bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Acts 7
Acts 7
Sotho 1951 (BIBELE)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
1
Moperisita e mogolo a re: A taba tšeo di dutše bjalo?
2
Stefano a fetola a re: Banna ba gešo le Botate! Modimo wa letago o iponaditše go Aborahama tatawešo mola a sa le kua Mesopotamia, a sešo a aga Harane.
3
A mo laela a re: Tlogela lefase la geno, le metswalo ya gago, o ye nageng ye ke tlogo go laetša yona.
4
Ya ba gona a tlogago nageng ya Bakaladea, a aga Harane. Ge tatagwe a hwile, Modimo a mo tloša fao, a mo tliša nageng yeno le agilego go yona bjale.
5
A se mo arolele karolo mo go yona, le ge e ka ba bophara bja lwao; a fo mo holofediša a re o tlo mo fa naga ye ya ba ya gagwe le ya bana ba gagwe ba ba tlogo ba gona; ke ge a sešo a ba le ngwana.
6
Se Modimo a mmoditšego sona sese: Bana ba gago ba tlo falalela nageng e šele; ba tlo ba dira bahlanka, ba ba hlakiša nywaga e makgolo a mane.
7
Mme setšhaba seo ba tlogo ba ba hlanka ba sona Modimo a re: Ke tlo se sekiša, ya tlo ba gona ba tlogo tšwa gona, ba tla ba direla nna felo fa.
8
A mo fa kgwerano ya lebollo. Ge go dutše bjalo, Aborahama a tswala Isaka, a mmolotša ka letšatši la seswai. Isaka a tswala Jakobo; Jakobo a tswala botatawešo ba bagolo ba lesome le metšo e mebedi.
9
Botatawešo ba hufegela Josefa ba mo rekiša, a išwa Egipita. Gomme Modimo a ba le yena.
10
A mo hlakodiša mehlakong ya gagwe yohle, a mo hwetšiša botho bja Farao a mo fa bohlale. Farao a mmea mmuši wa Egipita le wa ntlo ya gagwe ka moka.
11
Gwa na gwa wa tlala nageng ya Egipita le Kanana, tlalelo ya ba e kgolo. Botatawešo ba hloka dijo.
12
Jakobo a kwa ge ba re: Mabele a kua Egipita; a roma botatawešo ba ya la pele.
13
Ge ba ile la bobedi, Josefa a tsebja ke bana babo; Farao a tseba moloko wa Josefa.
14
Josefa a roma batho ba yo tšea tatagwe le ba gabo bohle, batho ba masome a šupago le metšo e mehlano.
15
Jakobo a khudugela Egipita, a hwa; le botatawešo ba hwa.
16
Ba rwalwa ba išwa Sikeme, ba bolokwa lebitleng le Aborahama a le rekilego ka tšhelete go bagaHemoro tatago Sikeme.
17
Ge lebaka la kholofedišo yela Modimo a e enetšego Aborahama le batametše, ke ge setšhaba se godile, ba atile nageng ya Egipita.
18
Gwa ba gwa tsoga kgoši e šele ya Egipita, ye e bego e sa tsebe Josefa;
19
Ya logela ba moloko wešo maano, ya tlaiša botatawešo, ya laela ya re masea a bona a lahlwe a se phele.
20
Ke lona lebaka le Moshe a tswetšwego ka lona; a kgahla Modimo, a fepša lapeng la gabo kgwedi tše tharo.
21
Mohla ba mo lahlilego, a thwalwa ke morwedi wa Farao; yena eo a mmolela, a re ke ngwana wa gagwe.
22
Moshe a rutwa mabohlale ohle a Baegipita a ba yo maatla go direng le ditabeng.
23
Ge a šetše a godile, e le wa nywaga e masome a mane, a eleletša a re: Nke ke yo hlola bana bešo ba Isiraele.
24
A bona e mongwe a hlokofatšwa a se ne molato; a namolela eo wa go katwa, a bolaya Moegipita.
25
Pelong ya gagwe a re, bana babo ba tlo bona gore Modimo o ba phološa ka letsogo la gagwe; bona ba se di lemoge.
26
Ka la ka moswana a wela ba elwa; a ba eletša a re ba boelane, a re: Banna! Le bana ba motho o tee. Le lwelang?
27
E a rumotšego wa gabo, a mo kgorometša a re: Ke mang e a go beilego a re o be mmuši le moahlodi wa rena?
28
A re: Afa o rata go mpolaya bjalo ka ge o bolaile Moegipita maabane?
29
Moshe a re go kwa polelo yeo, a tšhaba a yo diilela nageng ya Midiane; moo a tswala barwa ba babedi.
30
Ge go fetile nywaga e masome a mane, Morongwa wa Morena a iponatša go yena lešokeng la thaba ya Sinai a le kgabong ya mollo sethokgwaneng.
31
Moše ge a iša mahlo, a kgotsa pono yeo. Ge a sa batamela gore a bone, a kwa lentšu la Morena le re:
32
Ke nna Modimo wa botatago, Modimo wa Aborahama, Modimo wa Isaka, Modimo wa Jakobo! Moshe a swarwa ke go roromela, a šia le go lebelela.
33
Morena a bolela nae a re: Rola dieta naong tša gago, gobane felo fa o emego gona ke naga e kgethwa.
34
Ke bone pateletšo ya setšhaba sa ka se se lego kua Egipita; ke kwele dikolomelo tša bona. Ke tlile go ba namolela; bjalo tlaa ke go rome kua Egipita.
35
Yena Moshe eo ba mo nyaditšego ba re: Ke mang a go beilego mmuši le moahlodi, ke yena yo Modimo a mo romilego a ba mmuši le molopolodi, ka seatla sa Morongwa e a iponaditšego go yena moo sethokgweng.
36
Ke yena a ba ntšhitšego ka go dira mehlolo e mentši le dika tša bohlatse nageng ya Egipita, le lewatleng le Lehwibedu le lešokeng; a fetša nywaga e masome a mane a dira tše bjalo.
37
Ke yena Moshe wa go botša Baisiraele a re: Morena Modimo wa lena o tlo tsoša Moporofeta e a swanago le nna; o tlo tšwa go bana beno. Yena eo le mo theetšeng.
38
Ke yena Moshe a bego a na le setšhaba lešokeng thabeng ya Sinai, a ba le Morongwa e a boletšego le yena le botatawešo; ke yena a amogetšego thuto e phelago a re nea.
39
Ke yena botatawešo ba gannego go mo kwa, ba mo kgoromeletša kgole, dipelong tša bona ba retologela Egipita.
40
Ke mola ba bolela le Arone ba re: Re direle medimo ya go re eta pele, ka gobane tše di wetšego monna e Moshe, wa go re ntšha nageng ya Egipita, rena ga re di tsebe.
41
Mehleng yeo ba dira namane. Seswantšho seo ba se tlišetša didimo; ba thabela mediro ya diatla tša bona.
42
Modimo a ba fularela, a ba lesa ba blankela makoko a legodimo, ka mo go ngwadilwego pukung ya baprofeta, gwa thwe: A lena ba moloko wa Isiraele, nywaga yela ya masome a mane le le lešokeng, le be le fa nna dibego tša dikgomo le didimo,
43
le be le šikere mokutwa wa Mologo le naledi ya Remphane modimo wa lena. Diswantšho tše le itiretšego tšona la di khunamela; gwa thwe: Ke tlo le khudušetša kgole, la tlo ba la feta motse wa Babele.
44
Botatawešo ba be ba na le Ngwako wa Bohlatse kua lešokeng, wo ba o laetšwego ke yena ge a botša Moshe a re a o dire o tle o swane le wo a o bonego.
45
Ngwako woo wa Bohlatse, botatawešo ba o amogetše, ba o tliša nageng yeno, e bego e dutšwe ke bantle, ba Modimo a ba rakilego ge botatawešo ba fihla ba na le Joshua. Gwa ba gwa tla mehla ya Dafida.
46
Ke yena a bonego go gaugelwa ke Modimo: a kgopela gore a laetšwe felo fa go aga Ngwako wa Modimo wa Jakobo.
47
Mme ngwako woo wa Modimo wa agiwa ke Salomo.
48
Fela, Yogodimodimo ga a dule mo go tše di dirilwego ka diatla. Ke sona se moporofeta a se boletšego a re:
49
Magodimo ke sedulo sa ka sa bogoši. Lefase ke bogato bja dinao tša ka. Bjale Ngwako wo le kago nkagela wona o ka ba kae? Le bodulo bjo nkago khutša gona bo ka ba kae?
50
A ga se letsogo la ka le le dirilego tšeo tšohle?
51
Lena ba melala e methata, ba go se bolle dipelo le ditsebe! Ka mehla le ganetša moya o Mokgethwa. Tše botataweno ba di dirilego, ke tše lena le di dirago.
52
Ke ofe moporofeta yo botataweno ba sa kago ba mo hlomarela? Ba bolaile bao ba bego ba mmolela pele, yena mothomoloki, yo lena le mo ekilego la mmolaya.
53
Lena le filwego molao ka go laeletšwa ke barongwa, moka le se o lotole.
54
Ya re ge ba ekwa Stefano a realo, ba betwa ke dipelo, ba lomanya meno ba mo lebeletše.
55
Yena a tlala Moyamokgethwa, a lelalela legodimong, a bona letago la Modimo; a bona Jesu a eme ka letsogong le letona la Modimo;
56
a bolela a re: Tsebang, ke bona magodimo a bulegile; Morwamotho ke mmona a eme ka letsogong le letona la Modimo.
57
Bona ba goa ka mantšu a magolo, ba ithiba ditsebe, ba mo wela godimo bohle ka gotee,
58
ba mo kgoromeletša kua ntle ga motse, ba mo thuma ka mabje. Ba dihlatse ba bea dikobo tša bona fase pele ga lesogana le lengwe, le ba bego ba re ke Saulo.
59
Ge ba thuma Stefano ka maswika, yena Stefano a rapela a re: Morena Jesu! Amogela moya wa ka.
60
A khunama ka matolo, a hlaboša lentšu a re: Morena, o se ba balele sebe se! A realo, a ithobalela.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28