bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Nehemiah 7
Nehemiah 7
Sotho 1951 (BIBELE)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
1
Ge morako o šetše o agilwe, ka thwela mamati, gwa ba gwa bewa bahlapetši le baopedi ba Balefi.
2
Nna ka laela Hanani ngwanešo, le Hananya molaodi wa sebo sa Jerusalema, gobane e be e le monna e a botegago, e a boifago Modimo go fetiša ba bantši,
3
ka ba rera ka re: Dikgoro tša Jerusalema di se ke tša bulwa ge go sešo gwa ruthela; mme e tswalelwe bahlapetši ba sa eme ntshe; le di tswalele le tiiše; mme baleti e be ba ba agilego Jerusalema; e mongwe le e mongwe a be le tišo ya gagwe mo go lebanego ngwako wa gagwe.
4
Bjale motse wa Jerusalema o be o namile thoko tšohle, e le o mogolo, mme batho ba gona ba be ba se nene; mme nywako yona e be e sešo ya agiwa.
5
Modimo wa ka a nkeletša gore ke bothe ba bagolo ba setšhaba le bakgoma, gore ke ba ngwale ka go ya ka meloko ya bona; ka hwetša lengwalo le meloko ya ba ba tlilego mola pele; ka hwetša ba ngwadilwe ka go re:
6
Batho ba selete se, ba ba rotogilego ba etšwa kgolegong ya bothopša, bao Nebukadinetsara kgoši ya Babele a bego a ba thopile, mme ba boela Jerusalema le Juda, ba boela metseng ya bona ka moka.
7
Ba tlile le Serubabele, le Jeshua, le Nehimia, le Asaria, le Raamia, le Nahamani, le Moredokai, le Bilisani, le Misiperethe, le Bigifai, le Nehuma, le Baana, Palo ya banna ba setšhaba sa Isiraele še:
8
Ba ga Pareose ke ba dikete tše pedi le lekgolo le nago le masome a šupago a metšo e mebedi.
9
Ba ga Sefatya ke ba makgolo a mararo a nago le masome a šupago a metšo e mebedi.
10
Ba ga Arahe ke ba makgolo a selelago a nago le masome a mahlano a metšo e mebedi.
11
Ba ga Phalathe-Moaba ba ga Jeshua le ba ga Joaba ke ba dikete tše pedi le makgolo a seswai a nago le lesome la metšo e seswai.
12
Ba ga Elama ke ba sekete se nago le makgolo a mabedi a nago le masome a mahlano a metšo e mene.
13
Ba ga Sathu ke ba makgolo a seswai a nago le masome a mane a metšo e mehlano.
14
Ba ga Sakai ke ba makgolo a šupago a nago le masome a selelago.
15
Ba ga Binui ke ba makgolo a selelago a nago le masome a mane a metšo e seswai.
16
Ba ga Bebai ke ba makgolo a selelago a nago le masome a mabedi a metšo e seswai.
17
Ba ga Asigadi ke ba dikete tše pedi le makgolo a mararo a nago le masome a mabedi a metšo e mebedi.
18
Ba ga Adonikama ke ba makgolo a selelago a nago le masome a selelago a metšo e šupago.
19
Ba ga Bigifai ke ba dikete tše pedi di nago le masome a selelago a metšo e šupago.
20
Ba ga Adina ke ba makgolo a selelago a nago le masome a mahlano a metšo e mehlano.
21
Ba ga Atere ba Hiskia ke ba masome a senyane a metšo e seswai.
22
Ba ga Hasuma ke ba makgolo a mararo a nago le masome a mabedi a metšo e seswai.
23
Ba ga Betsai ke ba makgolo a mararo a nago le masome a mabedi a metšo e mene.
24
Ba ga Harifa ke ba lekgolo le nago le lesome la metšo e mebedi.
25
Ba Gibeoni ke ba masome a senyane a metšo e mehlano.
26
Banna ba Betlehema le Netofa ke ba lekgolo le masome a seswai a metšo e seswai.
27
Banna ba Anathothe ke ba lekgolo le nago le masome a mabedi a metšo e seswai.
28
Banna ba Bethe-Asimafethe ke ba masome a mane a metšo e mebedi.
29
Banna ba Kireathe-Jearima le ba Kafira le Beerothe ke ba makgolo a šupago a nago le masome a mane a metšo e meraro.
30
Banna ba Rama le Gaba ke ba makgolo a selelago a nago le masome a mabedi a motšo o tee.
31
Banna ba Mikimase ke ba lekgolo le nago le masome a mabedi a metšo e mebedi.
32
Banna ba Bethele le Ai ke ba lekgolo le nago le masome a mabedi a metšo e meraro.
33
Banna ba Nebo e mongwe ke ba masome a fetšago seatla a metšo e mebedi.
34
Ba ga Elama e mongwe ke ba sekete le makgolo a mabedi a nago le masome a mahlano a metšo e mene.
35
Ba ga Harima ke ba makgolo a mararo a nago le masome a mabedi.
36
Ba Jeriko ke ba makgolo a mararo a nago le masome a mane a metšo e mehlano.
37
Ba ga Lodi le Hadidi le Ono ke ba makgolo a šupago a nago le masome a mabedi a motšo o tee.
38
Ba ga Senaa ke ba dikete tše tharo le makgolo a senyane a nago le masome a mararo.
39
Baperisita šeba: Ba ga Jedaya ba leloko la Jeshua ke ba makgolo a senyane a nago le masome a šupago a metšo e meraro.
40
Ba ga Imere ke ba sekete se nago le masome a mahlano a metšo e mebedi.
41
Ba ga Pashuri ke ba sekete le makgolo a mabedi a nago le masome a mane a metšo e šupago.
42
Ba ga Harima ke ba sekete se nago le lesome la metšo e šupago.
43
Balefi šeba: Ba ga Jeshua ba Kadimiele le ba ga Hodoa ke ba masome a šupago a metšo e mene.
44
Baopedi ba ga Asafa ke ba lekgolo le nago le masome a mane a metšo e seswai.
45
Baletakgoro ba ga Salume le ba ga Atere le ba ga Telamone le ba ga Akuba le ba ga Hatita le ba ga Sobai ke ba lekgolo le tee le nago le masome a mararo a metšo e seswai.
46
Bahlanka ba Ntlokgethwa ke ba ga Tsiha, le ba ga Hasufa, le ba ga Tabaothe,
47
le ba ga Kerose, le ba ga Sia, le ba ga Phadoni,
48
le ba ga Lebana, le ba ga Hagaba, le ba ga Salamai,
49
le ba ga Hanane, le ba ga Gidele, le ba ga Gahari,
50
le ba ga Reaya, le ba ga Retsini, la ba ga Nekoda,
51
le ba ga Gasama, le ba ga Usa, le ba ga Pasea,
52
le ba ga Besai, le Bameuni, le Banefusi,
53
le ba ga Bakabuki, le ba ga Hakufa, le ba ga Harahuri,
54
le ba ga Basilithe, le ba ga Mehida, le ba ga Harisa,
55
le ba ga Barakosi, le ba ga Sisera, le ba ga Thama,
56
le ba ga Netsia, le ba ga Hatifa.
57
Ba bahlanka ba Salomo šeba: Ke ba ga Sotai, le ba ga Soferethe, le ba ga Pherida,
58
le ba ga Jaala, le ba ga Darikoni, le ba ga Gidele,
59
le ba ga Sefatya, le ba ga Hatili, le ba ga Pokerethe-Hatsebaima, le ba ga Amoni.
60
Bahlanka ka moka ba Ntlokgethwa le ba bahlanka ba Salomo ke ba makgolo a mararo a nago le masome a senyane a metšo e mebedi.
61
Ba ba bego ba tšwa Thelemela le Theleharesa le Keruba le Adoni le Imere, le bona ba rotoga, fela ba šitwa go laodiša tlhago ya bona le mohuta wa bona ge e le Baisiraele.
62
Ba ga Delaya le ba ga Hakotse le ba ga Nekoda e be e le ba makgolo a selelago a nago le masome a mane a metšo e mebedi.
63
Ba e bego e le baperisita ke ba ga Habya le ba ga Hakotse le ba ga Barasilai, e a bego a tšere e mongwe wa barwedi ba ga Barasilai Mogileada mme a bitšwa ka lebitšo la bona.
64
Bona ba na ba tsoma mangwalo a matswalo a bona, ba a hloka mme ba ntšhiwa boperisiteng.
65
Molakanaga a ba botša a re: Le se ke la ja tša sekgethwakgethwa go be go tšwelele moperisita e a nago le seetša le toko.
66
Phuthego ka moka ga yona e be e le ba dikete še masome a mabedi le makgolo a mararo a nago le masome a selelago,
67
go sa balwe balata ba bona ba banna le ba basadi; bona e be e le ba dikete tše di šupago le makgolo a mararo le masome a mararo a metšo e šupago; le gona go be go na le baopedi ba banna le ba basadi ba makgolo a mabedi a nago le masome a mane a metšo e mehlano.
68
Dipitsi e be e le makgolo a šupago a nago le masome a mararo a metšo e selelago; dimeila e be e le tše makgolo a mabedi le masome a mane a metšo e fetšago seatla.
69
Dikamela e be e le tše makgolo a mane a nago le masome a mararo a metšo e mehlano; dipokolo e be e le tše dikete tše di selelago le makgolo a šupago a nago le masome a mabedi.
70
Gomme ba bangwe ba e lego bagolo ba meloko ba ntšhetša modiro dineo; moaganaga a tšhela diponto tše sekete polokelong, a ntšha meruswi e masome a mahlano, le diaparo tša baperisita tše makgolo a mahlano le masome a mararo.
71
Ba bangwe bagolo ba meloko ba tšhela diponto tše dikete tše masome a mabedi polokelong ya modiro, ba ntšha le silifera e ka bago ya diponto tše dikete tše lesome la metšo e meraro.
72
Ba bangwe ba setšhaba ba ntšha diponto tše dikete tše masome a mabedi, le silifera e ka bago ya diponto tše dikete tše lesome la metšo e mebedi, le diaparo tša baperisita tše masome a selelago a metšo e šupago.
73
Ge e le baperisita, le Balefi, le baletakgoro, le baopedi, le ba bangwe ba setšhaba, le bahlanka ba Ntlhokgethwa, le Baisiraele ka moka, ba be ba dula metseng ya gabo bona.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
All chapters:
1
2
3
4
5
6
7
8
9
10
11
12
13
Recommended Reading
Commentary
Nehemiah Commentaries
→
Devotional
Nehemiah Devotional Guide
→
Get This Bible
BIBELE Study Bible
→