Zechariah 2

Sidamo

← Chapter 1 Jump to: Chapter 3 →

1Wole ajuujanni anga bikkinanni siiwo amadinoha mitto wedellicha afe,

2«Hiikka hadhanni nootto?» yee xa'moommo. Isino, «Yerusaalamete hojjanna godowa bikke la"ammora ha'ranni noommo» yiie.

3Hakkunni gedensaanni, ledo'ya hasaawanni noo sokkaasinchi alba hige qaafita, wolu sokkaasinchi isi ledo xaadara daanna afummo.

4Umi sokkaasinchi layinkihura, «Bikkinanni siiwo amadino wedellichiwa dodde marte, ‹Yerusaalamete lowo manninna lowo saada heedhannohura lowoha kinchu huxxa huxxinara didandiinanni;

5ani umi'ya gaangaawisera giirate huxxa ikke katama agareemmo gedenna wo'mu ayirrinyi'yanni hakkiicho mereerosi hee'reemmo› yee hexxo uyinosita kuli» yiisi.

6Kaaliiqi mannisira, «Ki'ne base baalate billaalliseenna'ne wole gobbara qafadantine heedhinoonniri, xa ka'ine Baabilooninni rahotenni xooqqine fultine Yerusaalame higge.

8Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

9Qoleno, «Kaaliiqi umisi ki'ne qasanno'ne; soqqamanno'ne mannino daware ki'ne mulqi'ranno» yii. Kuni duuchu ikkanno woyite, ane soyinoehu Olantote Mooticha Kaaliiqa ikkinota mannu baalu afanno.

10Kaaliiqino, «Yerusaalamete manna! Ani mereero'ne hee'rammora ki'newa daanni noommo daafira, hagiirrunni ilillisse» yii.

11Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

12Yihudu gobba qullaawa layinkimeeshsho Kaaliiqira addi jiro ikkitanno; Yerusaalameno layinkimeeshsho aneta assi'reemmo.

13Kaaliiqi qullaawu dargisinni daanno daafira, baalunku albasiinni sammi yiiyye.

← Chapter 1 Jump to: Chapter 3 →