bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
1 Corinthians 2
1 Corinthians 2
Sidamo
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
1
Roduuwa'ya, ani Maganu halaale kulammo'nera ki'newa dayummo yannara, hayyotenninna busulletenni dishiqoommo.
2
Ledo'ne noommo yannara, sutaminoha Yesuusa Kiristoosa agurranna wodani'yara wolere wodheemmokki gede murci'roommo.
3
Ani ki'newa dayummo yannara, wolqiweellenna waajjillu qoleno lowo masilli amadeennae noommo.
4
Sokka'yanna kuloommo qaali, Maganu Ayyaani wolqa leellishshinoeho ikkinnina busulsi're mannu hayyonni coyi'reemmoha di"ikkino.
5
Hatto ikkinohuno, ammana'ne mannu egenno aana ikkikkinni, Maganu wolqa aana xintantinota ikkitanno gedeeti.
6
Ayyaanaame heeshshonni lophitinorira egennote qaale kulleemmo. Kulleemmo qaali kayinni tenne gobba egenno woy gedensaanni ba'annoriha tenne gobba gashshaano egenno di"ikkino.
7
Ninke kayinni, bi're balaxe ayirrinyinkera qixxeessinota go'lite keeshshitinota Maganu halaali egenno kulleemmo.
8
Tenne gobba gashshaano mittuno tenne egenno diaffino. Affinoha ikkoommero, ayirrinyu Mooticha disuttino.
9
Ikkollana, «Ille la'inokkiha, macca macciishshitinokkiha, mannu wodani hedinokkiha, Maganu baxxannosirira qixxeessino» yine borreessinoonni.
10
Maganu go'lino coye Ayyaanisinni leellishinonke. Ayyaanu, Maganu giddo noori baalu gatikkinni qonqolche afanno.
11
Manchu giddo noo hedo, giddosi noo ayyaana agurranna afannohu ayino dino. Maganu Ayyaana agurranna Maganu hedono afannohu dino.
12
Maganu uyinonke coye baala anfeemmo gede, adhinoommohu Maganu Ayyaanaati ikkinnina tenne gobbaha di"ikkino.
13
Ayyaanaamo coye ayyaanaamu mannira rosiinseemmohu, mannu egennonni ikkikkinni Maganu Ayyaaninni afi'noommo egennonniiti.
14
Ayyaana afi'rinokki manchi kayinni, tenne gowwimmate kiiranno daafira Maganu Ayyaani aanno elto adha didandaanno. Maganu Ayyaaninni xiinxallinanni coye ikkino daafira, buuxa didandaanno.
15
Ayyaanaamu manchi baalanka coye Ayyaanunni xiinxalle la"anno. Iso kayinni ayino xiinxalle lae diafanno.
16
Qullaawa borro yitannonte gede, «Mootichu hedo afannohu nooni? Mala aasira dandaannohuno ayeti?» Ninkera kayinni Kiristoosi wodani noonke.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
All chapters:
1
2
3
4
5
6
7
8
9
10
11
12
13
14
15
16