bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Revelation 5
Revelation 5
Sotho 1951 (BIBELE)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Ka bona seatleng se setona sa eo a dutšego sedulong sa bogoši go le lengwalo le le ngwadilwego ka teng le ka ntle, le le tlemilwego ka mahuto a šupago.
2
Ka bona Morongwa wa maatla a goelela ka lentšu le legolo a re: Ke mang a loketšwego ke go bula lengwalo le, le go kgaola mahuto a lona?
3
Mme legodimong, le mo lefaseng, le tlase ga lefase, go be go se e a kgonago go bula lengwalo leo le go le bona.
4
Nna ka lla gagolo, ge go hlokwa e a swanetšwego ke go bula lengwalo leo le go le bona.
5
E mongwe wa bagolo a bolela le nna a re: Se lle. Tseba gore go fentše Tau ya loko la Juda, Lehlogedi la modu wa Dafida, gore a bule lengwalo leo, a kgaole mahuto a lona a šupago.
6
Ka bona mo gare ga sedulo sa bogoši, le gare ga diphedi tše nne le magare a bagolo go eme Kwana ye e kego e hlabilwe, e na le dinaka tše šupago le mahlo a šupago, e lego Meoya e šupago ya Modimo, ye e rometšwego lefaseng ka moka.
7
Yona Kwana ya tla ya tšea lengwalo seatleng sa eo a dutšego sedulong sa bogoši.
8
Kwana ge e tšea lengwalo leo, diphedi tše nne le bagolo ba masome a mabedi le metšo e mene, ba lotšha Kwana, e mongwe le e mongwe a swere seletšo le moruswi wa gauta o tletšego diorelo; ke dithapelo tša bakgethwa.
9
Ba opela sefela se sefsa, ba re: Di go swanetše, ge o tšea lengwalo wa kgaola mahuto a lona; gobane o hlabilwe mme go ba meloko yohle le maleme ohle le ditšhaba tšohle le go Bantle bohle, o na le ba o ba reketšego Modimo ka madi a gago,
10
wa ba dira magoši le baperisita ba Modimo wa rena; mme ba tlo buša mo lefaseng.
11
Ka lebelela, ka kwa mogoo wa Barongwa ba bantši ba ba dikaneditšego sedulo sa bogoši le diphedi tšeo le bagolo bao; palo ya bona e le kgoloborethe le diketekete.
12
Ba hlaboša mantšu ba re: Kwana ye e hlabilwego e loketše go tšea maatla le lehumo le bohlale le go kgona le go godišwa le go retwa le go lebogwa.
13
Ka kwa dibopša tšohle tša legodimong le lefaseng, le tša tlase ga lefase le lewatleng, tšohle tše di lego madulong ao, ka di kwa di re: Go eo a dutšego sedulong sa bogoši, le go Kwana a go išwe tebogo le kgodišo, le theto le maatla go iša mehleng ya neng le neng.
14
Diphedi tše nne tšela tša re: Amene! Bagolo bala ba masome a mabedi a metšo e mene ba lotšha ba khunamela eo wa go phela go iša mehleng ya neng le neng.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22