bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ecclesiastes 6
Ecclesiastes 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
1
Naabūbonile na būbi būngī a ha sīlīlī ya līīmi, ūbo būbabunile a banhū.
2
Ū Mulungu ashikile kūng'winha ū munhū sabo, būsabi, n'ikūjo; ūbiza atī na sha kūlula, īsho būpanga bokwe būshikalalilwe. Alīyo hangī ū Mulungu ashikile kūngobba ū būdūla wa kūshiyegela; nose akūshileka shilūmvwe na ngeni. Ū gwenūyū gūtī na ngofyoolo gete, hangī mi no.
3
Ū munhū ashikile kūbyala baana'igana, hama ūlama myaka mingī; alīyo h'ūmo akwīgīje ī shikū ja būlamu ū mu sī, ūlū atashilūmbile ī shawiza īsho wibilingīla, hama na h'ikanza lya kūjīkwa ūponyiwa sagala sagala dūhū; ū neene nalīhaya gīkī, ī nda ya kūkenaagūka īlī hambū hambū kūtinda ū ng'wenūyo.
4
Nguno ī nda yenīyo īkwiza alīyo ndūhū gwa kwisagīlwa, hama īkūfuma ījimīīlīle mu giiti, nī lina lyenīlo līkūfukīīlwa mu giiti.
5
Ī yoi ī chene ītalībonīle ī līīmi, nūūlū ni kwitegeleja shose shose dūhū yaya; alīyo īlī mu kwifuula kūtinda ū ng'wenūyo,
6
ū wa kūbiza nūūlū na būlamu wa myaka shihūmbī ng'hangala ibīlī, alīyo wilewa ū kūshilūmba ī shawiza īsho wibilingīla. Angū, ītī gīkī pye a banhū bakajaga kwipandī līmò dūhū?
7
Pyī ū būnoge bo ng'wa munhū būlolile ha sha kūtūūla mu nomo dūhū, alīyo ī ng'hūmbū ja shilīwa atamalaga.
8
Ī gīsī ū munhū wa masala ankīlile mu kinehe ū mbūūlī? Ū ng'habī nūūlū akabiza na būdūla bo kwilang'hana kū būtongi wa banhū, akūpandīka solobo kī?
9
Īlī hambū hambū ī liso līshibalade Īsho ūlī nasho, kūtinda kūkoyiwa mhayo gwa kwikūmvwa. Ū mhayo gwenūyo nago gūtī na ngofyoolo, gūlī gwa kūpeeja lūyaga dūhū.
10
Būlī shikolo īsho shilīho shilī na lina kwīngīīla kale, hama nī mihayo ya ng'wa munhū īmanīkile ūmo īlī; atadūgije kwilwisha nū yūyo ankīlile nguzu.
11
Angū yaloma no ītalūkaga chanjo; Ī yenīyo īkūngunanha kī ū munhū?
12
Nguno nani amanile yawiza kūlwa ng'wa munhū aho ataalī mu shikū jakwe ī ngehu ī ja būpanga būtī na solobo, ūmo akūbītaga gītī ng'wengeeji? Hangī nani ūyo adūgīje kūūmanīīkīja ū munhū mihayo īyo īkwilonga a ha sīlīlī ya līīmi ūlū lyūbīta ī likanza lyakwe?
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
All chapters:
1
2
3
4
5
6
7
8
9
10
11
12