Song of Solomon 2

Sidamo

← Chapter 1 Jump to: Chapter 3 →

1Ani Saarooni adalchinna, lagichaho fulanno daraarchi gedeetella.

2Baxillaancho'ya meentu giddo, utu mereero fulino arfaasi gedeete.

3Baxillaanchi'ya wolu wedelli ledo taashshiniro, dubbu giddo laalanno haqqichi gedeeho; anino hagiidhanni caalisi hunda fooliishshi'roomma; laalosino coommitannote.

4Jilu minira haa're massie; baxillisi anera baandira ikkie.

5Baxillu amadeenna xiwamoommana, woyinete leo itissine jawaachishshe"e; laalo uyitine hagiirsiisse"e.

6Guracho angasi barkisannoe; qiniitichotenni hanqafannoe.

7Ki'ne Yerusaalamete seenne! baxillu umisi hasi'ra geeshsha, kayissinannikki gedenna baqqi assitinannikki gede, gaarraanchunna bulaate su'minni eegameemma'ne.

8Kuneeti baxillaanchi'ya huuro, ilaallate aana kubbitanni daggu; isino gaarrate aana dodanni dayi.

9Baxillaanchi'ya geedimo, woy aja gaarraancho lawanno. Kuneeti mininke gaatara uurranno; masikootete widoonni qole la"anno; dukkote widoonni qole illaallisanno.

10Baxillaanch'ya, «Baxillaaancho'ya kai! Xuma'ya ballo amo mitteenni ha'nona!

11Kune xeenu birrino; hawaduno saino.

12Baattote aana daraaro leeltino; faarsote yanna iillitino; gobbankera lembooli huuro leeltanni no.

13Balase laala hanaffino; woyinete daraaro su'niilli baatto wo'mino; kunnira baxillaancho'ya kai; ane xuma, mitteenni ha'nona amo!

14Ati boonu qarra maaxantino lemboolcho gedeeti; albikki xumahona, mitte hige laoyya! Huurokki baxissannotena, mitte hige macciishshoyya!» yaannoe.

15Woyinenke daraartinona, woyinenke huntannokki gede, yeedaala, shiimmaadda yeedaala amaddenke.

16Baxillaanchi'ya aneho; anino isite; daraarote mereero hoshshasi allaa'lanno.

17Hashshi tunsichi ho'la geeshsha, soodo bubbe bubbissa geeshsha, baxillaancho'ya ballo, geedimu woy aju gaarraanchi gede, boonnaame ilaalla aanaanni doddanni higi.

← Chapter 1 Jump to: Chapter 3 →