယူၵ်ႉ ဢၼ်သူဢမ်ႇၶၢမ်ႇလႆႈၼၼ်ႉ၊ ၼင်ႇႁိုဝ်သူတၵ်းၶၢမ်ႇလႆႈၸိုင် မၼ်းၸဝ်ႈတၵ်းမႄးႁဵတ်းသဵၼ်ႈတၢင်းဢၼ်ဢွၵ်ႇၵႂႃႇလႆႈၼၼ်ႉ ဢိၵ်ႇလူၺ်ႈၵၼ်တင်းတၢင်းဢၼ်ၸၢမ်းတူၺ်းယႃႉယူၵ်ႉၼၼ်ႉဝႆႉဢေႃႈ။

14ပိူဝ်ႈၼႆလႄႈၵေႃႉဢၼ်ၵဝ်ႁၵ်ႉၶဝ်ဢိူၺ်း၊ ဝႄႈပႅတ်ႈတၢင်းဢၼ်ၵူဝ်းၵႂၢႆႇရုၵ်ႈထူႉတႃႉ။-

15ၵဝ်မၢတ်ႈသူပဵၼ်ၸိူဝ်ႉၼင်ႇၵူၼ်းဢၼ်မီးပိင်ႇၺႃႇလႄႈလၢတ်ႈဢေႃႈ။ ၶႆႈၸႂ်တူၺ်းၵႂၢမ်းၵဝ်လႄႈၸီႇယၢင်ႇတႃႉ။-

16ၵွၵ်းမင်ႇၵလႃႇတၢင်းဢၼ်ႁဝ်းယွင်ႈယေႃးၵျေးၸူးၸဝ်ႈၼၼ်ႉၸမ်ႉ၊ ပဵၼ်တၢင်းဢၼ်သိူၵ်ႈသမ်ႇၵၼ်တင်းလိူတ်ႈၸဝ်ႈၶရိၸ်ႈဢမ်ႇၸႂ်ႈႁိုဝ်။ ၶဝ်ႈမုၼ်းႁူၺ်ႇၼိုင်ႈဢၼ်ႁဝ်းဝိတ်းၼၼ်ႉၸမ်ႉ၊ ပဵၼ်တၢင်းဢၼ်သိူၵ်ႈသမ်ႇၵၼ်တင်းတူဝ်ၸဝ်ႈၶရိၸ်ႈဢမ်ႇၸႂ်ႈႁိုဝ်။-

17ပိူဝ်ႈဢၼ်ႁဝ်းၵႃႈမီးသိူၵ်ႈသမ်ႇၶၢမ်ႇဢဝ်ၶဝ်ႈမုၼ်းႁူၺ်ႇၼိုင်ႈၼၼ်ႉလႄႈႁဝ်းဢၼ်ၼမ်ၼႃႇပဵၼ်ၶဝ်ႈမုၼ်းႁူၺ်ႇလဵဝ်၊ ပဵၼ်တူဝ်ဢၼ်လဵဝ်ၵၼ်ဢေႃႈ။

18တူၺ်းၶဝ်ၸိူဝ်းဢၼ်ၸွမ်းၼင်ႇၸႃႇတီႉလႄႈ ပဵၼ်ၸိူဝ်ႉၶိူဝ်း ဢီႉသရေႇလႃႉ ၼၼ်ႉတႃႉ။ ၶဝ်ၸိူဝ်းဢၼ်ၵိၼ်တူဝ်ယိတ်ႈၼၼ်ႉ ပဵၼ်ၵေႃႉဢၼ်သိူၵ်ႈသမ်ႇၵၼ်တင်းယိတ်ႈပလၢင်ႇဢမ်ႇၸႂ်ႈႁိုဝ်။-

19မိူဝ်ႈဢၼ်ဝႃႈၸိူဝ်ႉၼင်ႇၼႆၼၼ်ႉၸိုင်၊ ၵဝ်ၶႂ်ႈဝႃႈၸိူဝ်ႉၼင်ႇႁိုဝ်။ ၵဝ်ၶႂ်ႈဝႃႈရုၵ်ႈထူႉၸမ်ႉ၊ မီးတီႈလီမၢတ်ႈဢေႃႈ။ တူဝ်ယိတ်ႈဢၼ်ပုၵ်ႈၸေႃႇၵႃႈတီႈၽၢႆႇၼႃႈရုၵ်ႈထူႉၸမ်ႉ၊ မီးတီႈလီမၢတ်ႈဢေႃႈ၊ ဝႃႈၼင်ႇၼႆႁိုဝ်။-

20ၵဝ်ဢမ်ႇၶႂ်ႈဝႃႈၸိူဝ်ႉၼင်ႇၼၼ်။ ယိတ်ႈဢၼ်ၶဝ်ပုၵ်ႈၸေႃႇၼၼ်ႉ၊ ၶဝ်ပုၵ်ႈၸေႃႇတီႈၽြႃးပဵၼ်ၸဝ်ႈဢမ်ႇၸႂ်ႈ။ ပုၵ်ႈၸေႃႇတီႈၽီႁၢႆႉဢေႃႈ။ ၵဝ်ဢမ်ႇမီးဢလူဝ်ႇၶႂ်ႈႁႂ်ႈသူသိူၵ်ႈသမ်ႇၵၼ်တင်းၽီႁၢႆႉ။-

21သူဢမ်ႇၵိၼ်ၵွၵ်းၽြႃးပဵၼ်ၸဝ်ႈ ဢိၵ်ႇတင်းၵွၵ်းၽီႁၢႆႉသွင်ဢၼ်ၼၼ်ႉလႆႈ။ သူဢမ်ႇၶဝ်ႈၵိၼ်တီႈၶူင်ႇတီႈၵိၼ်ၽြႃးပဵၼ်ၸဝ်ႈ ဢိၵ်ႇတင်းတီႈၵိၼ်ၽီႁၢႆႉသွင်တီႈၼၼ်ႉလႆႈ။

22ႁဝ်းႁဵတ်းႁႂ်ႈတၢင်းၸႂ်မႆႈၽြႃးပဵၼ်ၸဝ်ႈဢွၵ်ႇႁိုဝ်။ ႁဝ်းတၼ်းၶူဝ်းယႂ်ႇသေၽြႃးပဵၼ်ၸဝ်ႈႁိုဝ်။-

23ၵဝ်ယင်းဢမ်ႇထုၵ်ႇဢပႅတ်ႈလႄႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လႆႈဢေႃႈ။ ၵဝ်ထုၵ်ႇလီႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်ဢမ်ႇၸႂ်ႈ။ ၵဝ်ယင်းဢမ်ႇထုၵ်ႇဢပႅတ်ႈလႄႈ ႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လႆႈဢေႃႈ။ ၵူၺ်းၵႃႈလွင်ႈတၢင်းၵႃႈမီးတင်းသဵင်ႈတင်းလူင်ၸၢင်ႈမေႃႁႂ်ႈပိူၼ်ႈတႄႇပဵၼ်ဢမ်ႇၸႂ်ႈ။-

24ယႃႇပေႁႂ်ႈၽူႈလႂ်ႁႃဢၵျူဝ်းတူဝ်ၸဝ်ႈၵဝ်ႇ။ ႁႂ်ႈၵူၼ်းၵူႈၵေႃႉႁႃဢၵျူဝ်းပိူၼ်ႈတႃႉ။-

25ၵွပ်ႈပိူဝ်ႈၸႂ်ဢၼ်ႁူႉတူဝ်ၸဝ်ႈၵဝ်ႇလႄႈ ၵႃႈဢၼ်ၶၢႆၵႃႈၼႂ်းၵၢတ်ႇၼၼ်ႉၸိုင် ယင်းဢမ်ႇၸႅတ်ႈထၢမ်ၸႅတ်ႈတူၺ်းလႄႈ ၵိၼ်တႃႉ။-

26လွင်ႈမၼ်းၸမ်ႉ ထႃႇဝရႃႉၽြႃးပိူင်ႇလိၼ်မိူင်း ဢိၵ်ႇတင်းၶိူင်ႈပိူင်ၵႃႈဢၼ်မီး ၵႃႈတီႈလိၼ်မိူင်းၼႆႉဢေႃႈ။

27ပေႃးၵေႃႉဢၼ်ဢမ်ႇယုမ်ႇမၢတ်ႈၼၼ်ႉႁွင်ႉပၢင်းသူလႄႈသူၶႂ်ႈၵႂႃႇၸိုင်၊ ၵွပ်ႈပိူဝ်ႈၸႂ်ဢၼ်ႁူႉတူဝ်ၸဝ်ႈၵဝ်ႇလႄႈ ၵႃႈဢၼ်သႂ်ႇဝႆႉၵႃႈတီႈၽၢႆႇၼႃႈသူၼၼ်ႉ ယင်းဢမ်ႇၸႅတ်ႈထၢမ်ၸႅတ်ႈတူၺ်းလႄႈၵိၼ်တႃႉ။-

28ၼႂ်းဝႃႈၼၼ်သေၵေႃႈ ပေႃးသေၵေႃႉသေၵူၼ်းလၢတ်ႈလႄႈဝႃႈ၊ ပဵၼ်တူဝ်ယိတ်ႈဢၼ်ပုၵ်ႈၸေႃႇၵႃႈတီႈၽၢႆႇၼႃႈရုၵ်ႈထူႉဢေႃႈ၊ ဝႃႈၼင်ႇၼႆၸိုင်၊ ၵွပ်ႈပိူဝ်ႈၵေႃႉဢၼ်ဝႃႈၼင်ႇၼႆၼၼ်ႉ ဢိၵ်ႇတင်းၵွပ်ႈပိူဝ်ႈၸႂ်ဢၼ်ႁူႉတူဝ်ၸဝ်ႈၵဝ်ႇၼၼ်ႉလႄႈ ယႃႇပေၵိၼ်။-

29မိူဝ်ႈဢၼ်ဝႃႈၸႂ်ဢၼ်ႁူႉတူဝ်ၸဝ်ႈၵဝ်ႇ၊ ဝႃႈၼင်ႇၼႆၼၼ်ႉၸမ်ႉ၊ ဢမ်ႇၶႂ်ႈဝႃႈၸႂ်တူဝ်ၸဝ်ႈၵဝ်ႇ၊ ၶႂ်ႈဝႃႈၸႂ်ပိူၼ်ႈဢေႃႈ။ ႁဵတ်းသင်လႄႈပိူၼ်ႈတၢင်ႇၵေႃႉတၵ်းလႆႈၸႅတ်ႈထၢမ်ၸီႇယၢင်ႇဢၶႂၢင်ႉၵဝ်ၼင်ႇႁိုဝ်။-

30ပေႃးၵဝ်ယွင်ႈယေႃးၵျေးၸူးၸဝ်ႈလႄႈသုင်းသွင်ႇၸိုင် ႁဵတ်းသင်လႄႈ တၵ်းလႆႈၶၢမ်ႇတၢင်းဢၼ်သႄႉသွမ်းတၢင်ႇဢပႅတ်ႈ ၼႂ်းလွင်ႈဢၼ်ယွင်ႈယေႃးၵျေးၸူးၸဝ်ႈလႄႈသုင်းသွင်ႇၼၼ်ႉၼင်ႇႁိုဝ်။

31ပိူဝ်ႈၼႆလႄႈ မိူဝ်ႈဢၼ်သူၵိၼ်သူၶူပ်း၊ မိူဝ်ႈဢၼ်သူႁဵတ်းၵႃႈသင်သေဢမ်ႇဝႃႈ၊ ၶႆႈၸႂ်လူၺ်ႈလွင်ႈမုၼ်ၽုင်းၽြႃးပဵၼ်ၸဝ်ႈသေလႄႈ ႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်တႃႉ။-

32ၼင်ႇႁိုဝ်ၵူၼ်းၼမ်ၼႃႇ တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၸိုင်၊ ၸိူဝ်ႉၼင်ႇဢၼ်ၵဝ်ယင်း ဢမ်ႇႁႃဢၵျူဝ်းတူဝ်ၸဝ်ႈၵဝ်ႇ၊ ႁႃဢၵျူဝ်းပိူၼ်ႈၵူၺ်းလႄႈ ၸွမ်းဢလူဝ်ႇၵူၼ်းတင်းသဵင်ႈတင်းလူင်ၼႂ်းၵူႈၸိူဝ်ႉၵူႈပိူင်ၼၼ်ႉ၊-

33သူၵေႃႈယႃႇပေႁဵတ်းလွင်ႈဢၼ်ၵူၼ်း ယူႉတႃႉ ၊ ၵူၼ်း ႁေႇလသႃႉ ၊ ၵူၼ်းၶဝ်ႈၸိူဝ်းၸဝ်ႈ ၽြႃးပဵၼ်ၸဝ်ႈတင်းလၢႆ တၵ်းတိူဝ်ႉ မႅၼ်ႈလႄႈလူမ်ႉ။

← Chapter 9 Jump to: Chapter 11 →