Song of Solomon 6

Sidamo

← Chapter 5 Jump to: Chapter 7 →

1Ati meyata baala roorootta xuma, baxillaanchikki hiikka ha'rino? Ninke ate ledo hanseemmona, hiikka ha'rinoro kulinke.

2Baxillaanchi'ya, itaranna daraaro gamba assi'rara, su'niitanno haqqe fultannowa gatisira ha'rino.

3Baxillaanchi'ya aneho; anino isite; isino daraarote giddo itanni no.

4Baxillaancho'ya, ati Tiritsa katami gedee xumaati; Yerusaalamete gede biifoottate. Baandira amadde hadhanno olanto gede, waajjishanno xirchi noohe.

5Ane qafadde usuranya assitannoena, eeggatena illekki ane aaninni hooli. Dananchikki Geleaadinni dirrannoha, koliddaanna me"e lawanno.

6Hinkokki giddonsa maseena heedhukkinni, lakkuwa qalannohunna, hayishshinoonnihu waajjuullu ge'reewi gede baxissannote.

7Kiccakki guggu'laanchikki giddoonni la'niro, lamewa balka yitinota roomaanete laalo labbanno.

8Leyawu mootete meenti, settawu irkote meentinna, kiiro anfoonnikkihu aju seenni no.

9Ani baxeemmoti kayinni mitte callate; iseno kullannire afidhinokki lemboolcho gedee xumaati; ise amasera mittete; iltinose amano wo'munkunni roorsite baxxannose. Seennuno ise la"anni guwisannose; mootete meentinna irkonnihu naadannose.

10Tini soodimari xawaabbi gedeeti, aganu gede biiffinoti; arrishshote gede xabbannoti, baandira amadde hadhanno olanto gede, waajjishanno xirchiti tini ayeti?

11Lagaho kaasantino haqqe lattino gara la"ate, woyine ciirtinotanna roomaane daraartinota la"ate, kooke loonsanniwa dirroommo.

12Tenne giddo, mootete faradi gaare gulufe noommoha lawinoe.

13Ati Shulaamitte, amo higi; seekkine la'neemmohe gede amo. Lame gaamo mereero sirbanna, la'inaera mayira hasidhini?

← Chapter 5 Jump to: Chapter 7 →