bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Nehemiah 9
Nehemiah 9
Sotho 1951 (BIBELE)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
1
Ka la masome a mabedi a metšo e mene la kgwedi yeo Baisiraele ba kgobokana, ka ikona dijo ba apere mankgeretla, ba itšhetše dihlogo lerole.
2
Ba e bego e le ba mohuta wa Isiraele ba itlhaola go ba ditšhaba, ba ema ba bobola dibe tša bona le melato ya botatabo.
3
Ba ema felo fala ga bona, mme gwa balwa puku ya molao wa Morena Modimo wa bona ka nako tše tharo tša letšatši; ba tsebo fetša tše dingwe tše tharo ba ipobola ba rapela Modimo wa bona.
4
Gomme Jeshua, le Bani, le Kadimiele, le Sebanya, le Buni, le Serebya, le Bani, le Kenani, bona ba ba hlaboša mantšu ba rapela Morena Modimo wa bona ba eme mo sethaleng se se phagamilego sa Balefi.
5
Gomme Balefi, boJeshua, le Kadimiele, le Bani, le Hasabaneya, le Serebja, le Hodia, le Sebanya, le Phetay, ba re: Emang le rete Morena Modimo wa lena wa mehleng ya kgale le mehleng ya neng le neng. Go retwe inadima lagwe le sa fihlelwego ka ditheto le ka ditumišo.
6
Morena ke wena o nnoši, Motheamagodimo a godimodimo, le lefase le tšohle tše go lona, le mawatle le tšohle tše go ona. Mme tšohle o a di phediša; makoko ohle a leratadima a go lotšha.
7
Ke wena o lego Morena, Modimo yola wa go kgetha Aborama, wa mo ntšha Uri Kaladea, wa mo rea la Aborahama.
8
Wa mo hwetša e le wa pelo ya go go botegela; wa tlema kgwerano le yena, wa re: Naga ye ya Bakanana le Bahethe, ya Baamoro le ya Bapherese, le ya Bajebusi le Bagirigasi, wa re: Ke e fa bana bago! Wa ba wa dira ka mo o boletšego; gobane Moloki ke wena.
9
Wa bona borrawešo ba lla tšhego Egipita, wa theetša kolomelo tšabo kua Lehlakawatle.
10
Farao le dikala le malata wa ba dira tše matete le mehlolo, o bone ba ba dira ka sehlogo; wa ithetiša le nankhono.
11
Le lewatle wa fatola mme ba tsena, ba tshela gara watle go omile. Bahwarihli wa ba wetša mafuleng, ba tompela wa letlapa madibeng.
12
Mosegare wa ba eta pele o le mo lerung; bošego ya ba mollo, serumula sa leeto labo.
13
Thaba ya Sinai, o fologetše mo go yona; wa bolela nabo o le godimong, wa ba nea mekgwa ya go loka, le melao ya therešo, ditaelo le tshwanelo tše di bolo.
14
Tšatši lago la Sabathakgethwa wa ba tsebiša lona, wa ba laela ditshwanelo le taelo le melao ka Moshe molata wago.
15
Tlaleng ya bona wa ba nea dijo ditšwagodimong, wa phula meetse a lentsweng mohla ba nyorilwe, wa re: ba yo tšea naga yela, ye o ba enetšego yona, wa re e tlo ba ya bona.
16
Fela, bona borrawešo baipoti, ba dinganga, ba lesa go kwa mo o bego o ba laya.
17
Ba gana go kwa; ba gakwa tša mola o dira matete ka baka la bona. Ba nganga, ba ngala, ba re ba boela bohlankeng; ba realo ba ne lonya. Mme wena Modimo, Ramabobo, Radikgaugelo, Ralešoko, Mosafelapelo, Mmatabotho, ga wa ka wa ba lahla.
18
Le mola ba dira namane ya seswantšho, ba re ke modimo morentšha Egipita, ba dira dilalogi tše dikgolo,
19
wena wa nama le mabobo ago a magolo, wa se ba tlogele mašokeng; leru la thololo mosegare la fela le ba hlahla; mollo wa thololo wa fela o ba bonegela tsela ya bošego.
20
Wa ba nea Moya wago wa tše bolo wa ba ruta; wa se be wa ba kuna manna yago; wa fela o ba nea meetse ba nyorilwe.
21
Wa ba ekelela mašokeng ka nywaga e masomemane, ba se hloke selo, gwa se onale kobo, gwa se ruruge nao.
22
Wa ba gafela naga le ditšhaba; wa ba beela mellwane ya bona; ba tšea naga ya Sihoni, le ya Ogo kgoši ya Basani.
23
Wa ba atišetša bana bokanaledi tša legodimo; wa ba goroša mo nageng ye o e baletšego botatabo wa re e tlo ba ya bona.
24
Mme bana ba bona ba tsena go yona ba aga; Bakanana beng ba yona wa ba fenya ge go fihla bona; dikgoši tša bona, dilete tša bona, o di gafetše bona ba di dira ka mo ba ratago.
25
Ba thopa naga ya dibo le ya makhura, ba tšea nywako e tletšego thoto ya mehutahuta, le didiba tše di epilwego, le dirapa tša merara le mehlware le meremelewa e mentši. Ba ja ba khora ba huma, ba ipshina ka menate ka botho bjago bjo bogolo.
26
Mme bona ba nganga ba go hlanogela, ba lahla molao wa gago, ba na ba o fularela. Baboni ba gago ba go ba kgothatša ba ba bego ba re: ba boele go wena, ba ba bolaile, ba dira dilalogi tše dikgolo.
27
Wa ba wa ba gafela manaba a bona, a ba hlohla. Ya re ge ba pategile ba hlaboša mantšu ba go bitša; wa ba kwa o le godimong; mme ka mabobo a magolo wa ba nea banamodi, ba ba namola diatleng tša batlaiši bao.
28
Gomme ya re ge ba khutšišitšwe, ba buša ba go senyetša; mme wa ba lahlela matsogong a manaba a bona. Ya na ya re ge ba sokologa ba hlaboša mantšu ba go bitša, wa ba kwa o le godimong, wa ba hlakodiša ka mabobo a magolo ka mabaka a mantši.
29
Wa ba kgothatša wa re ba boele molaong wa gago; bona ka lonya ba gana go kwa taelo tša gago; ba senya mekgwa ya gago, ye e rego ge motho a e dira, a phela. Bona ba go fularela, ba nganga, ba gana go go kwa.
30
Wena wa fetša mengwaga e mentši o sa ba felele pelo, wa ba kgaya ka Moya wa gago, ka baporofeta bago. Bona ba gana go theetša; wa ba wa ba gafela mo atleng tša ba ditšhaba tša dinaga.
31
Fela, ka mabobo a magolo ago wa se ke wa ba fediša; wa se ke wa ba lahla. Gobane o Modimo wa dikgaugelo, yo lešoko.
32
Mme bjalo Modimo wa rena, wena Modimo e mogolo, Ramaatla, Mmoifegi, Mmotegikgweranong, Mmatabotho! Se nyatše ditlaišego tše di re wetšego, rena le kgoši tša rena, le bakgoma ba rena, le baporofeta le botatawešo, setšhaba sa gago ka moka, go tloga mehleng yela ya dikgoši tša Asuri, le nankhono.
33
Ka tšohle tše di re wetšego wena o dirile tše re swanetšego go di dirwa. Wena o re botegetše, gwa hlanoga rena.
34
Dikgoši tša rena, le bakgoma ba rena, le baperisita ba rena, le botatawešo, re sentše molao wa gago, re nyaditše taelo tša gago, le mabohlatse a gago a o ba filego ona.
35
Ga ba ka ba boa ba lahla mediro e mebe ya bona, ba ganne go hlankela wena mo mmušong wa bona, le ka menono ye o ba filego yona e mentši, le ge o ba neile naga ya bonami le bogale.
36
Ke ka baka leo ge lehono re bušwa go šele; re bahlanka re le mo nageng ye o e filego borrawešo wa re ba je dikenyo tša yona, menono ya yona.
37
Puno ya yona ke ya metšhelo ya dikgoši, tše o re beetšego tšona ka baka la dibe tša rena. Di re buša ka go ithatela mebele ya rena le ruo tša rena. Re mo tlaleong e kgolo.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
All chapters:
1
2
3
4
5
6
7
8
9
10
11
12
13