bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ecclesiastes 8
Ecclesiastes 8
Sukuma 2019
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Nani ūyo abange gītī munhū wa masala? Nani amanile ū kwīyoolecha ī mihayo ūmo īlī? A masala gakang'wītaga ū munhū abize na būshū wa būyegi, ū būshū wakwe wīnga ū būgakanazu.
2
Nalīkūwīla shidimage ī shilagīlo sha ntemi, nguno walahīla kū būtongi bo ng'wa Mulungu.
3
Yaya ū kwiyangūhīlīja kwinga mu būtongi bo ntemi, ūtizūgunīja mihayo īyo ītī mu nzīla, nguno ū wei adūgije kwīta mhayo gose gose ūyo gūnyeja.
4
Ī gīsī īkī ū mhayo gwa ntemi gūlī ntaale, nani ūyo adūgije kūnkuuma alīhaya, “Ūlīīta mhayo kī ū gwenūyo?”
5
Ū munhū wa kūdima shilagīlo sha ntemi atīko kūpandīka makoye, nīyo ī ng'holò ya masala īgadeebile a makanza na a kaīle ka mihayo.
6
Nguno a makoye ayo gang'wikalīlile ū munhū nūūlū gakabiza madito no, alīyo būlī mhayo gūlī n'ikanza na a kaīle kaago.
7
Nose īkī atīho munhū wa kūlīmana Ī likanza lya kū būjiiwa, nani adūgije kūūmanīkīja īyo īliza?
8
Atīho munhū wa kūdūla kūlang'hana moyo gwakwe gūtizīnga, na atīho wa kūdūla kūlūlomeleja lūshikū lwa kūcha kwakwe. Ūmo nshilikale atalekelagwa ng'wikanza lya būlūgū, nū būbi h'ūmo būlī; nabo būtabalekelaga abo bizunīlīja kwikala mubo.
9
Pyī ī yenīyī nakībona a maganiko gane aho gaalī ng'wikanza lya kwīgīsīlīja īyo īkīītagwa ha sīlīlī ya līīmi. Ng'hangala ningī munhū akahadīkaga kūnsuga ng'wiye, hūna wagwa mu mihayo ya kūūminya wei ng'wenekīlī.
10
Na a banhū ba malofu nūbabona balījīkwa, abo bingīlaga na kūfuma ng'wipandī lyeela; abo baakumīlījiagwa ū mu mizengo īyo bīītaga ī yenīyo. Ū gwenūyū nago gūtī na ngofyoolo.
11
Kūlwa kūdīīla kūshikīlījiwa kwa nsango ūyo gūbigeleelilwe bakenaagūji, nose ī ng'holò ja banhū jikookalaga kahelele ka mihayo yabūbi.
12
Gwike ū ng'hūnga nūūlū akashisha ng'hangala igana akwītaga ī yakwe ya nkūla, nī shikū ja būpanga wakwe jongeja ū kūkwīla, nahene ū nene namanile gīkī abo bang'ogohile Mulungu h'abo balī mu mhola nguno balī na logohano ū kū būtongi wakwe.
13
Alīyo ū nkenaagūji īkī atī na logohano ū kūlī Mulungu, ī mihayo yakwe ītīko kūmeelela, nūūlū ī shikū ja būlamu wakwe jitīko kūlīha gītī ng'wengeeji.
14
Na gūngī gūlīho gūkīītagwa ū mu sī, nūūlū īkī gūtī na ngofyoolo; gūlī gīkī, batūngīlīja bamò bakagwīlagwa makoye ayo gabigeleelilwe bakenaagūji, hama bakenaagūji bamò bakapandīkaga mihayo īyo yigeleelilwe kū batūngīlīja. Ū mhayo gwenūyū nago, ū nene nalīgūhaya gūtī na ngofyoolo gete.
15
Hūna lūūlū, ū nene nalībona īlī hambū hambū kūbūyegela ū būpanga; nguno a ha sīlīlī ya līīmi gūtīho gwawiza ū kūlī munhū kūtinda kūlya, kūng'wa na kūyega. Ū mu gīko ū būlamu bokwe hū būkūbiza na būyegi ū mu shikū jose ja būtūmami wa milīmo yakwe īyo Mulungu ang'helelile ha sīlīlī ya līīmi.
16
Aho naatūmamīla maganiko gane gīkī nagitegeleje a masala, nībone nī yīyo īkīītagwa na banhū mu sī, nguno balīho bangī yabagaya ī tūlo, ībize līīmi nūūlū būjikū;
17
a henaho hū nībona ī milīmo ya ng'wa Mulungu, nūdeeba gīkī atīho wa kūdūla kwīmana īyo īkīītagwa a ha sīlīlī ya līīmi; ū munhū h'ūmo akoyele kwīgīsīlīja, atūdūla ū kwīpandīka. Nūūlū igīmbe gīmbe gīkī alī na masala no, nahene atūdūla ū kwīgwanja pyī ī yose.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12