Hosea 12

Shan

← Chapter 11 Jump to: Chapter 13 →

1ဢေႇၽရိမ်ႇ ၼၼ်ႉ ၸၢင်ႈၵိၼ်လူမ်းလႄႈ မၼ်းၸၢင်ႈၸွမ်း လူမ်းတၢင်းဢွၵ်ႇဢေႃႈ။ မၼ်းၸၢင်ႈႁႂ်ႈ ၵႂၢမ်းမူႉသႃႇ ဢိၵ်ႇတင်း လွင်ႈတၢင်းဢၼ်လူႉလႅဝ်တင်းလၢႆ ယႂ်ႇၽႄႈၼမ်ၵိုၼ်းမႃးယူႇ သေႇသေႇဢေႃႈ။ ၶဝ်ၸၢင်ႈႁဵတ်း မိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းၵူၼ်း ဢႃႇသူႉရီႉ တင်းလၢႆလႄႈ ၸၢင်ႈဢဝ်ၼမ်ႉမၼ်း ၵႂႃႇၵႃႈတီႈမိူင်း ဢေႇၵိပ်ႉတူႉ ဢေႃႈ။-

2ထႃႇဝရႃႉၽြႃး မီးဢမူႉတၢင်းဢၼ် ထူပ်းတြႃးၵၼ်တင်းမဵဝ်း ယူႉတႃႉ ဢေႃႈ။ မၼ်းၸဝ်ႈ တၵ်းပၼ်တၢမ်ႇတီႈ ယႃႇၵုပ်ႈ ၸွမ်းၵႃႈၼင်ႇ သဵၼ်ႈတၢင်းဢၼ်မၼ်းၵႂႃႇ ၸိူဝ်းၼၼ်ႉလႄႈ၊ တွပ်ႇတႅၼ်းပၼ်ၸွမ်းၵႃႈၼင်ႇ တၢင်းဢၼ်မၼ်းပွင်မၼ်းႁဵတ်း ၸိူဝ်းၼၼ်ႉဢေႃႈ။-

3မၼ်းယိပ်းၵမ် သူၼ်ႈတိၼ်ပီႈဢၢႆႈမၼ်း ၵႃႈၼႂ်းတွင်ႉမႄႈမၼ်းလႄႈ မၼ်းႁႅင်းယႂ်ႇၼႃႇလႄႈ ၶေႉၶဵင်ႇၵၼ် တင်းၽြႃးပဵၼ်ၸဝ်ႈဢေႃႈ။-

4မၼ်းၶေႉၶဵင်ႇၵၼ်တင်း တမၢၼ်ႇၵၢင်ႁၢဝ်လႄႈ ပႄႉၼႅင်ႇဢေႃႈ။ မၼ်းၼမ်ႉတႃတူၵ်းလႄႈ တွင်းပၢၼ်ႇထႃႈယဝ်ႉ။ မၼ်းထူပ်းၽြႃးပဵၼ်ၸဝ်ႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး ၵႃႈတီႈဝဵင်း ပေႇသလႃႉ လႄႈ မၼ်းၸဝ်ႈၼၼ်ႉ မီးပျႃႇတိၵ်ႈတီႈႁဝ်းၵႃႈတီႈၼၼ်ႈ ဢေႃႈ။-

5ၼႃႇမႃႉၸိုဝ်ႈသဵင် ဢၼ်ဝႃႈ ထႃႇဝရႃႉၽြႃးၼၼ်ႉ ပဵၼ်ၼႃႇမႃႉၸိုဝ်ႈသဵင်မၼ်းၸဝ်ႈ ၼၼ်ႉဢေႃႈ။-

6ပိူဝ်ႈၼႆလႄႈ ၶိုၼ်းမႃးၸူး ၵႃႈတီႈၽြႃးပဵၼ်ၸဝ်ႈမႂ်းတႃႉ။ ပႂ်ႉၵမ်ပႂ်ႉၸွမ်းတြႃးၵရူႉၼႃႇ ဢိၵ်ႇတင်း တြႃးတၢင်းဢၼ်သိုဝ်ႈတေႃႇလႄႈ မုင်ႈမွင်းၽြႃးပဵၼ်ၸဝ်ႈမႂ်း ယူႇတႃႇသေႇဢမ်ႇထၢတ်ႇတႃႉ။

7မၼ်းပဵၼ်ၸဝ်ႈၵုၼ်ႇ ၸဝ်ႈသိၼ်လႄႈ ၸၢင်ႈယိပ်းၵမ်ယႃႇၸူႇ ဢၼ်ၸၢင်ႈလိင်ႇ ၸၢင်ႈလႅၼ်ၼၼ်ႉဢေႃႈ။ မၼ်းမီးဢလူဝ်ႇ ၶႂ်ႈၼိၵ်ႈၸၢၵ်ႈငႅၼ်းသႄးပိူၼ်ႈဢေႃႈ။-

8ၵူၺ်းၵႃႈ ဢေႇၽရိမ်ႇ လၢတ်ႈလႄႈဝႃႈ၊ ၵဝ်ၼႆႉမၢၵ်ႈမီးလႄႈ ဢဝ်ၽၼ်ႇတႃႇ သိမ်းဝႆႉယဝ်ႉ။ ပိူၼ်ႈႁႃဢဝ် တၢင်းဢၼ်ပူၼ်ႉလိူဝ် ဢၼ်ပႃးဢပႅတ်ႈၼၼ်ႉ တီႈၵႃႈဢၼ်ၵဝ်ၵႆႉ ၵျူဝ်းၸႃးႁဵတ်းၼၼ်ႉလႄႈ ဢမ်ႇထူပ်းလႆႈ၊ ဝႃႈၼင်ႇၼႆဢေႃႈ။-

9ၵဝ်ထႃႇဝရႃႉၽြႃးၼႆႉ ပဵၼ်ၸဝ်ႈမႂ်း ဢၼ်ၼုၵ်ႈဢဝ်မႂ်းဢွၵ်ႇသေ ၵႃႈၼႂ်းမိူင်း ဢေႇၵိပ်ႉတူႉ မႃးၼၼ်ႉဢေႃႈ။ ၵဝ်တၵ်းႁႂ်ႈမႂ်း လႆႈယူႇၵႃႈၼႂ်းသုမ်ႉထဵင် တင်းလၢႆထႅင်ႈ မိူၼ်ၸိူဝ်ႉၼင်ႇမိုဝ်ႉဝၼ်းဢၼ် ယင်းတိုၵ်ႉၶၢမ်ႇပွႆးထမ်ႇမႃႉ ၼၼ်ႉဢေႃႈ။-

10ၵဝ်ပၼ်ပျႃႇတိၵ်ႈ တီႈပရေႃးၽႅတ်ႈတင်းလၢႆလႄႈ ၼႄပျႃးရူႇပႃႇရူင်ႇ ဢၼ်ၼမ်ၼႃႇၼၼ်ႉယဝ်ႉ။ ၵဝ်ဢဝ်ပရေႃးၽႅတ်ႈတင်းလၢႆ ဝႆႉပုင်ႇဢူႉပမႃႇၼမ်ၼႃႇယဝ်ႉ။-

11မီးဢပႅတ်ႈၵႃႈၼႂ်းမိူင်း ၵီႉလတ်ႉ ႁိုဝ်။ ၵူၼ်းဝၢၼ်ႈၵူၼ်းမိူင်းမၼ်းၸိူဝ်းၼၼ်ႉ ပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ဢေႃႈ။ ၶဝ်ဢဝ်ဝူဝ်းတင်းလၢႆ ပုၵ်ႈၸေႃႇ ၵႃႈၼႂ်းဝဵင်း ၵီႉလႃႉၵႃႇလႃႉ ၼၼ်ႉလႄႈ ယိတ်ႈပလၢင်ႇၶဝ်ၼၼ်ႉ ၼမ်ၼႃႇ မိူၼ်ၸိူဝ်ႉၼင်ႇ ပုမ်ႇလိၼ်ၵွင်လိၼ် ၵႃႈတီႈႁွႆးထႆႁွႆးထိူၼ်ႇၼၼ်ႉဢေႃႈ။-

12ယႃႇၵုပ်ႈ ၼၼ်ႉ ဢွၵ်ႇပၢႆႈၸူးၵႃႈတီႈမိူင်း သူႉရီႉ လႄႈ ဢီႉသရေႇလႃႉ ၼၼ်ႉ၊ ၼင်ႇႁိုဝ် တၵ်းလႆႈမေးၸိုင် လႆႈၶၢမ်ႇႁဵတ်းၶႃႈ ႁႂ်ႈလႆႈမေးလႄႈ လႆႈလဵင်ႉသူဝ်းထိင်းသူဝ်းႁႂ်ႈလႆႈမေးဢေႃႈ။-

13ထႃႇဝရႃႉၽြႃး ဢဝ်ပရေႃးၽႅတ်ႈ ၼုၵ်ႈဢဝ်မဵဝ်း ဢီႉသရေႇလႃႉ ဢွၵ်ႇသေၵႃႈၼႂ်းမိူင်း ဢေႇၵိပ်ႉတူႉ မႃးလႄႈ သမ်ႉဢဝ်ပရေႃးၽႅတ်ႈ ပႂ်ႉၸွႆႈပႂ်ႉထႅမ်မၼ်းယူႇဢေႃႈ။-

14ဢေႇၽရိမ်ႇ ၼၼ်ႉ တိုၵ်းယူင်း တၢင်းၸႂ်မႆႈၶႆႈၸႃႉမၼ်းၸဝ်ႈ ၼႃႇလူင်လၢင်ယဝ်ႉ၊ ပိူဝ်ႈၼႆလႄႈ ဢပႅတ်ႈဢၼ်ထွၵ်ႇလိူတ်ႈၵူၼ်းၼၼ်ႉ ႁွတ်ႈထိုင်ၵႃႈၼိူဝ်မၼ်းလႄႈ ၸဝ်ႈၽြႃးမၼ်းတၵ်းႁႂ်ႈ ဢပႅတ်ႈတၢင်းဢၼ် မၼ်းသႄႉသွမ်းၼၼ်ႉ ၶိုၼ်းတူၵ်းႁွတ်ႈၵႃႈၼိူဝ်မၼ်းဢေႃႈ။

← Chapter 11 Jump to: Chapter 13 →