bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
1 Corinthians 14
1 Corinthians 14
Sotho 1951 (BIBELE)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Phegelelang lerato; Le latiše dineo tša Moya, gagolo le bone gore le porofete.
2
Gobane e a bolelago ka maleme ga a bolele le batho, o bolela le Modimo; ga a kowe ke motho, o bolela diphiri tša Moya.
3
Ge e le e a porofetago, o bolela le batho tša kagišo, tša keletšo le khomotšo.
4
E a bolelago ka maleme o a ikagiša; e a porofetago o agiša phuthego.
5
Nka thaba ge le ka bolela ka maleme ka moka ga lena; fela, se nkago se thabela gagolo ke ge le ka porofeta; gobane e a porofetago o phala wa go bolela ka maleme, ge e se ge a ka hlatholla, gore phuthego e agišwe.
6
Banabešo! Ge nna bjale nka tla go lena ke bolela ka maleme, ke tlo le hola kang ge nka lesa go bolela le lena ka go le utollela le ka tsebo le ka porofeto le ka thuto?
7
Ešita le diletšo tše di se nago bophelo, e ka ba naka, e ka ba lekope, ge di sa lle ka mello ya tšona, motho a ka hlaologanya bjang ge e le naka le ge e le lekope?
8
Ge phalafala e sa lle ya gala, ke mang a tlogo tšwa dira?
9
Le lena, ge ka maleme le sa bolele taba e kwegago, se se bolelwago se ka hlathwa bjang? Le tlo ba le bolela tše di tšewago ke phefo.
10
E fela go na le mebolelo ya mehutahuta lefaseng; gomme ga go mmolelo wo o sa kwalego.
11
Bjale ge ke sa kwe se mmolelo o se bolelago, ke tlo re mmoledi ke lethoko; yena mmoledi a re lethoko ke nna.
12
Le lena ge le phegelela dineo tša Moya, le nyake tše di kago agiša phuthego gore di le hole.
13
Ke gona, e a bolelago ka maleme a rapele gore a tsebe go hlatholla.
14
Gobane ge ke rapela ka maleme, go rapela moya wa ka, mme tlhaologanyo ya ka ga e tšweletše se se kago hola motho.
15
Bjale taba ke eng? Ke tlo rapela ka moya ke rapela le ka tlhaologanyo; ke tlo opela ka moya ke opela le ka tlhaologanyo.
16
Fela, ge o ka fo leboga ka moya, motho e a dutšego fao a sa di lemoge, tebogo ya gago a ka e dumela bjang ka go re: Amene, ge a sa kwe tše o di bolelago?
17
Wena o tlo ba o itebogetše gabotse, mme ba bangwe ba se agišwe selo.
18
Nna ke leboga Modimo ge ka moka ga lena ke le phala ka go bolela ka maleme.
19
Fela, ge e le phuthegong ke hwetša go le kaone ge nka bolela mantšu a mahlano fela ka tlhaologanyo ka ruta ba bangwe, ka lesa go bolela mantšu a diketekete ka maleme.
20
Banabešo! Le se ke la ba bana temogong. Ge e le bobeng le be masea; temogong gona le be babolokatlalo.
21
Molaong go ngwadilwe gwa thwe: Setšhaba se ke tlo bolela naso ka maleme a šele le ka melomo e šele; le ge go le bjalo ba ka se ke ba nkwa.
22
Ke gona, go bolela ka maleme ke mohlolo go ba ba sa dumelego, e sego go badumedi; boporofeta ga se bja ba ba sa dumelego, ke bja ba ba dumelago.
23
Bjale, ge phuthego ka moka e phuthegile, mme ka moka la bolela ka maleme, ge go ka tsena ba ba sa dumelego, le ba ba sa di lemogego, a ba ka se ke ba re le hlakane dihlogo?
24
Ge go ka porofeta bohle, mme gwa tsena e a sa dumelego le e a sa di lemogego, bohle ba tlo mo kgothatša, bohle ba tlo mo sola.
25
Gwa tlo utologa tše di lego mo pelong ya gagwe, a tlo khunama a inama a rapela Modimo, a le hlatsela a re: Ruri, Modimo o na le lena.
26
Bjale go ka reng? Banabešo! Ge le phuthega, e mongwe a na le sefela, e mongwe a na le tša maleme, e mongwe a na le kutollo, e mongwe a na le tlhathollo, gona ka moka a di tle e be go agiša.
27
Ge e mongwe a bolela ka maleme, le wa bobedi a le gona, wa boraro a e be wa go goma; mme ba hlatlamane, wa go hlatholla a be gona.
28
Ge wa go hlatholla a se gona phuthegong, ba homole; ba ipolelele ba le nnoši le Modimo.
29
Ge e le baporofeta, a go bolele ba babedi, le ge e le ba bararo; ba bangwe e be ba go fetola.
30
Ge e mongwe wa ba ba dutšego a na le se a se utolletšwego, a bolele ge go homola e a mo rakilego pele.
31
Le ka porofeta ka moka ga lena le šalana morago, gore bohle ba rutwe, ba eletšwe.
32
Meoya ya baporofeta e bušwa ke bona baporofeta.
33
Gobane Modimo ga se Modimo wa tlhakatlhakano; ke Modimo wa molao. Ke wona mokgwa wa diphuthego tšohle tša ba bakgethwa.
34
Basadi ba lena a ba homole diphuthegong. Ga ba dumelelwe go bolela. A ba ipoetše. Le Molao o realo.
35
Ge ba na le se ba ratago go se rutwa, ba ka botšiša banna ba bona magaeng; gobane go befile ge basadi ba bolela phuthegong.
36
Goba le re lentšu la Modimo le šimologile mo go lena? Goba le re le fihlile go lena fela?
37
Ge mo go lena go ka ba le e a rego: ke moporofeta, a re: ke wa Moya, a a tsebe gore tše ke le ngwalelago tšona di tšwa go Morena.
38
Ge go ka ba le e a di ganago, a a ikganele.
39
Ke gona, Banabešo, phegelelang go porofeta; le go bolela ka maleme le se ke la go thibela.
40
Tšohle di ye ka bothakga le ka molao.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16