Hosea 14

Shan

← Chapter 13 Jump to:

1ဢီႉသရေႇလႃႉ ဢိူၺ်း၊ ၶိုၼ်းမႃးၸူး ၵႃႈတီႈထႃႇဝရႃႉၽြႃး ၽြႃးပဵၼ်ၸဝ်ႈမႂ်းတႃႉ။-

2လွင်ႈမၼ်းၸမ်ႉ မႂ်းလူမ်ႉတူၵ်း ၵွပ်ႈပိူဝ်ႈတူႉၸရိူၵ်ႈဢပႅတ်ႈ ဢၼ်မႂ်းႁဵတ်းၼၼ်ႉ ၼၼ်ႉယဝ်ႉ။ ပွင်ႁဵတ်းပွင်မႄး ၵႂၢမ်းပထၼႃႇလႄႈ ၶိုၼ်းမႃးၸူး ၵႃႈတီႈထႃႇဝရႃႉၽြႃး ယူႇသေလႄႈ လဝ်ႊလၢတ်ႈတီႈမၼ်းၸဝ်ႈလႄႈဝႃႈ၊ ၶႅၼ်းတေႃႈပႄႇဢပႅတ်ႈ ၵႃႈမီးပႅတ်ႈလႄႈ ႁဵတ်းၵျေးၸူးသေလႄႈ ႁပ်ႉတုင်းဢဝ် သေၵမ်းတီႈၶႃႈ၊ ၶႃႈၸဝ်ႈႁဝ်းၶဝ် တၵ်းဢဝ်ဝူဝ်းဢွၼ်ႇ ဢၼ်ဝႃႈ သီႇသူပ်းၶႃႈၸဝ်ႈႁဝ်းၶဝ်ၼၼ်ႉ ပုၵ်ႈၸေႃႇတီႈၶႃႈဢေႃႈ။-

3ၶုၼ် ဢႃႇသူႉရီႉ တၵ်းဢမ်ႇလႆႈ ၵႄႇသႄႇၶျွတ်ႈဢဝ် ၶႃႈၸဝ်ႈႁဝ်းၶဝ်တီႈၶႃႈ၊ ၶႃႈၸဝ်ႈႁဝ်းၶဝ် တၵ်းဢမ်ႇႁဵတ်း ၵူၼ်းသိုၵ်းၶီႇမႃႉတီႈၶႃႈ၊ ၵမ်းလိုၼ်းၶႃႈၸဝ်ႈႁဝ်းၶဝ် တၵ်းဢမ်ႇလၢတ်ႈတီႈ ၶိူင်ႈပိူင်ဢၼ်ဢဝ်မိုဝ်းတူဝ်ၸဝ်ႈၵဝ်ႇ ႁဵတ်းၸိူဝ်းၼၼ်ႉလႄႈဝႃႈ၊ ၸဝ်ႈႁဝ်းၶဝ် ပဵၼ်ၽြႃးပဵၼ်ၸဝ်ႈႁဝ်းၶႃႈ တီႈၶႃႈဢေႃႈ၊ ဝႃႈၼင်ႇၼႆၼၼ်ႉတီႈၶႃႈ၊ လွင်ႈမၼ်းၸမ်ႉ ၶဝ်ၸိူဝ်းဢၼ်ၽၢၼ်ပေႃႈၽၢၼ်မႄႈၼၼ်ႉ ၸၢင်ႈလႆႈၶၢမ်ႇဢဝ် ၵျေးၸူးၵရူႉၼႃႇ တီႈၸဝ်ႈႁဝ်းၶႃႈ တီႈၶႃႈဢေႃႈ၊ ဝႃႈၼင်ႇၼႆတႃႉ။

4ၵွပ်ႈပိူဝ်ႈဢၼ် တၢင်းၸႂ်မႆႈၶႆႈၸႃႉၵဝ် ပေႇလႄႈ ၵဝ်တၵ်းယူတ်းယႃ တၢင်းဢၼ် ၶဝ်ၽွၵ်ႈပျၢၼ်ႇၶိုၼ်းၼၼ်ႉလႄႈ၊ ႁၵ်ႉပႅင်းၶဝ် ၸွမ်းၵႃႈၼင်ႇဢၼ် ဢလူဝ်ႇၵဝ်မီးၼၼ်ႉ ဢေႃႈ။-

5ၵဝ်တၵ်းပဵၼ်ၸိူဝ်ႉၼင်ႇ ၼမ်ႉၼၢႆးၼၼ်ႉ ၵႃႈၼိူဝ် ဢီႉသရေႇလႃႉ ဢေႃႈ။ မၼ်းတၵ်းၵီႈ မိူၼ်ၸိူဝ်ႉၼင်ႇ မွၵ်ႇႁဵဝ်းငိုၼ်းၼၼ်ႉလႄႈ တၵ်းယင်ႇႁၢၵ်ႈ မိူၼ်ၸိူဝ်ႉၼင်ႇ တူၼ်ႈမႆႉၵႃႈတီႈထိူၼ်ႇ လေႇပၼုၼ်ႇ ၼၼ်ႉဢေႃႈ။-

6ၵိင်ႇမၼ်းယွတ်ႈမၼ်းတၵ်းယႂ်ႇၽႄႈၼမ် ၵိုၼ်းမႃးလႄႈ မၼ်းတၵ်းမီးသရေႇ ႁၢင်ႈလီႁၢင်ႈငၢမ်း မိူၼ်ၸိူဝ်ႉၼင်ႇ တူၼ်ႈ သၢၼ်ႇလုၼ်ႇ ၼၼ်ႉသေလႄႈ ႁွမ်ႁိုၼ်းမိူၼ်ၸိူဝ်ႉၼင်ႇထိူၼ်ႇ လေႇပၼုၼ်ႇ ၼၼ်ႉဢေႃႈ။-

7ၶဝ်ၸိူဝ်းဢၼ် ယူႇၵႃႈတႂ်ႈႁူမ်ႈတူၼ်ႈၼၼ်ႉ ၸိူဝ်းၼၼ်ႉ တၵ်းမီးတၢင်းဢၼ် မႄးႁဵတ်းပဵၼ်ဢၼ်မႂ်ႇလႄႈ ၶိုၼ်းလိပ်းမိူၼ်ၸိူဝ်ႉၼင်ႇ ၶဝ်ႈပိူၵ်ႇဢေႃႈ။ ၶဝ်တၵ်းယႂ်ႇၽႄႈ တူဝ်းတွၼ်းမႃး မိူၼ်ၸိူဝ်ႉၼင်ႇ တူၼ်ႈၶိူဝ်း မၢၵ်ႇၸပိတ်ႈလႄႈ သတၢင်းသဵင်ၶၢဝ်ႇ တၵ်းႁူင်ႁၢင်း မိူၼ်ၸိူဝ်ႉၼင်ႇ ၼမ်ႉၸပိတ်ႈ လေႇပၼုၼ်ႇ ၼၼ်ႉဢေႃႈ။-

8ဢေႇၽရိမ်ႇ တၵ်းလၢတ်ႈလႄႈဝႃႈ၊ ၵမ်းလိုၼ်းၵဝ်တၵ်း လႆႈၸၢပ်ႈသႅင်ႇၵၼ်တင်း ရုၵ်ႈထူႉသၢင်းထူႉ ၸိူဝ်ႉၼင်ႇႁိုဝ်။ ဝႃႈၼင်ႇၼႆဢေႃႈ။ ၵဝ်တၵ်းထွမ်ႇဢဝ် ၵႂၢမ်းမၼ်းလႄႈ လူတူၺ်းမၼ်းဢေႃႈ။ ၵဝ်ပဵၼ်ၸိူဝ်ႉၼင်ႇ တူၼ်ႈမႆႉပႅၵ်ႇ ဢၼ်ၶဵဝ်လီတင်ႈလီလႄႈ မႂ်းပျေႉၸုမ်ႇဝႆႉတင်းမၢၵ်ႇ ၵွပ်ႈပိူဝ်ႈၵျေးၸူးၵဝ် ဢေႃႈ။

9ၽူႈလႂ်မီးပိင်ႇၺႃႇ။ ၵေႃႉၼၼ်ႉ တၵ်းႁူႉလွင်ႈတၢင်း ၸိူဝ်းၼႆႉဢေႃႈ။ ၽူႈလႂ်ၺၢၼ်ႇလီ။ ၵေႃႉၼၼ်ႉ တၵ်းႁူႉၸႅင်ႈ လွင်ႈတၢင်း ၸိူဝ်းၼႆႉဢေႃႈ။ သဵၼ်ႈတၢင်း ထႃႇဝရႃႉၽြႃးတင်းလၢႆ သိုဝ်ႈလီလႄႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းဢွၼ်ၵၼ်ၸွမ်းဢေႃႈ။ ၶဝ်ၸိူဝ်းဢၼ် ႁဵတ်းႁၢႆႉႁဵတ်းမိူၵ်ႈၼၼ်ႉၸမ်ႉ၊ တၵ်းတိူဝ်ႉမႅၼ်ႈ ၼႂ်းသဵၼ်ႈတၢင်းၸိူဝ်းၼၼ်ႉလႄႈ လူမ်ႉဢေႃႈ။ ၵျၢမ်ႇဢၼႃႇၵၢတ်ႈတီႉႁူဝ်းသေႇယဝ်ႉယဝ်ႉဢေႃႈ။

← Chapter 13 Jump to: