bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ecclesiastes 4
Ecclesiastes 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
1
Aho naalola hangī nūbūbona pyī ū wiboneeji ūbo būkīītagwa ha sīlīlī ya līīmi. Nūshibona ī shisoji sha banhū abo biboneelagwa, alīyo baalī batī na wa kūbalūngūja, nguno a biboneeji h'abo baalī na būdūla; gwike nabo baalī batī na nūngūja.
2
A henaho nūhaya hape gīkī, Ī gete a bafu abo baacha balī hambū hambū, kūtinda a bapanga, abo bataalī bapanga.
3
Alīyo ūyo alī hambū hambū kūbatinda pye a bose alī ūyo ataalī kūbiza ho, ūyo ataalī kūbūbona ū būbi ūbo būkwītagwa ha sīlīlī ya līīmi.
4
Hama hangī nūbona gīkī gashi pyī ī milīmo nū būmani bo kūbeeja shikolo būkenhelejiagwa na munhū kūng'wītīla wilu nzenganwa ng'wiye. Ū gwenūyū nago gūtī na solobo, īlī kūpeeja lūyaga dūhū.
5
Ū nchilū akikalaga wakunaga makono dūhū kūnū akwiminyaga wei ng'wenekīlī.
6
Hambū hambū kūbiza na tūgehu twa mu lūpī dūhū kūnū ūlī mu būlembeezu, kūtinda maganda abīlī kūnū ūkūluhaga, na ūkūpeejaga lūyaga.
7
Nūbona na mhayo gūngī a ha sīlīlī ya līīmi, nago gūtī na ngofyoolo gete:
8
Alīho munhū ūngī akikalaga iyene sūlūgūtū, atī na ng'wana, nūūlū atikalaga na ndūgūye. Alīyo atamalaga ī milīmo, Ī liso lyakwe lītafulaga ī sabo; na lūūlū atibūjaga nūūlū hado gīkī, “Ī gete nakūnojiagwa milīmo kūlwa ng'wa nani, nose natūbūlūmbaga nū būpanga bone?” Ū gwenūyū nago gūtī na solobo, hama nīyo gūlī mhayo mi no!
9
Hambū hambū kwikala babīlī kūtinda iyene, nguno ī mheela ya būnoge wabo īlī niiza.
10
Ūlū būgwa, ūmò wabo adūgije kūngūngūmūla ū ng'wiye. Lelo ū wa kūgwa alīyo atī na wa kūngunanha kūgūngūmūka, ū ng'wenūyo alī mu kwihīga kūtaale no!
11
Hama a banhū a babīlī ūlū būlaala dege bakilūngūjaga, alīyo akūlūngūja kinehe ūyo alī iyene?
12
Ū munhū ūlū alī iyene adūgije kūheewa na ng'wanishi, abo balī babīlī bashikile kwigunanha; nū lūguuta ūlū lūbbasīlwe bo ngoye idatū lūdatīnīkaga wangū.
13
Ū ndinha wa masala, nūūlū akabiza ng'habī alī hambū hambū kūtinda ntemi namhala ūlū mbūūlī, na alemile kūganikīlwa.
14
Ū ndinha adūgije kūbiza wafumile mu jeela, hūna wigasha a ha būtemi, nūūlū abyalilwe mu kaya ya nyahabī ū mu sī ya būtemi bokwe.
15
Nakabona gīkī pye a banhū a bapanga abo baayeela yeelaga ha sīlīlī ya līīmi, baalī hamò nū ndinha ū ng'wingīji wa ha būtemi.
16
A banhū a bose abo baalī batogilwe abasuge baalī bingī no, batī na būkalīkīle. Alīyo abo bakiza hanuma yaho batanyegelile ū ng'wingīji. Ū gwenūyo nago gūtī na ngofyoolo; gūlī gwa kūpeeja lūyaga.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
All chapters:
1
2
3
4
5
6
7
8
9
10
11
12