Hosea 8

Shan

← Chapter 7 Jump to: Chapter 9 →

1ဢဝ်ၼႄးၶရႃႇ ဢုမ်ႇသႂ်ႇဝႆႉၵႃႈၼႂ်း သူပ်းမႂ်းတႃႉ။ ပိူၼ်ႈတၵ်းၶီႇမႃးၸူး တီႈႁိူၼ်းထႃႇဝရႃႉၽြႃး မိူၼ်ၸိူဝ်ႉၼင်ႇ လၢင်းတႃႉၶမ်း ၼၼ်ႉဢေႃႈ။-

2လွင်ႈမၼ်းၸမ်ႉ ၶဝ်ယႃႉပတီႉၺိၺ်ႇၵဝ် ပႅတ်ႈလႄႈ ပူၼ်ႉလိူဝ်တြႃးၵဝ်ယဝ်ႉ။ ၵူၺ်းၵႃႈ ၶဝ်တၵ်းႁွင်ႉသႅၼ်ႇ ႁႃၵဝ်လႄႈဝႃႈ၊ ၽြႃးပဵၼ်ၸဝ်ႈႁဝ်းၶႃႈတီႈၶႃႈ၊ ၶႃႈၸဝ်ႈႁဝ်းၶဝ် ပဵၼ်မဵဝ်း ဢီႉသရေႇလႃႉ လႄႈ ႁူႉၸၵ်းၸဝ်ႈႁဝ်းယူႇ တီႈၶႃႈဢေႃႈ၊ ဝႃႈၼင်ႇၼႆလူင်ပႄႇ။-

3ၵွပ်ႈပိူဝ်ႈဢၼ်မဵဝ်း ဢီႉသရေႇလႃႉ ၸုၼ်ႉပႅတ်ႈ လွင်ႈတၢင်းဢၼ်လီဢၼ်ငၢမ်း ၼၼ်ႉလႄႈ ရၢၼ်ႇသူႇတၵ်းလႆႈ လိုပ်ႈၸွမ်းလမ်းၸွမ်းမၼ်း ဢေႃႈ။-

4ၶဝ်ၼၼ်ႉ ယင်းဢမ်ႇၶၢမ်ႇဢဝ် ဢၶႂၢင်ႉၵဝ်လႄႈ ဢွၼ်ၵၼ်ယုၵ်ႉယွင်ႈ ၶုၼ်ႁေႃၶမ်းတင်းလၢႆယဝ်ႉ။ ၵဝ်ယင်းဢမ်ႇႁူႉလႄႈ ၶဝ်ၶၢၼ်းၶုၼ် တင်းလၢႆဝႆႉယဝ်ႉ။ ၶဝ်ဢဝ်ငိုၼ်းၶဝ်ၶမ်းၶဝ် ႁဵတ်းရုၵ်ႈထူႉတင်းလၢႆ ဝႆႉပုၼ်ႈၶဝ် ႁႂ်ႈၶဝ်လႆႈၶၢမ်ႇတၢင်းဢၼ် ပႄႇၽဵဝ်ႈပႅတ်ႈယဝ်ႉ။-

5သမႃႇရီႉ ဢိူၺ်း၊ ဝူဝ်းဢွၼ်ႇမႂ်း ၸုၼ်ႉပႅတ်ႈမႂ်းယဝ်ႉ။ ၵဝ်ၸႂ်မႆႈၶႆႈၸႃႉ ၵႃႈတီႈၶဝ်ၸိူဝ်းဢၼ် ၵူဝ်းၵႂၢႆႇၼၼ်ႉဢေႃႈ။ ၶဝ်ၼၼ်ႉ ယင်းဢမ်ႇၶိုတ်းထိုင် တြႃးတၢင်းဢၼ် မူတ်းသႂ်လႆႈလႄႈ တၵ်းလႆႈယူႇၶိင်ႇၵႃႇလႃႉ ႁိုင်ၵႃႈႁိုဝ်။-

6ဝူဝ်းဢွၼ်ႇၼၼ်ႉ၊ မဵဝ်း ဢီႉသရေႇလႃႉ ၵျၢမ်ႇပွင်လႄႈ ပဵၼ်ဢေႃႈ။ ၵွပ်ႈပိူဝ်ႈဢၼ် သြႃႇသမႃးႁဵတ်းဢဝ်လႄႈ ဢမ်ႇၸႂ်ႈၽြႃး။ ဝူဝ်းဢွၼ်ႇ သမႃႇရီႉ ၼၼ်ႉ တၵ်းလႆႈၶၢမ်ႇ တၢင်းဢၼ်ႁၵ်းပဵၼ်ပွတ်းပဵၼ်တွၼ်ႈပႅတ်ႈဢေႃႈ။-

7ၶဝ်ဝၢၼ်ႇပိုၼ်ၸိူဝ်ႉၽၼ်းလူမ်းလႄႈ တၵ်းလႆႈပၢတ်ႇဢဝ် ၶဝ်ႈပိူၵ်ႇလူမ်းၽိဝ်ႇႁုင်ဢေႃႈ။ ဢမ်ႇလႆႈပဵၼ်တူၼ်ႈပဵၼ်တေႃ။ ၽွင်ၶဝ်ႈမုၼ်း ဢမ်ႇလႆႈဢွၵ်ႇမႃး ၵႃႈၼႂ်းႁူင်းမၼ်း။ ပိၵ်ႉသမ်ႉဢွၵ်ႇမႃးသေၵေႃႈ ၵူၼ်းတၢင်ႇသိုင်ႇတၢင်ႇမိူင်း တၵ်းဢွၼ်ၵၼ်ၵိၼ်ဢေႃႈ။-

8မဵဝ်း ဢီႉသရေႇလႃႉ ၼၼ်ႉ လႆႈႁၢႆလၢႆၵႂႃႇယဝ်ႉ။ တေႃႈလဵဝ်ၼႆႉ ၶဝ်တၵ်းလႆႈပဵၼ် ၸိူဝ်ႉၼင်ႇၶိူင်ႈပိူင် ဢၼ်ၽူႈလႂ်ဢမ်ႇထုၵ်ႇၸႂ် ၵျိူၵ်ႈၸႂ်ၼၼ်ႉ ၵႃႈၼႂ်းၵူၼ်း တၢင်ႇၸိူဝ်ႉတၢင်ႇၶိူဝ်း တင်းလၢႆဢေႃႈ။-

9ၶဝ်ဢွၼ်ၵၼ်ၶိုၼ်ႈၸူးၵႃႈတီႈမိူင်း ဢႃႇသူႉရီႉ ၼၼ်ႉ မိူၼ်ၸိူဝ်ႉၼင်ႇ လီႈရိူင်း ဢၼ်ယူႇတူဝ်လဵဝ်ၵူၺ်း မၼ်းၼၼ်ႉလူင်ပႄႇ။ ဢေႇၽရိမ်ႇ ၼၼ်ႉ ပၼ်သူးပၼ်လၢပ်ႈတီႈ ၸူႉမၼ်းတင်းလၢႆယဝ်ႉ။-

10ပိၵ်ႉသမ်ႉၶဝ်ပၼ်သူး ပၼ်လၢပ်ႈတီႈၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆ သေၵေႃႈ၊ ၵဝ်တၵ်းႁႂ်ႈၶဝ်ၼၼ်ႉ ၸူႉၵၼ်တုမ်ၵၼ် ၵမ်းလဵဝ်ဢေႃႈ။ ဢမ်ႇႁိုင်ဢမ်ႇၼၢၼ်း ၶဝ်တၵ်းလႆႈႁၢပ်ႇၶူဝ်းႁၢပ်ႇ ဢၼ်ၶုၼ်ႁေႃၶမ်းၼိူဝ်ၶုၼ်တင်းလၢႆ ဢဝ်တၢင်ႇပၼ်ၼၼ်ႉသေလႄႈ ယၢပ်ႇၸႂ်ၶၢၼ်ၸႂ် ၼႃႇလူင်လၢင်ဢေႃႈ။-

11ၵွပ်ႈပိူဝ်ႈဢၼ် ဢေႇၽရိမ်ႇ ႁဵတ်းယိတ်ႈပလၢင်ႇ ၼမ်ၼႃႇလူင်လၢင် ပုၼ်ႈဢၼ်တၵ်းႁဵတ်းဢပႅတ်ႈ ၼၼ်ႉလႄႈ ယိတ်ႈပလၢင်ႇၸိူဝ်းၼၼ်ႉ တၵ်းလႆႈ ပဵၼ်ပုၼ်ႈဢပႅတ်ႈ တီႈမၼ်းဢေႃႈ။-

12ၵဝ်တႅမ်ႈပိင်းၺၢပ်ႈတြႃး ၵဝ်ဝႆႉ တီႈမၼ်းၼမ်ၼႃႇလူင်လၢင်ယဝ်ႉ။ ၵူၺ်းၵႃႈ မၼ်းမၢတ်ႈၸိူဝ်းၼၼ်ႉ ပဵၼ်ၸိူဝ်ႉၼင်ႇ လွင်ႈတၢင်းဢၼ်မိူၵ်ႈ ဢၼ်ရိူင်းၼၼ်ႉယဝ်ႉလူင်ပႄႇ။-

13ၶဝ်ၸိူဝ်းဢၼ်ပုၵ်ႈၸေႃႇၶိူင်ႈပုၵ်ႈၸေႃႇ ဢၼ်ၸၢပ်ႈသႅင်ႇၵၼ်တင်း ၵဝ်ၸိူဝ်းၼၼ်ႉ ဢဝ်ၼိူဝ်ႉပုၵ်ႈၸေႃႇသေလႄႈ ၵိၼ်ဢေႃႈ။ ထႃႇဝရႃႉၽြႃး ဢမ်ႇႁပ်ႉတုင်းဢဝ်ၶဝ်။ မၼ်းၸဝ်ႈတၵ်းၶုၵ်းၸႂ်လႆႈ ၶႆႈၸႂ်ထူပ်းဢပႅတ်ႈၶဝ် တင်းလၢႆလႄႈ ပၼ်တၢမ်ႇတီႈၶဝ်သေယဝ်ႉ၊ ၶဝ်ၼၼ်ႉ တၵ်းလႆႈၶိုၼ်းမိူဝ်းၵႂႃႇၸူး ၵႃႈတီႈမိူင်း ဢေႇၵိပ်ႉတူႉ ဢေႃႈ။-

14ဢီႉသရေႇလႃႉ ၼၼ်ႉ ၸၢင်ႈလူင်လိုမ်းၸဝ်ႈ ဢၼ်ၽၢၼ်ႇသၢင်း ႁဵတ်းပဵၼ်မၼ်းၼၼ်ႉ သေလႄႈ တႄႇႁဵတ်းၽုင်ႇပိၵ်ႈမၢၼ်ႇ တင်းလၢႆဢေႃႈ။ ယူႉတႃႉ ၵေႃႈ ၸၢင်ႈႁႂ်ႈဝဵင်းဢၼ် မၼ်ႈၶိူင်ႇၼမ်ၵိုၼ်းၼႃႇဢေႃႈ။ ၵူၺ်းၵႃႈ ၵဝ်တၵ်းဢဝ်ၽႆးတုတ်ႇ ဝဵင်းမၼ်းၸိူဝ်းၼၼ်ႉပႅတ်ႈလႄႈ မႆႈၽုင်ႇပိၵ်ႈမၢၼ်ႇမၼ်း ၸိူဝ်းၼၼ်ႉ သုတ်းပႅတ်ႈဢေႃႈ။

← Chapter 7 Jump to: Chapter 9 →