bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ecclesiastes 1
Ecclesiastes 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
Mihayo ya Nomeeji, ng'witūnja o ng'wa Daūdi, ūyo walī ntemi mu Yelusalemu.
2
“Ndūhū ngofyoolo! Ndūhū ngofyoolo!” Ū Nomeeji alīhaya gīkī, “Ndūhū ngofyoolo nūūlū hado!” Būlī mhayo gūtī na ngofyoolo!
3
Ū munhū akapandīkaga solobo kī ū kūfuma ū mu milīmo yakwe īyo akīkoya koyelaga ha sīlīlī ya līīmi?
4
Shibyalīlwe na shibyalīlwe shikiyīngīlaga, ūlū shabīta īshi shiiza shingī. Alīyo ī sī īlī gīt'ūmò īkikalīlaga na kale dūhū.
5
Ī līīmi nalyo līkafumaga na līkalokaga, līkihuutaga kūshoka hangī ūko līkafumīīlaga.
6
Ū nyaga gūkahembaga gūjile dakama, hūna gwashokanya sukuma hangī, ū mu lūgendo lwago gūkipīndīīlaga gīko dūhū būlī gwa.
7
Pyī ī myongo īkahūūmaga ītūngīīlile mu nyanza, alīyo ī nyanza ītokalaga nūūlū hado; a minzī ga mu myongo gakahūūmaga gashokile hangī ūko gakafumaga.
8
Pyī ī mihayo īkayeechaga na kayeekeje kangī nako, ako atīho munhū wa kūdūla kūkasomboola. Ī liso lītoyaga ū kūnoneelwa ū kūlola, nū gūtū nago gūtigejaga ū kūdegeleka.
9
Īyo īlīho ī haha īkwilonga hangī dūhū, nī yīyo yamala kūbeejiwa īkūbeejiwa hangī; gūtīho mhayo mpya a ha sīlīlī ya līīmi.
10
Angū, shilīho shikolo īsho munhū adūgije kūhaya gīkī, “Ūlīshibona ī shenīshi, shipya”? Nguno shilīho dūhū kwīngīīla kale, shalīho na a haho tūtaalī kūbiza ho a bise.
11
Īyo yamala kūbīta atīho wa kwīyizūkwa, nī yīyo īliza kū shikū ja kū būtongi, ūlū yūlinda yūbīta batīyizūkwa a ba shibyalīlwe īsho shikūlondeela.
12
Ū nene Nomeeji naalī ntemi wa Baisilaeli mu Yelusalemu.
13
Naalī nifunya mu būshikanu bose kūtūmamīla masala, nīlole mu welwa ng'holò, na kwīgīsīlīja pyī īyo īkīītagwa ha sīlīlī y'igūlū. Ū Mulungu abahelelile nigo ndito no a banhū!
14
Nībona pyī īyo īkīītagwa ha sīlīlī ya līīmi, ndūhū mo gete ū gwa kūsola, īlī gītī kūpeeja lūyaga dūhū!
15
Īsho shichaama chaamile shitī na būgoloolele; hama īsho shitīho, ndūhū ū kūshiisaaba.
16
Hūna nandya kwiganika nakwiwīlaga, “Yū ūlū a masala dūhū, a gene naagabbakīgije; nīyo kūbaheeba pye abo baalī basugile ū mu Yelusalemu aho nataalī kūbiza ho ū nene. Na a maganiko gane gīībītīlile mingī no, nose ī haha nalī na masala na witegeleja būtaale kīngī nasho.”
17
Hūna nandya kwideedeng'hanya ū mu maganiko gane nagamane ūmo galī a masala, nū lūtūgà, nū būbbūūlī. Alīyo nūbona gīkī, nū gwenūyū nago gūtikīlile na kūpeeja lūyaga!
18
Nguno ū mu kūkwīja masala, nū būpīna būkiyongejaga. Ū kūbiza na būmani būtaale, hū kwiyongegeja na a makoye.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12