bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sinhala
/
Sinhala Bile - Revised Old Version (SROV)
/
Luke 22
Luke 22
Sinhala Bile - Revised Old Version (SROV)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
පාස්කුව නම්වූ මුහුන් නොදැමූ රොටි කන මංගල්යය ළං විය.
2
නායක පූජකයෝද ලියන්නෝද උන්වහන්සේ නසන්නේ කෙසේදැයි සෙවුවෝය; මක්නිසාද ඔව්හු සෙනඟට භයව සිටියෝය.
3
එවිට දොළොස්දෙනාගෙන් එක්කෙනෙක්වූ ඉස්කාරියොත් නම් යූදස්ට සාතන් ආවේශවිය.
4
ඔහු ගොස්, නායක පූජකයන්ට සහ අධිපතීන්ටත් උන්වහන්සේ පාවාදෙන්නේ කෙසේද කියා ඔවුන් සමඟ කථාකරගත්තේය.
5
ඔව්හු සතුටුව ඔහුට මිල දෙන්ට ගිවිස්සෝය.
6
ඔහු ඊට එකඟවී, සමූහයා ළඟ නැති විටක උන්වහන්සේ ඔවුන්ට පාවාදෙන්ට ප්රස්තාවක් සෙවීය.
7
තවද පාස්කුව පූජාකළ යුතුවූ මුහුන් නොදැමූ රොටි කන දවස පැමුණුණේය.
8
එවිට උන්වහන්සේ පේතෘස්ද යොහන්ද යවමින්: ඔබ සැම ගොස් අප විසින් පාස්කුව කන පිණිස පිළියෙළකරන්නැයි කීසේක.
9
කොතැන පිළියෙළ කරනවාට ඔබ කැමතිසේක්දැයි ඔව්හු උන්වහන්සේගෙන් ඇසුවෝය.
10
උන්වහන්සේ ඔවුන්ට කථාකොට: බලව, ඔබ සැම නුවරට ඇතුල්වූ විට, මනුෂ්යයෙක් පැන් කළයක් ගෙනයනවා ඔබ සැමට සම්බවන්නේය; ඔහු යන ගෙදරට ඔහු පස්සේ ගොස්,
11
ගෙයි ස්වාමියාට කථාකොට: මා විසින් මාගේ ගෝලයන් සමඟ පාස්කුව කන්ට හැකිවූ ආගන්තුක ශාලාව කොතනද කියා ආචාරීන් අසනවායයි කියන්න.
12
සූදානම්කර තිබෙන මහත් උඩුමහලක් ඔහු ඔබ සැමට පෙන්වනවා ඇත. එහි පිළියෙළකරන්නැයි කීසේක.
13
ඔව්හු ගොස්, උන්වහන්සේ කී ලෙස සම්බව, පාස්කුව පිළියෙළකළෝය.
14
පැය පැමිණි කල උන්වහන්සේද උන්වහන්සේ සමඟ ප්රේරිතයෝද හිඳගත්තෝය.
15
උන්වහන්සේ ඔවුන්ට කථාකොට: වධවිඳීමට පළමුවෙන් මම මේ පාස්කුව ඔබ සැම සමඟ කන්ට අතිශයෙන් ආශාවුණෙමි.
16
මක්නිසාද ඔබ සැමට කියමි-දෙවියන්වහන්සේගේ රාජ්යයෙහිදී ඒක සම්පූර්ණවන තුරු මම ඒක නොකන්නෙමියි කීසේක.
17
උන්වහන්සේ කුසලානක් ලැබ, ස්තුතිකොට: මේක ගෙන ඔබ සැම අතරේ බෙදාගන්න.
18
මක්නිසාද ඔබ සැමට කියමි-දෙවියන්වහන්සේගේ රාජ්යය පැමිණෙන තුරු, මෙතැන් පටන් මම මිදිවැලේ ඵලයෙන් නොබොන්නෙමියි කීසේක.
19
උන්වහන්සේ රොටි ගෙන ස්තුති කොට කඩා, ඔවුන්ට දී: මේක ඔබ සැම උදෙසා දෙනලද මාගේ ශරීරයය; මා සිහිකිරීම පිණිස මේක කරන්නැයි කීසේක.
20
එලෙසම රාත්රි කෑමට පසු කුසලාන දී: මේ කුසලාන ඔබ සැම උදෙසා වගුරුවන මාගේ ලෙයෙහි අලුත් ගිවිසුමය.
21
එහෙත් මා පාවාදෙන්නාගේ අත මා සමඟ මේසයෙහි තිබේ.
22
මක්නිසාද මනුෂ්ය පුත්රයා නියමකර තිබෙන හැටියට යන්නේමය. නුමුත් ඔහු පාවාදෙන ඒ මනුෂ්යයාට දුක්වේ යයි කීසේක.
23
එවිට, ඒක කරන්ට යන්නේ ඔවුන්ගෙන් කවරෙක්දැයි ඔව්හු තමුන් අතරේම විචාරන්ට පටන්ගත්තෝය.
24
ඔවුන්ගෙන් ඉතා උතුම්කොට ගණන්ගනු ලබන්නේ කවරෙක්දැයි ඔවුන් අතරේ විවාදයක්ද හටගත්තේය.
25
උන්වහන්සේ ඔවුන්ට කියනසේක්: අන්ය ජාතීන්ගේ රජවරු ඔවුන් කෙරෙහි අධිපතිකම් පවත්වති; ඔවුන් කෙරෙහි බලය පවත්වන්නෝ වනාහි උපකාරකාරයෝයයි කියනු ලබති.
26
නුමුත් ඔබ සැම එසේ නොව, ඔබ සැම අතරෙන් වඩා උත්තමයා බාලයා මෙන් වේවා; ප්රධානයා උපස්ථානකරන්නා මෙන් වේවා. වඩා උතුම් කවුද?
27
කෑමට හිඳින තැනැත්තාද? නොහොත් උපස්ථානකරන්නාද? කෑමට හිඳින තැනැත්තේ නොවේද? නුමුත් මම වනාහි ඔබ සැම මධ්යයෙහි උපස්ථානකරන්නා මෙන් වෙමි.
28
මාගේ පරීක්ෂාවලදී මා සමඟම සිටි අය නම් ඔබ සැමය.
29
එබැවින් මාගේ පියාණන්වහන්සේ මට රාජ්යයක් නියම කළාක් මෙන්ම,
30
මාගේ රාජ්යයෙහිදී මාගේ මේසයේ කන්ටද බොන්ටද ඔබ සැමට රාජ්යයක් නියමකරමි; ඔබ සැම ඉශ්රායෙල්ගේ ගෝත්ර දොළොස විනිශ්චය කරමින් සිංහාසනවල හිඳින්නහුය.
31
සීමොන්, සීමොන්, බලව, ඔබ සැම ගෝධුම මෙන් පොළන්ට සාතන් ඉල්ලුවේය.
32
නුමුත් ඔබේ ඇදහිල්ල නැති නොවන පිණිස ඔබ උදෙසා මම යාච්ඤාකෙළෙමි. ඔබ නැවත හැරුණායින් පසු ඔබේ සහෝදරයන් ස්ථිරකරන්නැයි කීසේක.
33
ඔහුද: ස්වාමිනි, ඔබ සමඟ හිරගෙටත් මරණයටත් යන්ට සූදානම්ව සිටිමියි උන්වහන්සේට කීවේය.
34
උන්වහන්සේද: පේතෘස්, ඔබට කියමි-ඔබ මා අඳුනන්නේ නැත කියා තුන්වරක් කියන තුරු, අද කුකුළා අඬලන්නේ නැතැයි කීසේක.
35
උන්වහන්සේ ඔවුන්ට කථාකොට: පසුම්බියක්වත් මල්ලක්වත් වහන්වත් නැතුව මා ඔබ සැම යැවූ කල ඔබ සැමට කිසිවක් හිඟවීදැයි ඔවුන්ගෙන් ඇසූසේක. නැතැයි ඔව්හු කීවෝය.
36
උන්වහන්සේ ඔවුන්ට කියනසේක්: නුමුත් දැන් පසුම්බියක් ඇත්තෙක් ඒක ගනීවා, එසේම මල්ලකුත් ගනීවා. කඩුවක් නැත්තා තමාගේ සළුව විකුණා, කඩුවක් මිලේට ගනීවා.
37
මක්නිසාද ඔබ සැමට කියමි-උන්වහන්සේ අපරාධකාරයන් සමඟ ගණන්ගනු ලැබූසේකැයි ලියා තිබෙන මේ දේ මා කෙරෙහි සම්පූර්ණවිය යුතුය; මක්නිසාද මා ගැන ලියා තිබෙන දේ සම්පූර්ණවන්නේයයි කීසේක.
38
ඔව්හු: ස්වාමිනි, බැලුව මැනව, කඩු දෙකක් මෙහි තිබේයයි කීවෝය. උන්වහන්සේද: ඇතැයි ඔවුන්ට කීසේක.
39
එවිට උන්වහන්සේ පිටත්ව, තමන්ගේ පුරුද්ද ලෙස ඔලීව කන්දට ගියසේක; ගෝලයොත් උන්වහන්සේ අනුව ගියෝය.
40
උන්වහන්සේ ඒ ස්ථානයට පැමිණ සිටියදී කථාකොට: ඔබ සැම පරීක්ෂාවට නොපැමිණෙන ලෙස යාච්ඤා කරන්නැයි ඔවුන්ට කීසේක.
41
ගලක් ගසන දුර පමණ උන්වහන්සේ ඔවුන්ගෙන් වෙන්වී, දණින් හිඳ යාච්ඤා කරමින්:
42
පියාණෙනි, ඔබ කැමතිසේක් නම්, මේ කුසලාන මාගෙන් පහකළ මැනව. එසේවී නුමුත් මාගේ කැමැත්ත නොව ඔබගේ කැමැත්ත වේවායි කීසේක.
43
එකල ස්වර්ගයෙන් දේවදූතයෙක් උන්වහන්සේට පෙනී, උන්වහන්සේ ශක්තිමත්කළේය.
44
උන්වහන්සේ මහත් වේදනා වින්දසේක් වඩා ඕනෑකමින් යාච්ඤාකළසේක. උන්වහන්සේගේ ඩාදියද මහත් ලේ බින්දු මෙන් බිම වැටුණේය.
45
උන්වහන්සේ යාච්ඤාවෙන් නැගිට, ගෝලයන් ළඟට ඇවිත්, ඔවුන් ශෝකයෙන් නිදා ඉන්නවා දැක:
46
ඔබ සැම නිදා ඉන්නේ මක්නිසාද? පරීක්ෂාවට නොපැමිණෙන පිණිස නැගිට යාච්ඤාකරන්නැයි ඔවුන්ට කීසේක.
47
උන්වහන්සේ කථාකරද්දීම, බලව, සමූහයක් ආවෝය; දොළොස්දෙනාගෙන් එක්කෙනෙක්වූ යූදස් කියන අයද ඔවුන්ට පෙරටුව ඇවිත් යේසුස්වහන්සේ සිඹින පිණිස උන්වහන්සේට ළංවුණේය.
48
යේසුස්වහන්සේද: යූදස්, ඔබ සිඹීමකින් මනුෂ්ය පුත්රයා පාවා දෙනවාදැයි ඔහුට කීසේක.
49
උන්වහන්සේ අවට සිටි අය පැමිණෙන්ට තිබෙන දේ දැක: ස්වාමිනි, කඩුවෙන් ගසමුදැයි උන්වහන්සේගෙන් ඇසුවෝය.
50
ඔවුන්ගෙන් එක්තරා කෙනෙක් උත්තම පූජකයාගේ දාසයාට ගසා, ඔහුගේ දකුණු කන කපාදැමීය.
51
නුමුත් යේසුස්වහන්සේ උත්තරදෙමින්: මෙපමණකට ඉඩදෙන්නය කියා, ඔහුගේ කන අතගා සුවකළසේක.
52
යේසුස්වහන්සේ තමන්ට විරුද්ධව ආවාවූ නායක පූජකයන්ටද දේවමාළිගාවේ අධිපතීන්ටද වැඩිමහල්ලන්ටද කථාකොට: ඔබ සැම සොරෙකුට විරුද්ධව මෙන් කඩුමුගුරු රැගෙන ආවහුද?
53
දවස්පතා මා දේවමාළිගාවෙහි ඔබ සැම සමඟ සිටියදී ඔබ සැම මට විරුද්ධව අත් දිගුකළේ නැත. නුමුත් මෙය ඔබ සැමගේ පැයත් අන්ධකාරයේ බලයත්යයි කීසේක.
54
ඔව්හු උන්වහන්සේ අල්ලාගෙන යන්නාහු, උත්තම පූජකයාගේ ගෙදරට ගෙනගියෝය.
55
එහෙත් පේතෘස් ඈතින් පස්සේ ගියේය. ඔවුන් ශාලාව මැද ගිනි පත්තුකොට, එකතුව හිඳගෙනඋන් කල, පේතෘස් ඔවුන් මැද හිඳගත්තේය.
56
එවිට එක් යෞවනියෙක් ඔහු ගිනි ළඟ ඉන්නවා දැක, ඔහු දෙස හොඳට බලා: මොහුත් ඔහු සමඟ සිටියේයයි කීවාය.
57
නැත, ස්ත්රිය, මම ඔහු නාඳුනමියි ඔහු කීවේය.
58
ස්වල්ප වේලාවකට පසු වෙන කෙනෙක් ඔහු දැක: ඔබත් ඔවුන්ගෙන් එක්කෙනෙක්යයි කීවේය. පේතෘස්ද: මනුෂ්යය, මම එසේ නොවෙමියි කීවේය.
59
පැයකට පමණ පසු තවත් එක්කෙනෙක් කථාකොට සැබෑවටම මොහුත් ඔහු සමඟ සිටියේය. මක්නිසාද මොහු ගලීලෙයකැයි සැක නොකොට ස්ථිරලෙස කීවේය.
60
පේතෘස්ද: මනුෂ්යය, ඔබ කියන දේ නොදනිමියි කීවේය. එකෙණෙහිම, ඔහු කථාකරද්දීම, කුකුළා හඬලීය.
61
ස්වාමීන්වහන්සේ හැරී පේතෘස් දෙස බැලූසේක. පේතෘස්ද: අද කුකුළා හඬලන්ට පළමුවෙන් ඔහු නාඳුනමියි තුන් වරක් ඔබ මා ගැන කියන්නෙහියයි ස්වාමීන්වහන්සේ ඔහුට කී වචනය සිහිකොට,
62
පිටතට ගොස්, බලවත් දුකින් හැඬුවේය.
63
එකල යේසුස්වහන්සේ අල්ලාගෙන සිටි මනුෂ්යයෝ උන්වහන්සේට කවටකම්කරමින්, පහර දුන්නෝය.
64
ඔව්හු උන්වහන්සේගේ ඇස් බැඳ: ඔබට ගැසුවේ කවුදැයි දිවැසින් කියන්නැයි උන්වහන්සේට කීවෝය.
65
ඔව්හු තවත් බොහෝ දේ උන්වහන්සේට විරුද්ධව කියමින්, උන්වහන්සේට අපහාසකළෝය.
66
පහන්වූ කෙණෙහිම සෙනඟගේ වැඩිමහල්ලන්ගේ සභාව වන නායක පූජකයෝද ලියන්නෝද රැස්ව, තමුන්ගේ මන්ත්රණසභාව අභිමුඛයට උන්වහන්සේ ගෙනගොස්:
67
ඔබ ක්රිස්තුස් නම් අපට කියන්නැයි කීවෝය. උන්වහන්සේද: මා ඔබ සැමට කීවත් ඔබ සැම විශ්වාසකරන්නේ නැත;
68
මා ඔබ සැමගෙන් ඇසුවත් ඔබ සැම උත්තරදෙන්නේ නැත.
69
නුමුත් මෙතැන් පටන් මනුෂ්ය පුත්රයා දෙවියන්වහන්සේගේ පරාක්රමයේ දකුණු පැත්තේ වැඩහිඳිනවා ඇතැයි ඔවුන්ට කීසේක.
70
ඔවුන් සියල්ලෝ: එසේ නම් ඔබ දෙවියන්වහන්සේගේ පුත්රයාදැයි ඇසුවෝය. උන්වහන්සේද: ඒ මම බැවින් ඔබ සැම කියන්නහුයයි ඔවුන්ට කීසේක. ඔව්හුද: තවත් සාක්ෂි අපට කුමටද?
71
මක්නිසාද ඔහුගේම කටින් කියනවා අපිම ඇසීමුයයි කීවෝය.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24