bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Acts 22
Acts 22
Sotho 1951 (BIBELE)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
Banna ba gešo le botate! Kwang ge ke iphetolela ke bolela le lena.
2
Ge ba ekwa a bolela nabo ka Sehebere, ba homolela ruri.
3
Paulo a re: Nna ke monna wa Mojuda. Ke tswaletšwe motseng wa Tareso wa Tsilitsia; ka tla ka golela felo fa ke le morutiwa wa Gamaliele; ka rutwa Molao wa botatawešo ka go o tiišetša ruri; ka ba mogale wa Modimo ke etša bolena lehono.
4
Ka swara tsela yeo wa go re ke hwela mo go yona; ka tlema banna le basadi, ka ba gafela kgolegong.
5
Dihlatse tša ka ke moperisita e mogolo, le lekgotla ka moka la ba bagolo, bao ke tšerego mangwalo go bona a a bego a ngwaletšwe ba gešo, ka ya Damaseko ke re ke yo tlema le ba gona kua, ke ba tliše fa Jerusalema gore ba hlokofatšwe.
6
Ka re ke sa ya, ke batametše motse wa Damaseko, e le mosegare o mogolo, ka tšhoga ke phadimelwa thoko tšohle ke seetša se segolo se etšwa legodimong.
7
Ka wela fase, ka kwa lentšu le re: Saulo! Saulo, o ntlhomaretšeng?
8
Nna ka fetola ka re: Ke wena mang, Morena? Yena a re: Ke nna Jesu wa Natsaretha yo o mo hlomerego.
9
Ba ke bego ke na nabo, seetša seo ba se bone, ba swarwa ke poifo; lentšu lona la eo a boletšego le nna, ga ba ka ba le kwa.
10
Nna ka re: Morena! O rata ge nka dirang? Morena a fetola a re: Tsoga o ye Damaseko; gona fao o tlo botšwa se o laetšwego go se dira.
11
Gomme ka ge ke šitwa go bona, ke foufaditšwe ke letago la seetša seo, ka hlahliwa ka seatla ke bao ke bego ke na nabo, ka fihla Damaseko.
12
Motseng woo go be go na le monna e mongwe wa borapedi ka Molao, ke Anania, e a bego a na le bohlatse bjo botse go Bajuda ka moka ba ba agilego fao.
13
Ke yena a tlilego go nna, a ema pele gaka, a re: Saulo, Ngwanešwana! Boela o bone. Ka foufologa e sa le semeetseng, ka mo gadia.
14
Yena a re: Modimo wa botatawešo o go swere ka seatla gore o tsebe thato ya gagwe, o bone yena Moloki, o kwe lentšu la molomo wa gagwe,
15
O kgone go ba hlatse ya gagwe go batho bohle, hlatse ya tše o di bonego le tše o di kwelego.
16
Bjale o sa diegelang? Ema o kolobetšwe, o hlatswiwe dibe tša gago ka go rapela leina la Morena.
17
Ya re mohla ke boetše Jerusalema, ke rapela Ntlongkgethwa, ka ya le Moya.
18
Ka mmona, ka mo kwa ge a re: Akgofa o tloge mo Jerusalema ka pela, gobane bohlatse bjo o mpolelago ka bjona ba ka se ke ba bo amogela.
19
Nna ka re: Morena, bona beng ba a tseba, ge e le nna ke bego ke swara ba ba dumelago, ka ba iša kgolegong, ka ba otla diphuthegong thoko tšohle.
20
Gomme mohla wola ge go tšhollwa madi a Stefano hlatse ya gago, le nna ke be ke eme gona, ke thabela lehu la gagwe, ke leta dikobo tša ba bego ba mmolaya.
21
Morena a re: Sepela! Gobane ke nna ke tlogo go romela kgole go bantle.
22
Ba mo theetša go fihla ge a bolela lentšu leo; ya ba gona ba hlatlošago mantšu, ba re: Motho yo bjalo a a tlošwe lefaseng; ga a swanela go phela.
23
Ba tsoša lešata, ba lahla dikobo ba thuntšhetša lerole godimo.
24
Molaodi a laela a re Paulo a tsentšhwe sebong, a re a otliwe a bole molato wa ge ba mo tlaletša lešata le lekaakaa.
25
Bjalo ge ba mo nganga ka dithala, Paulo a botšiša tona ye e bego e eme moo, a re: A le dumeletšwe go otla motho wa Moroma le sešo la mo sekiša?
26
Tona ya re go kwa ge a realo, ya yo bolela le molaodi wa dira ya re: O tlo reng? Motho yo ke Moroma.
27
Molaodi a tla, a botšiša Paulo a re: Mpotše; a o Moroma? Paulo a re: E!
28
Molaodi a fetola a re: Nna bogoši bjoo ke itheketše ka tšhelete e ntši. Paulo a re: Gomme nna ke bo tswaletšwe.
29
Ke mo bao ba bego ba tlo mo sekiša ba napilego ba mo tloga; molaodi a boifa ge a kwele leo la gore Paulo ke Moroma, gomme o be a mo tlemile.
30
Ka la ka moswana yena molaodi, ka gobane a rata go tseba se e lego taba, ge Bajuda ba mmea molato, a mo hunolla ditlemo, a laela a re: Baperisita ba bagolo ba tle le lekgotla la bona ka moka; a iša Paulo a mmea gare ga bona.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28