Nehemiah 11

Sotho 1951 (BIBELE)

← Chapter 10 Jump to: Chapter 12 →

1Bagolo ba setšhaba ba na ba aga motseng wa Jerusalema; ge e le ba bangwe ba setšhaba ba dira matengwa a gore mo go ba lesome go tšwe o tee, a dule motseng wa Jerusalema, motseng o mokgethwa; ba senyane ba ye ba dule metseng e mengwe.

2Gomme banna ba ilego go dula Jerusalema ka go ithatela, bona setšhaba se ba šegofaditše.

3Bakgoma ba dilete ba be ba agile Jerusalema, mola ba agile le kua metseng ya Juda; e mongwe le e mongwe o be a dula lapeng la gagwe motseng wa gabo wa Baisiraele, ba na le baperisita le Balefi le bahlanka ba Ntlokgethwa, le ba leloko la bahlanka ba Salomo.

4Ba bangwe ba leloko la Juda le la Benyamini ba be ba agile Jerusalema. Ba leloko la Juda e be e le Athaya morwa wa Usia morwa wa Sefatya morwa wa Mahalaliele wa gaPheretse,

5le Maaseya morwa wa Baruki morwa wa Kolohose morwa wa Hosaya morwa wa Adaya morwa wa Joyariba morwa wa Sakaria morwa wa Siloni.

6Ba ga Pheretse ka moka ba ba dutšego Jerusalema e be e le ba makgolo a mane le masome a selelago a metšo e seswai, banna ba bagale.

7Babenyamini šeba: Ke Salu morwa wa Mesulama morwa wa Joede morwa wa Pedaya morwa wa Kolaya morwa wa Maaseya morwa wa Ithiele morwa wa Jesaya.

8A hlatlangwa ke Gabai le Salai, e le ba makgolo a senyane a masome a mabedi a metšo e seswai.

9Mohlapetši wa bona e be e le Sikiri; mohlapetši wa bobedi wa motse e be e le Juda morwa wa Senua.

10Baperisita ba ba bego ba dutše motseng wa Jerusalema e be e le Jedaya morwa wa Joyariba, le Jakini,

11le Seraya morwa wa Hilikia morwa wa Mesulama morwa wa Tsadoko morwa wa Merayothe morwa wa Ahitobo, e bego e le modiši wa Ngwako wa Modimo,

12le bana ba bobona ba ba dirago modiro Ngwakong wa Modimo; e be e le ba makgolo a seswai le masome a mabedi a metšo e mebedi; le Adaya morwa wa Jerohama morwa wa Pelalia morwa wa Amatsi morwa wa Sakaria morwa wa Pashuri morwa wa Malakia,

13le bana babo ba e bego e le bagolo ba meloko, e be e le ba makgolo a mabedi a nago le masome a mane a metšo e mebedi; le Amasai morwa wa Asariele morwa wa Ahasai morwa wa Mesilemothe morwa wa Imere,

14le bana babo ba bagale e be e le ba lekgolo le masome a mabedi a metšo e seswai; mohlapetši wa bona e be e le Sabadiele morwa wa Gedolima.

15Ba Balefi e be e le Semaya morwa wa Hasuba morwa wa Asirikama morwa wa Hasabja morwa wa Buni,

16le Sabathai, le Josabadi, e lego ba bangwe ba bagolo ba Balefi ba ba beetšwego mo Ngwakong wa Modimo;

17le Mathanya morwa wa Mika morwa wa Asafa yena mohlabeledi wa pele dikopelong tša dithapelo, mme Bakabukia e be e le wa bobedi mo go bana babo; le Abada morwa wa Samua morwa wa Galala morwa Jeduthune.

18Balefi ka moka ba ba dutšego motseng o mokgethwa e be e le ba makgolo a mabedi le masome a seswai le metšo e mene.

19Baletakgoro boAkuba le Talamoni le bana ba bobona ba go leta dikgoro e be e le ba lekgolo le masome a šupago le metšo e mebedi.

20Ba bangwe ba Baisiraele le ba baperisita le Balefi ba be ba dutše metseng ya Juda mo dinageng tša bona.

21Bahlanka ba Ntlokgethwa bona ba be ba agile mmotong wa Ofele; bahlapetši ba bona e be e le Tsiage le Gisipa.

22Mohlapetši wa Balefi motseng wa Jerusalema e be e le Usi morwa wa Bani morwa wa Hasabja morwa wa Mathanya morwa wa Mika, e mongwe wa barwa ba Asafa, e be e le bona ba ba dirago modiro wa baopedi Ngwakong wa Modimo.

23Gobane taelo ya kgoši ka baka la bona e be e le gore baopedi ka mehla ba fiwe se se ba lebanego.

24Petaya morwa wa Mesesabiele wa ga Sera morwa wa Juda e be e le letona la kgoši ditabeng tša setšhaba ka moka.

25Ge e le ba bangwe ba Bajuda ba kua metsaneng le mašemong ba be ba agile Kireathe-Araba le metsaneng ya gona, le Diboni le metsaneng ya gona, le Jekabasiele le metsaneng ya gona,

26le kua Jeshua, le Molada, le Bethe-Pelethe,

27le kua Hatsara-Suale, le Bereseba le metsaneng ya gona,

28le kua Tsikilaga, le Mekona le metsaneng ya gona,

29le kua Ene-Rimoni, le Tsarea, le Jaramuthe,

30le Sana, le Adulama le metsaneng ya gona, le Lakisi le mašemong a gona, le Aseka le metsaneng ya gona; ba aga go tloga Bereseba go fihla moeding wa Hinomi.

31Babenyamini ba be ba agile metseng e tlogago Gaba ya fihla Aya, le Bethele le metsaneng ya gona,

32le Anathothe, le Nobe, le Ananya,

33le Hatsora, le Rama, le Githaima,

34le Hadidi, le Tseboima, le Nebalathe,

35le Lodi, le Ono moeding wa babetli.

36Balefi ba bangwe ba ba bego ba na le dinaga go la Juda, ba be ba agile le Babenyamini.

← Chapter 10 Jump to: Chapter 12 →